Joaquín Cortés
kerdo: 30. 07. 2015 14:20 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen portretoskero dženo hino kheľibnaskero vaš baletos the flamenco Joaquín Cortés. Uľiľa beršeste 1969 andre Španielsko. Paš kheľibnaskere choreografiji jekhetanes ľikerelas le bare lumakere giľadenca. Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - street art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
