Marián Balog
kerdo: 19. 05. 2021 09:46 opre kerdo: 19. 05. 2021 09:47
E fotografija sas kerďi prekal o leperibnaskro vakeriben andre Bansko Bystrica andro berš 2016.
Marián Balog kerďas e themutnengri organizacija Romano literarno klubos, savo ačhaďas andro berš 2009. Hino the leskro aktivno dženo. O klubos prezentinel o literarna buťa le Romendar pal o Roma.
e kategorija: vizualno čitratuňipen
o tagi: sekularno digitalno esteticko in persona fotografija Marián Balog savorenge interno
Ivan Veselý
kerdo: 18. 05. 2021 12:13 opre kerdo: 18. 05. 2021 12:14
Ivan Veselý uľiľlas pro vichodno Slovaťiko andre romaňi osada Smižany. Hino nekhphureder pandž čhavorendar. Avri phirďas e Maškarutňi slugaďengri škola andro Martin, dži o berš 1989 sas o profesijonalno slugaďis andre Čechiko republika. Andro berš 1989 les vaš o leskre gondoľipena pal o armadno šerutňipen degradinde u čhide la armadatar avri. Paľis kerelas buťi sar o buťarno. Kana pes paruďas o režimos, chudľas e armadno rehabilitacija. Ivan Veselý kerďas e organizacija Dženo, but berša sas aktivno dženo u funkcijonaris andre Internacijonalno romanňi unija (IRU), sas the o dženo andro buter maškarthemutne komisiji vaš e romaňi emancipacija. Sas the o vicešerutno andre Romaňi themutnengri inicijativa. E fotografija sas kerďi, kana sas o vakeriben leha andro berš 2013.
e kategorija: vizualno čitratuňipen
o tagi: sekularno digitalno esteticko in persona fotografija Ivan Veselý savorenge interno
E folklorno kapela Júliusoskri Bandyskri
kerdo: 17. 05. 2021 12:16 opre kerdo: 17. 05. 2021 12:17
O fotografiji sas kerde pro kidipen Džiďi kňižka, e tema sas o romano holokaust. Te bašavel sas akharďi e Folklorno kapela Júliusoskri Bandyskri. Andre kapela hine o dad Július Bandy u leskre trin čhave – Kristián, Július the Samuel. Bašaven pre cimbalma, bari bugova, lavuta the kontra. O žanra save bašaven hine klasicko the kheľibnaskre. Andro lengro repertoaris arakhas slovaťiko the romano folkloris, o giľa aver minoritendar – židoviko, rusiňiko, ungriko, rusiko, keren the filmovo bašaviben.
O dad, Július Bandy hino andal e lavutariko fameľija. Uľiľas Bara Šarošate. Pre Zakladno bašavibnaskri škola Mikulašoskri Moyzesoskri andro Prešove agorinďas o bašaviben pre cimbalma. Bašavel the pro saksofonos, bari bugova the harmoňika. Andro berša 1982-1983 bašavelas andro čhavorikano folklorno suboris Dúbravienka andro Prešov. Andro berša 1985-1986 bašavelas andro čhavorikano folklorno suboris Šarišanček andro Prešov. Sar 15 beršengro bašavelas andro Teatro Alexandroskro Duchnovičoskro andro Prešov. O slugaďipen kerelas andro Armadno umelecko suboris Jánošík andro Zvolen (1993-1994). Pre cimbalma bašavelas andro buter kapeli the subora – e folklorno kapela Prešovčan, o folklorno suboris Sabinovčan, e folklorno kapela Čardáš Prešovostar, e folklorno kapela Janoskri Budyiskri andal o Humenné.
Kristián Bandy sikhľiľas e lavuta pre Zakladno umelecko škola Mikulašoskri Moyzesoskri andro Prešov. Te sikhľol geľas dureder pro Privatno konzervatorium Dezideroskro Kardošiskro andro Prešov (1.-3. berš), paľis geľas pro Privatno bašavibnaskro the dramaticko konzervatorium andro Košice (4.-6. berš). O bašaviben pre lavuta sikhľola dureder pre Katoľicko univerzita Ružomberkoste, o kotor andre Spišsko Podhradie. Eksterno bašavel andro teatro Romathan, hino o šerutno andre kapela andro suboris Fialečka paš e Zakladno škola Šrobarovo andro Prešov. Andre fameľijakri kapela bašavel pre viola.
