Yul Brynner
kerdo: 29. 07. 2015 10:03 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen portretoskero dženo hino filmovo artistos Yull Brynner. Uľiľa beršeste 1920 Rusijate, muľa beršeste 1985 andro New York (USA). Chudňa le Oskaris. jekbareder les opre thoďa e figura andro baro prindžardo filmos Efta tromade. Terďolas paš peskero romipen. Sas jekh savorendar so zathode Maškarthemutňi romaňi unija (International romani union). Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - street art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
