Vincent Danihel
kerdo: 17. 01. 2023 14:43 opre kerdo: 08. 02. 2024 11:28
E archivno fotografija andal e organizacija Jekhetane-Spolu sikhavel le Vincent Danihel, savo ačhiľas prindžardo kana sas andre funkcija sar o zorardo manuš rajipnastar SR vaš o lačharipen le problemengro andre romaňi minorita, savi kerelas andro berša 1991 – 2000.
O than, o datumos u o autoris la fotografijakro paš o analogovo filmos nane pisimen. Prekal oda, so hino pro fotografiji pes šaj gondoľinel, hoj sas kerde andro berš 1998, vaš oda, hoj pro fotografiji hino the o jekhto romano šerutno andro foroskro kotor Luník IX andro Košice.
JUDr. Vincent Danihel uľiľas andro gav Kuklov andro okresis Malacky andre bareder romaňi fameľija. O pravňicko sikhaviben chudľas pre Pravňicko fakulta pre Komensko Univerzita Bratislavate. Andro berš 1990 sas o šerutno redaktoris andro jekhto romano magazinos andre puraňi Čechoslovakija savo pes vičinelas Lačho lav, paľis pes paruďas pro Amaro lav.
Andro berša 1990 – 1992 sas o poslancos andro Federalno kidipen Čechiko the Slovaťiko Federativno Republika (ČSFR), o kotor Manušengro kidipen. Sas o kandidatos vaš e politikaňi sera Komunisticko sera Slovaťiko (KSS), paľis vaš e Sera demokraticko bangi (SDĽ).
copyright: O Themeskro džaňibnaskro pustikengro kher andro Prešov
kerdo: 19. 12. 2022
e kategorija: čitratuňipen
o tagi: sekularno digitalno esteticko in persona fotografija Vincent Danihel savorenge interno
