Romano charťas
kerdo: 11. 03. 2021 12:09 opre kerdo: 21. 04. 2021 10:25
O čitro sikhavel le romano charťas. Palal hine o figuri, o romane verdana u e jag. O čitro kerďas o Dominik Popuša Giňa pal e Zakladno škola andro Jarovnice, g. 192. O čtro kerdo temperaha pro zoralo ľil formatos A3, sas kerďi andro berš 2019. Pre paluňi sera pro zoralo ľil hino o ľiloro le identifikačno informacijenca pal e škola, pal o autoris the sar pes vičinel o čitro andre angľicko čhib.
E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
o autoris: Dominik Popuša Giňa
copyright: O Themeskro džaňibnaskro pustikengro kher andro Prešov
e kategorija: čitratuňipen
o tagi: sekularno materialno esteticko 2D artefakt čitro Dominik Popuša Giňa savorenge interno
