Sar te arakhel o pesonalna data
Dav miro lačho lav le ŠVK kaj te kerel mire personalno informacijenca prekal o § 11 zakonos g. 122/2013 Z.z. pal o arakhipen vaš o personalna data u o paruvipen the buchľaripen andro varesave zakoni (dureder ča „Zakonos“), save chudľas hoj te kerel o biblijo-informačna buťa u o špecijalna servisi pro portalos ŠVK u ajci data, keci hine andre kada formularis dži kana ľikerel e registracija u 24 čhona buter pal lakro agoripen. Kana agorinel kada časos, vaj kana o res vaš soske pen len o data, e inštitucija del peskro lav, hoj prekal o § 17 Zakonostar khosela savore ola personalna data. Sajekh chudľom e informacija, hoj o personalna data dav mira vojatar. E inštitucija del e manušeske e garancija, hoj leskro lav šaj te paruvel kana kamel te oda pisinela prekal e podmijenk, hoj les nane andre biblijoteka ňisave musaja, save mekh nane žužarde. Sajekh dav miri goďi, hoj chudľom e informacija avka, sar phenel o § 15 kotor 1 Zakonoste u chudľom e informacija pal o čačipena the musaja save man hin sar e persona u save hine andro § 28 Zakonoste.
O generalna principi vaš e blogerengri registracija u o principi sar te kerel o blogi
- Te kerel o blogos našťi te mangel, soske odoj nane o legislativno musaj.
- O Themeskro džaňibnaskro pustikengro kher andro Prešov ľikerel o čačipen te na mukhel le manušeske te kerel o blogos the bi te phenel soske.
- Te o manuš pro blogos phagel o eticko kodeks, e inštitucija ľikerel o čačipen te agorinel le manušeskri registracija.
- Andro blogi pes na mukhel te kerel e reklama vaš o politikane seri u inicijativi, lengre aktiviti, mitingi u kidipena, o reportaža pal lende, o mangipena vaš o peticiji, oficijalna deklaraciji, alosaripnaskre slogani u aver.
- Sako kotor lekhaviben le blogeristar pes dela avri ča kana o blogengre administratora andro Themeskro džaňibnaskro pustikengro kher oda mukhena.
O eticko kodeks vaš o blogaripen
- O blogeris na pisinela o džungale lava.
- O autoris pro blogos andro peskre buťa našťi te kerel e diskriminacija pre ňikaste, našťi te vazdel o rasovo, religijozno the nacijonalno na kamiben.
- O autoris pro blogos našťi te vazdel o seksizmus u aver formi save peraven le manušen.
- O administratoris ľikerel o čačipen te na mukhel avri o blogos, kaj pes arakhel o bi lačhe lava, o peravipen, džungaľipena, daravipena u o mangipena vaš o anti khetaňibnaskre vaj ilegalna buťa.
- O blogeris našťi te sikavel o personalna data avere dženendar, aňi lengre muja.
- O blogeris andro blogi našťi te thovel o internetova linky pre aver seri, save nane andre relacija oleha, pal soste andro peskro blogos/lekhavipen pisinel.
- O blogeris andro peskre blogi našťi te kerel e propagacija vaš o linki pre reklama the komerčna aktiviti.