Juscelino Kubitschek de Oliveira
kerdo: 30. 07. 2015 14:00 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen portretoskero dženo hino Juscelino Kubitschek de Oliveira. Maškar berša 1956 - 1961 sas prezidentos andre Brazilia. Leskeri daj sas romaňi the phuro dad sas čechiko Rom Jan Kubiček andal Třeboň.Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - street art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
