O maribena
kerdo: 06. 09. 2022 13:19 opre kerdo: 06. 09. 2022 13:22
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
Pre osada perelas o udut le čhonorestar. O kherora tel o čhonoro diťhonas sar vareso sostar kampel te daral. Aňi hangocis pes našunelas, ča adaj-odoj jepaš phundrade vudarendar avelas avri o muršikano charčipen.
Andro šititno bľiščinde o čhura. Andre osada polokhores avenas o šingune. Sas len o zbraňi, andro vasta o paci. O šerutno Mihálik phenďas tasade hangoha: Akana ole melalen mištes moraha!“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
copyright: O Themeskro džaňibnaskro pustikengro kher andro Prešov
kerdo: 19. 07. 2022
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
