So o dživipen garuvel
kerdo: 18. 09. 2018 15:33 opre kerdo: 27. 11. 2020 01:47
Jozef Cichý (1966-) hino o romano čitratuno Ňižno Žipovostar, okresis Trebišov. Sikhľiľas avri sar automechanikos, paľis kerelas ča o čitratuňipen. Nekh bareder inšpiracija sar o čitratuno arakhelas andro Salvador Dalí, Leonardo da Vinci, Michelangelo Buonarotti, the o Rafael Santi. Leskro čitripen hino nekh buter le akrilova the oľejova farbenca, čitrinel nekh buter pro pochtan the pro sololit. Kerďas the buter čitripena pro fali andro khangera the andro khera, kaj parunen le mulen. O nekh bareder temi save čitrinel hine, bial o sakralna motiva the o temi pal e fameľija, o mariben the o romipen. Andro 90-te berša chudľas o moľipen pre savori slovaťiko suťaž andro amatersko čitratuňipen Trenčinoste. Peskre buťa sikavelas jekhetane avere romane čitratunenca andro Polťiko, andro Muzeum vaš e romaňi kultura Brnoste, Braťislavate pro sikaviben So mukehl o jilo pro romane čitratunengre paleti, Prešovoste, Michalovcate pro sikaviben tel onav Romane čercheňa, vaj Stropkovoste. Leskre čitre hine akana andro ki o 30 gava andro khera kaj parunen le mulen, andro varesave khangera, andro Muzeum vaš e romaňi kultura Brnoste, the andro buter thana pre Slovaťiko the andro aver thema.
O čitro pes vičhinel: So o dživipen garuvel
E technika: oľejos
O materijalos tel o čitro: o sololit
E tema: o dživipen
O čitro kerdo beršeste: 2003
O čitro digitalizimen: 2017
Savo hino baro: 87 cm x 57,5 cm
E administracija kerel: o autoris
E čitroskri originalita: originalos
O čitroskro nav: autoristar
O ramos: o ramos
o autoris: Jozef Cichý
copyright: O Themeskro džaňibnaskro pustikengro kher andro Prešov
kerdo: 18. 10. 2017
e kategorija: čitratuňipen
o tagi: sekularno materialno esteticko 2D artefakt čitro Jozef Cichý savorenge interno
