E daj le čhavorenca
kerdo: 23. 11. 2022 11:10 opre kerdo: 23. 11. 2022 11:11
O čitro sikhavel la da le čhavorenca. O čitro kerďas Martin Lacko, 13-beršengro andal e Zakladno škola Jarovnicate, g. 192. Te technika hiňi kombinovano, ľepinel pes o papirošis u čitrinel pes. O čitro hino pro ľil formatos A3, kerdo andro berš 2019.
Pre paluňi sera pro čitro hino o ľiloro la informacijaha pal e škola, autoris u sar pes o čitri vičinel andre angľicko čhib.
E škola hiňi prindžarďi vašoda, hoj o čitre le čhavorendar chudle but moľipena khere the avral (India, Japonsko, Portugalsko, USA, Čechiko republika, Ungriko, Slovenia, Opruňi Macedonia, Švedsko, Norsko, Finsko, Iran the aver). Le čhavoren sikhavel o sikhavno Mgr. Ján Sajko. Sas len o ekshibiciji andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O cikne autora sas andal o socijalno čore fameľiji, nekbuter andal e romaňi osada andro gav Jarovnice.
e kategorija: čitratuňipen
o tagi: sekularno materialno esteticko 2D artefakt čitripen Martin Lacko savorenge interno