Július Bandy sikhľolas pre cimbalma pre Zakladno umelecko škola Mikulašoskri Moyzesoskri andro Prešov. Paľis sikhľolas pro Privatno bašavibnaskro the dramaticko konzervatorium andro Prešov (1.-4. berš), kaj andro školakro berš 2018/2019 kerďas e maturita. Andre kapela bašavel pro kontrabas.
Samuel Bandy hino o primašis andre fameľijakri kapela. Sikhľol pre lavute pre Zakladno umelecko škola Mikulašoskri Moyzesoskri andro Prešov. Vaš o bašaviben pre lavuta chudľas buter bare moľipena pro suťaži pre Slovaťiko.
E fameľijakri kapela kerde andro berš 2013. O čhave Kristián the Július hine absolventa pal o Privatno bašvibnaskro the dramaticko konzervatorijum andro Košice. Samuel mekh phirel pre zakladno škola andro Prešov.
e kategorija: vizualno čitratuňipen
o tagi: sekularno digitalno esteticko in persona fotografija E folklorno kapela Júliusoskri Bandyskri savorenge interno
Elena Cinová
kerdo: 17. 05. 2021 11:41 opre kerdo: 17. 05. 2021 11:51
Elena Cinová sikhľiľas avri sar e sikhavňi vaš o 1. kotor pro zakladna školi pre Univerzita Konštantinoskri Filozofoskri andre Nitra, pre ole beršengri Katedra vaš e romaňi kultura. Kerel buťi sar e sikhavňi vaš o profesijno buchľaripen andro Metodicko u pedagogicko centrum andro Prešov, konkretno andro kotor ROCEPO (Romano centrum Prešov). Andro foros Humenné, kaj bešel, ľidžal angle e birajipnaskri organizacija, e Unija vaš o telesno sikhaviben u športos, prekal savo kerel buter projekta vaš e buťi le romane čhavorenca u le ternenca andro lokaliti Podskalka u Brekov. E fotografija sas kerďi kana pes kerela e dokumentacija, lakro leperibnaskro vakeriben, andre Štatno džaňibnaskri kňižňica andro Prešov, andro berš 2020.
e kategorija: vizualno čitratuňipen
o tagi: sekularno digitalno esteticko in persona fotografija Elena Cinová savorenge interno
E folklorno kapela Alexandroskri Daškoskri
kerdo: 10. 05. 2021 10:26 opre kerdo: 14. 05. 2021 10:39
O fotografiji, kaj hine o džene andal e folklorno banda, kaj o primašis hino o Alexander Daško. E cimbalovo kapela sas kerďi Bansko Bystricate andro berš 1992. O kapelakro repertoaris keren o folklorna giľa – romane, slovaťika, the aver nacijendar, sajekh sar o operetna u filmova melodiji, dine avri imar bude CD. O šerutno andre kapela hino o primašis Alexander Daško. Kerďas the e Privatno zakladno umelecko škola Lavuta Bansko Bystricate. Sajekh, kerďas u sako berš kerel o festival vaš e romaňi kultura Romaňi jag andre Banská Bystrica. O fotografiji sas kerde, kana pes dokumentinelas o charno koncertos e kapelakro andro Prešov.
