E džiďi kňižka: E Romaňi čhib
kerdo: 12. 05. 2017 17:52 opre kerdo: 27. 11. 2020 02:00
O džide kňižňice sar e metoda den le manušenge o šajipen te prindžarel o dživipen ole manušengro, save hine na sako ďivesutne u maškar e majorita frima prindžarde. O res hin pre jekh sera te vazdel e identita andre romaňi narodnostno minorita, pre aver sera te sikavel e majoritake le Romen sar e narodnostno minorita, savi hin e barvaľi kulturno tradicija. O štarto kidipen andre serija "Džide kňižňici 2015" kerde prekal o Themeskro džaňibnaskro kher andro Prešov sas 7.novembros 2015 andro Wave Klub andro Prešov, e tema sas e romaňi čhib. Pro kidipen sas akharde e Jarmila Vaňová u Stanislav Cina. Te bašavel sas akharďi e primaška Barbora Botošová le grupaha Bohémiens.
e kategorija: vakeriben
o tagi: Barbora Botošová Stanislav Cina
Stanislav Cina - o vakeriben
kerdo: 15. 07. 2016 10:35 opre kerdo: 27. 11. 2020 01:54
Mgr. Stanislav Cina, o absolventos pal e Pedagogicko fakulta UKF Ňitrate, e špecijalizacija O sikhaviben vaš o I. kotor pro zakladna školi, sakovar kerel e pedagogika, ačhiľas the sar o uče školakro sikhavno, kaj dikhel nekh buter pre romaňi čhib. Andro berš 2008 sas maškar o signatara vaš e Štandardizacija andre romaňi čhib pre Slovaťiko. Sar o autoris kerďas buter publikaciji vaš o sikhavne so sikhaven le čhavoren andal o socijalno bi lačhe thana, o sikhavibnaskre kňižki vaš o zakladna the maškarutna školi, but džaňibnaskre lekhavipena u kotora andro slovaťika the aver themeskre monogragiji u perijodiki, pro džaňibnaskre konferenciji, hino jekh maškar o autora so kerde o slovaťiko-romano u romano-slovaťiko alavaris. Akana kerel buťi andro Urados vaš o zorardo manuš SR vaš o romane komuniti andro Prešov.
e kategorija: vakeriben
o tagi: Stanislav Cina
