Morgan Freeman
kerdo: 20. 10. 2017 12:51 opre kerdo: 27. 11. 2020 01:47
E Šarlota Bottová avri phirďas e Maškarutňi špecijalizovano škola andre Rimavsko Sobota, e profesija kozmetička. Te čitrinel chudľas kana sas pre maškarutňi škola, kana pro ori pal e estetika jekhtovar čitrinelas o portretos. Pal o čitratuňipen sakovar sikhľolas prekal o informaciji save sas pro internet the andre literatura. Lakri preferencija hine o grafitova penkala. Kaj sikavelas peskre portreta:
2017 - E kňižňica prof. Štefan Pasiar, Hnúšťa
2017 - Výmenník, Važecká uľica, Košice
2016 - E Galerija Phundrado vudar, Praha
Pro čitro hino o americko khelado the režiseris Morgan Freeman, savo vaš o leskri buťi chudľa buter bare moľipena, the o moľipen khatar e Americko filmovo akademija Oscar, vaj o Krištaľovo globusis vaš o baro kheladeskro uštariben andro lumakro filmos pro Maškarthemutno filmovo festival andro Karlovy Vary.
O materijalos: zoralo ľil, format A3
E technika: čitro - grafitovo penkalos
o autoris: Šarlota Bottová
copyright: O Themeskro džaňibnaskro pustikengro kher andro Prešov
e kategorija: čitratuňipen
o tagi: sekularno materialno buťakro 2D artefakt čitripen Šarlota Bottová savorenge interno