e kategorija: vizualno čitratuňipen
o tagi: sekularno digitalno esteticko in persona fotografija E folklorno kapela Alexandroskri Daškoskri savorenge interno
Luna
kerdo: 05. 05. 2021 10:34 opre kerdo: 05. 05. 2021 10:34
LUNA hiňi e džuvľikaňi kapela andal o foros Martin. Lengro repertoaris hino kerdo andal o romano the slovaťiko folklor, buterval bašaven the o popularna kompoziciji u giľa andro folklorno aranžmanos vaj o klasicko bašaviben. Andre kapela bašaven Petra Cicková - akordeon, Božena Cicková - bari bugova, Michaela Kazárová - lavuta, Stanislava Cicková - giľavel.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
Jozef Patkaň
kerdo: 05. 05. 2021 09:58 opre kerdo: 05. 05. 2021 09:58
Jozef Patkaň hino jekh maškar o nekh bareder romane biznismena pre Slovaťiko. Peskro biznis kerel the andre Čechiko republika, Slovenija, Rakusko the Ňemciko. Leskri buťi hiňi andre kaštuňi produkcija the ačhaviben. Del buťi the le Romenge. Hin les univerzita u o sikhľuviben vaš o romane čhavore dikhel sar but važno. Ov korkoro hino andal e bari romaňi fameľija. Leskro dad sas charťas. Eňa čhavorendar, save ačhile džide efta dženen hine uče školi.
e kategorija: vizualno čitratuňipen
o tagi: sekularno digitalno esteticko in persona fotografija Jozef Patkaň savorenge interno
Pavel Klinec
kerdo: 05. 05. 2021 09:42 opre kerdo: 05. 05. 2021 09:42
O fotografiji sas kerde andro gav Dúbravy, kana o Pavel Klinec vakerelas pal o peskre leperibena. Pre fotografija hiňi the e leperibnaskri tabla pre fala pro gaveskro kher, savi hiňi pal ola murdarde džene andro Dujto lumakro mariben.
Pavel Klinec pal o mariben kerelas e buťi ko chulaj andro gav Očová. Sas o pastiris (juhašis). Avri phirďas e baňicko buťengri škola andro gav Sirk. Paľis kerelas e buťi andro baňi Ostravate (Čechiko republika). Pal o slugaďipen kerelas buťi pro trastuno drom Zvolenoste. Andre kadi buťi chudľas andal e firma but moľipena vaš leskri buťakri kvalita.
e kategorija: vizualno čitratuňipen
o tagi: sekularno digitalno esteticko in persona fotografija Pavel Klinec savorenge interno
Márie Oláhová
kerdo: 05. 05. 2021 08:57 opre kerdo: 05. 05. 2021 08:58
Márie Oláhová (1963-), prindžarďi sar e Maryša Detvatar, hiňi e umelecko šerutňi, e šerutňi andre giľavipnaskri sekcija u e kheľibnaskri pedagogička andro romano folklorno suboris Romka. O suboris chudle jekhto te kerel o Juraj Berky the o Ľubomír Oláh Detvate andro berš 1987. Andro suboris chudľas e Maryša te kerel le beršestar 1989. Prekal o lakre vasta pregele šela romane čhavore u terne manuša.
e kategorija: vizualno čitratuňipen
o tagi: sekularno digitalno esteticko in persona fotografija Márie Oláhová savorenge interno
Vladimír Sendrei
kerdo: 05. 05. 2021 08:14 opre kerdo: 05. 05. 2021 08:15
Vladimír Sendrei, o giľavno u o manuš, savo kerďas e lauvutarengri banda Sendreiovci u Kokavakere lavutara. Hino o šerutno andre asocijacija Lačho drom, o organizatoris vaš o muzikakro festivalos Balval fest. Andro ňilaj 2006 e komerčno televizija Markíza chudľas te del o dokumentarnones kerde vakeribena pal e kapela Sendreiovci. Andro berš 2008 sas andro dokumentarno filmos Malá domov (Te lel nekhbuter sar šaj) le slovaťiko režiseristar Jarostar Vojtekostar. Andro berš 2012 khelďas andro filmos Cigana džan andro alosaripen. O bašaviben so kerde o Sendreiovci sas the andro filmos Sherlock Holmes: O učhaľina, pal oda kana len prekal o scout pro vichodno Slovaťiko arakhľas u andro filmos avri iľas o kompozeris Hans Zimmer.
E fotografija sas kerďi andro berš 2014 pro muzikakro festivalos Balval fest.
e kategorija: vizualno čitratuňipen
o tagi: sekularno digitalno esteticko in persona fotografija Vladimír Sendrei savorenge interno