Roman Goroľ - Šilalo čalaviben našade tosarastar
kerdo: 14. 12. 2018 13:25 opre kerdo: 27. 11. 2020 02:00
Roman Goroľ uľiľas 15.8.1969 andro Vranov nad Topľou. Hin les romňi, trin čhave a kerel buťi sar o sikhavnengro asistentos pre zakladno škola andro gav Čaklov, kaj the bešel. Roman Goroľ phirelas pre Pedagogicko fakulta pre Prešovsko univerzita andro Prešov, kaj agorinďas o bakalarsko učipen. Roman Goroľ bares kamel e literatura, poezija the e proza. Imar kana sas ča terno čhavo, pisinelas o charne giľutne pal o dživipen, emociji, pal o kamiben. Leskro literarno džaňiben pes sikavel andre poeticko kňižka, Šilalo čalavipen našade tosarastar, savi avri diňas e Štatno džaňibnaskri kňižňica andro Prešov andro berš 2016, o ilustraciji kerďas o Martin Kaleja Januv. Štar giľutne andre romaňi the angľičaňiko čhib prethoďas Erika Godlová. O video kerdo pro 1.12.2016 sikavel o autoris, savo pisinďas ola giľutne, sikavel varesave leskre giľutne, o vakeriben hino the pal o ilustratoris Martin Kaleja Januv, leskro džaňibnaskro talentos šaj dikhen pro video. František Godla the o Dušan Onody sar Duo Farsa buchľarde o programos peskre bašavibnaha. (Khatar: Roman Goroľ, Šilalo čalavipen našade tosarastar, personalno rodipen).
e kategorija: vakeriben
o tagi: leperiben biograficko dialog korkoro slovaťiko romanes Roman Goroľ František Godla Dušan Onody sakoneske interno
O autorsko geňiben - Dušan Onody, Marco Pillo
kerdo: 15. 07. 2016 10:47 opre kerdo: 27. 11. 2020 01:54
Dav Tuke, ča Tuke (o autorsko geňiben Dušan Onody, Marco Pillo). O autorsko geňiben Dušan Onodyskro sas pro 31.3.2014 pre Cikňi scena andro Teatro Jonáš Záborský andro Prešov. E poemakri kňižka, savi avri avľas tel o nav Dav Tuke, ča Tuke, sas prezentimen jekhetane le bašavibnaha khatar o gitaristas Marco Pillo, savo the giľavel. Leskro bašavibnaskro štilos hino nekh buter andro žanros flamenco. Andro programos bašaďas the varesave tradična romane giľa andro flamenco štilos. Pro agor andro digitalno objektos amen hin o šajipen te dikhel u šunel e bašavibnaskri improvizacija, bašavelas Marco Pillo u e grupa Duo Farsa, kaj Dušan Onody hino o dženo.
e kategorija: vakeriben
o tagi: Dušan Onody Marco Pillo Duo Farsa
