Vojtech Kӧkény - O paluno thagar pre step
kerdo: 30. 06. 2022 10:41 opre kerdo: 30. 06. 2022 10:41
O čitro pro pochtan baro 101 cm x 74 cm pes vičinel O paluno thagar pre step. E technika hiňi o čitripen, oľejovo farbenca pro pochtan. O autoris hino Vojtech Kökény. O čitro sikhavel le muršes savo bešel pro graj. O čitro hino signovano pre čači sera tele, o berš kana sas kerdo hino 2001. O čitro sas andre kolekcija andre themutnengri organizacija Jekhetane-Spolu, savi delas phiko le romane čitratunenge andre lengri buťi.
PhDr. Vojtech Kökény (Kökény Kotyer Béla) uľiľas andro berš 1956 andre romaňi osada paš o gav Cakov, nadur khatar e Rimavsko Seč, andre lavutarengri fameľija. But berša kerelas e buťi sar o buťarno pro ačhavibena pre Slovaťiko the avri. Kerelas o čitratuňipen, e politika the o lokalno aktivizmus. Sar korkoro andro jekh vakeriben phenel, načitrinďas but buťa. Čitrinelas le ceruzkenca, paňeskre the oľejovo farbenca. Peskre buťa sikhavelas nekbuter andre Romaňi phirďi galerija, savi kerelas e Themutnengri asocijacija Jekhetane-Spolu kaj e šerutňi sas Daniela Hivešová-Šilanová. Le beršestar 1995 dži o 2005 kerelas buťi sar o socijalno buťarno pre Okresno kher andre Rimavsko Sobota.
Sas o dženo andre sera Romaňi themutnengri inicijativa (ROI), paľis geľas andre sera Romaňi inteligencija vaš o jekhetano dživipen (RIS) u e politicko karijera agorinďas andre Romaňi kolačno sera (SRK). Andro beš 2005 kerďas e kandidatura pro šerutno andro Banskobystricko samospravno krajos.
o autoris: Vojtech Kӧkény
copyright: O Themeskro džaňibnaskro pustikengro kher andro Prešov
kerdo: 22. 02. 2022
e kategorija: čitratuňipen
o tagi: sekularno materialno esteticko 2D artefakt čitripen Vojtech Kӧkény savorenge interno
