Tibor Oláh - o čitratuňipen
kerdo: 24. 06. 2016 07:58 opre kerdo: 27. 11. 2020 01:54
Tibor Oláh hino o amateriko čitratuno, savo dživel u kerel buťi andro gav Plešivec. Uľiľas andre Detva u hino 8 čhavendar. Ki o čitratuňipen les anďas leskro phral Dušan Oláh. Nekh buter čitrinel o temi sar e priroda - o phuva the o gava. Leskre buťa hine kerde zorale farbenca. Čitrinel pro pochtan the sololit. Sar phenel, čitrinel oda, so les hin andre goďi cikňipnastar. E inšpiracija rodel the andre priroda, sostar kerel e dokumentacija pro video. Kada digitalno objektos sikavel, sar čitrinel e romaňi osada Pastovník andre Detva, kaj bariľas. O čitro kerďas sar e ilustracija, savi avela avri andro Romano nevo ľil.
e kategorija: čitratuňipen
o tagi: Tibor Oláh
Ondrej Ruszó - o čitratuňipen
kerdo: 24. 06. 2016 07:52 opre kerdo: 27. 11. 2020 01:54
Ondrej Ruszó hino o amatersko čitratuno, savo dživel u čitrinel andro gav Plešivec. Uľiľas andre Revúca. Les the le aver čitratunes, o Tibor Olah, hino lengro atelijeris. Te kerel o čitri chudľas mekh kana sas cikno čhavoro, pre zakladno škola. Sas len o berša, kana na čitrinelas. Phenel, hoj te le manušes hino talentos, oda leske sakovar ačhela, the te na čitrinela buter berša. Peskro čitratuňipen lačharelas kana kerelas e buťi pro ačhavibena Bratislavate. Pal e buťi phirelas pro kurz te sikhľol o čitratuňipen. Leskre jekhto buťa avri avle andro Romano nevo ľil, mekh kana chudle o eňavardešte berša. Kerelas o ilustraciji vaš e poezija. Nekh buter kerel o paťavibnaskre, religijozna temi, o portreti, interesinel les the architektura. Pro video hino o čitripen le angareha - e ilustracija vaš o Romano nevo ľil.
e kategorija: čitratuňipen
Duo Farsa - Turecká
kerdo: 22. 06. 2016 12:48 opre kerdo: 27. 11. 2020 01:54
Pro video hino o phundrado koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. Kada autorikano bašavibnaskro kotor iľas e inšpiracija khatar e na prindžarďi melodija, savi cirdľas o kana le muzikantengre kana gele andro Turecko.
e kategorija: bašaviben
o tagi: Duo Farsa
Miloslav Suchomel - o vakeriben pal o džezovo bašaviben
kerdo: 22. 06. 2016 09:28 opre kerdo: 27. 11. 2020 01:54
O vakeriben pal o džezovo bašaviben, pal o romano bašaviben le romane muzikantoha, so bašavel pro saksofonos, le kompozitoroha u aranžeriha o Miloslav Suchomel.
e kategorija: vakeriben
Duo Farsa - Rašaj
kerdo: 22. 06. 2016 08:58 opre kerdo: 27. 11. 2020 01:54
Pro video hino o phundrado koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. Kada bašaviben vakerel pal o lengre doša, hino o ďonašis, vičhinel pes o Rašaj. Phenel pal o dukhade momenti andro lengro dživipen.
e kategorija: bašaviben
o tagi: Duo Farsa
Miroslav Rác - Porraimos
kerdo: 20. 06. 2016 12:33 opre kerdo: 27. 11. 2020 01:47
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porraimos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porraimos. O konkretno prezentimen inštrumentalno kotor pes vičhinel Porraimos.
e kategorija: bašaviben
Miroslav Rác - Balada cis mol
kerdo: 20. 06. 2016 12:29 opre kerdo: 27. 11. 2020 01:47
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porraimos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porraimos. O konkretno prezentimen inštrumentalno kotor pes vičhinel Balada cis-mol.
e kategorija: bašaviben
Miroslav Rác - Poéma a-mol
kerdo: 20. 06. 2016 10:56 opre kerdo: 27. 11. 2020 01:47
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porraimos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porraimos. O konkretno prezentimen inštrumentalno kotor pes vičhinel Poema a-mol.
e kategorija: bašaviben
Martin Holub, Roman Holub - Odoj tele paš o paňi
kerdo: 20. 06. 2016 09:37 opre kerdo: 27. 11. 2020 01:54
E giľi sas dokumentimen andro uľici andro centrum le foroskro Prešov. O interpreta hine o folklorna romane giľavne andal o gav Chminianske Jakubovany, save giľaven avri pro uľici u akana len imar akharen te bašavel pro varesave akciji. Kadi tradično giľi hiňi vokalno the inštrumentalno, duj hangi, bašaven o gitari e akordicko the basovo linka.
e kategorija: bašaviben
o tagi: Roman Holub Martin Holub
Martin Holub, Roman Holub - Amaro del
kerdo: 20. 06. 2016 09:11 opre kerdo: 27. 11. 2020 01:54
O interpreta hine o folklorna romane giľavne andal o gav Chminianske Jakubovany, save giľaven avri pro uľici u akana len imar akharen te bašavel pro varesave akciji. Kadi khangerakri, religijozno giľi hiňi vokalno the inštrumentalno, duj hangi, bašaven o gitari e akordicko the basovo linka.
e kategorija: bašaviben
o tagi: Roman Holub Martin Holub
