E džiďi kňižka: E Romaňi čhib
kerdo: 12. 05. 2017 17:52 opre kerdo: 27. 11. 2020 02:00
O džide kňižňice sar e metoda den le manušenge o šajipen te prindžarel o dživipen ole manušengro, save hine na sako ďivesutne u maškar e majorita frima prindžarde. O res hin pre jekh sera te vazdel e identita andre romaňi narodnostno minorita, pre aver sera te sikavel e majoritake le Romen sar e narodnostno minorita, savi hin e barvaľi kulturno tradicija. O štarto kidipen andre serija "Džide kňižňici 2015" kerde prekal o Themeskro džaňibnaskro kher andro Prešov sas 7.novembros 2015 andro Wave Klub andro Prešov, e tema sas e romaňi čhib. Pro kidipen sas akharde e Jarmila Vaňová u Stanislav Cina. Te bašavel sas akharďi e primaška Barbora Botošová le grupaha Bohémiens.
e kategorija: vakeriben
o tagi: Barbora Botošová Stanislav Cina
Europakro romano charťikano symposium
kerdo: 05. 05. 2017 10:17 opre kerdo: 27. 11. 2020 01:47
O charťikane symposium: O Europakro romano charťikano symposium chudľas te pisinel peskri historija andro berš 2004. O jekhto symposium andre historija kerďas o themutnengro jekhetaňiben Charťikano pro 16. oktobris 2004 andro purano kotor pro gav, pre dvora andre cikňi škola, na dur khatar e khangeri sunto Martinoskri, savo hino o patronos vaš charťa the furmana. Andro berš 2012 thode andro archivos o charťikane symposiji, e vizualizacija the oda so hin andro archivos kerďas o jekhetaňiben Charťikano.
e kategorija: dokument
o tagi: Dunajská Lužná
Charťipen andre Dunajská Lužná
kerdo: 05. 05. 2017 10:13 opre kerdo: 27. 11. 2020 01:47
O romane charťikane fameľiji andre Dunajsko Lužná: O themutnengro jekhetaňiben Charťikano andal e Dunajsko Lužná kerel o charťikano simpozijum. Peskra buťaha kerde e dokumentacija the pal o romane charťikane fameľiji, save sas the mekh hine andro gav. O charťikane fameľijengro archivos sas kerdo andro berš 2012, e vizualizacija the oda, so hin andre thodo kerďas o themutnengro jekhetaňiben Charťikano.
e kategorija: dokument
o tagi: Dunajská Lužná
Autorsko geňiben - Erika Hornáková, Roman Goroľ
kerdo: 26. 04. 2017 23:18 opre kerdo: 27. 11. 2020 02:00
O autorsko geňiben kerďas e Themeskri džaňibnaskri kňižňica andro Prešov, pro 30. oktobris 2013 andre reštauracija Double Tiffany andro Prešov. O akharde džene sas e lekhavňi Erika Hornáková the o poetos Roman Goroľ, save vakerde pal peste, pal o lengre lekhavipena, pal e buťi so keren u lengre kňižkendar gende the anglo publikum. Te bašavel sas akhardo o gitarovo duo - Duo Farsa.
e kategorija: vakeriben
o tagi: Erika Hornáková
Romathan - Čercheň
kerdo: 26. 04. 2017 23:14 opre kerdo: 27. 11. 2020 01:54
Romathan - e giľi Čercheň. Čercheň - e giľi andal o Romathan andro neve gada: O teatro Romathan andre peskri 65. premijera sikavel le manušenge šukar kheľibnaskro the bašavibnaskro programos savo pes vičhinel Romathan andro neve gada. Jekh maškar o bašavibnaskre kotora andal o programos hiňi the e giľi Čercheň, savi giľaven Ondrej Ferko u e Dáša Polláková.
e kategorija: bašaviben
o tagi: Romathan Dáša Polláková
Vilko andro vešeskro thagaripen
kerdo: 22. 12. 2016 08:58 opre kerdo: 27. 11. 2020 01:54
O Teatro Romathan khelďas e paramisi le giľenca vaš o čhavore save mekh na phiren andre škola, the o čhavore andro terneder školakre berša tel o nav Vilko andro vešeskro thagaripen. O res andre paramisi hino te sikavel o lačhipen, savo ňikana nane andro manušikano dživipen dosta zoralo. Prekal oda, hoj e paramisi hiňi andro veš, le čhavoren hin o šajipen te prindžarel o džvirini, save chuden o pozitivna manušikane charakteri.
e kategorija: e drama
o tagi: Romathan
O magicko manušoro
kerdo: 21. 12. 2016 09:11 opre kerdo: 27. 11. 2020 01:47
O akhariben pro teatros - e bašavibnaskri paramisi Škriatok (O magicko manušoro). O akhariben del e informacija pal o realizačno timos, pal o džene andre paramisi u ko so khelel u pal o than. Pre titulno sera pro akhariben hiňi e ilustracija (bi o autoroskro nav). Technicka informaciji: učipen: 210 mm, buchľipen: 149 mm, materijalos: ľil, ľilengro gendo: 4, farbi: kalo-parno pro zeleno.
e kategorija: dokument
o tagi: Romathan
Le dživipnaskri refleksija
kerdo: 21. 12. 2016 08:38 opre kerdo: 27. 11. 2020 01:47
O čitro čitrindo andro berš 2014 sar e buťi vaš o uštaribnaskro procesos andre Technicko univerzita andro Košice. E inšpiracija hiňi khatar o Salvador Domingo Felipe Jacinto Dalí (1904 - 1989), o špaňijeliko surrealistikano čitratuno. O čitorskro baripen: 57 cm(u) x 31 cm(b), o materijalis: sadrokarton, o farbi/kolori: akryl. Jozef Fečo pro čitro čitrinel pes korkores, o nav le čitroskro hino Le dživipnaskri refleksija.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Lačhe jileskri fameľija
kerdo: 20. 12. 2016 23:06 opre kerdo: 27. 11. 2020 01:47
O bulletin ki o teatros Lačhe jileskri fameľija. Pro jekhto ľil hino o teatroskro logo, e ilustracija, o datumos, ori u o than kana ela e premijera. Andral hino o realizačno timos, ko so khelel, o angluno lav le teatroskro šerutnestar u režiseristar. Technicka informaciji: format A5, ľilengro gendo: 5, farba: kaľi pro zeleno the parno.
e kategorija: dokument
o tagi: Romathan
O charťas the o beng
kerdo: 20. 12. 2016 22:56 opre kerdo: 27. 11. 2020 01:47
O plagatos ki e premijera, e paramisi O charťas the o beng. Pro plagatos hiňi e ilustracija, e autorka O. Hingisová, berš 1997. Pro plagatos mekh hine o teatroskro logo, o than, o datumos u ori kana ela e premijera pisimen vasteha. Technicka informaciji: format A3, materijalos: ľil blištavo, ľilengro gendo: 1, farba: but farbi.
e kategorija: dokument
o tagi: Romathan
