Trast trasteha
kerdo: 18. 03. 2021 12:29 opre kerdo: 18. 03. 2021 12:30
E fotografija sikhavel o charťikano artefaktos savo pes vičinel Trast trasteha. Ola hine duj trastune kotora, save hine charťimen jekhetanes. O autoris hino o artikano charťas Ivan Šarközy le gavestar Dunajská Lužná. O fotografiji sar kerde pro kidipen Europakro romano charťikano simpozijum andro berš 2014. E inšpiracija vaš oda artefaktos avľas andal o pheňiben, hoj o trast pes avri marel le trasteha. Ivan Šarközy hino pal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Avrisikhado hino o mechanikos pro loďi, no odi buťi na kerelas. Kerel o charťipen, the o džaňibnaskro charťipen. Leskre jileske pašo hin te kerel o sochi trastestar, savo imar ňikaske na kampel.
e kategorija: E vastengri buťi
o tagi: džide moderna esteticko trast charťipen Ivan Šarközy savorenge interno
O čiriklo
kerdo: 18. 03. 2021 12:17 opre kerdo: 05. 05. 2021 07:43
Pre fotografija hino o čiriklo kerdo le purane trastestar. O autoris hino o artikano charťas Ivan Šarközy andal o gav Dunajská Lužná. O fotografiji sas kerde pro kidipen savo pes vičinel Europakro romano charťikano simpozijum andro berš 2014. O artikano charťas rodelas, so te kerel le purane trastune kotorenca. E jekhto maketa kerďas le kartonostar. O charťas kerel le avri čhide purane trastune kotorendar buter ajse artefakti.
Ivan Šarközy hino pal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Avrisikhado hino o mechanikos pro loďi, no odi buťi na kerelas. Kerel o charťipen, the o džaňibnaskro charťipen. Leskre jileske pašo hin te kerel o sochi trastestar, savo imar ňikaske na kampel.
e kategorija: E vastengri buťi
o tagi: džide moderna esteticko trast charťipen Ivan Šarközy savorenge interno
O trušul
kerdo: 18. 03. 2021 12:05 opre kerdo: 18. 03. 2021 12:05
E bareder verzija trušulestar, savo kerďas peskre phraleske, savo mušas. O trušul hino thodo andro bar. E charťikaňi buťi adaj hiňi phareder, kampel precizno te kerel savore bonďaripena avka, hoj pes olestar te kerel jekh kotor. O trušul sas kerdo prekal o charťikano simpozijum andro berš 2013.
Ivan Šarközy hino pal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Avrisikhado hino o mechanikos pro loďi, no odi buťi na kerelas. Kerel o charťipen, the o džaňibnaskro charťipen. Leskre jileske pašo hin te kerel o sochi trastestar, savo imar ňikaske na kampel.
e kategorija: E vastengri buťi
o tagi: džide moderna esteticko trast charťipen Ivan Šarközy savorenge interno