Tiri Paramisi
kerdo: 29. 04. 2015 10:49 opre kerdo: 27. 11. 2020 01:47
O projektos Lačho štart 2 (A Good Start 2) hino e inicijativa khatar e themutnengri asocijacija Vyrovnavanie šancí (Sajekh šajipena) le finančno žutipnaha khatar o Romano sikhľuvibnaskro fondos (Roma Education Fund - REF, Budapešť). Kerel pes le beršestar 2010 sar o pilotno projektos savo hino te zorarel u te vazdel o angleškolakro sikhľuviben maškar o čhavore andal o čorikane socijalna grupi andro lokaliti kaj bešen o Roma. Jekh maškar o trin slovaťika lokaliti hino o gav Zborov, kaj pen keren o aktiviti save lačharen o čhavorengro phiriben andro cikne školi, paľis o fameľijakro bararipen le čhavorengro, save pen na dochuden andre cikňi škola vaš o frima kapaciti u e aktivizacija le dadengri the dajengri, hoj pes te kerel lengro na formalno sikhaviben u bareder participacija pre kala procesi. E buťi le dajenca the dadenca hiňi the Tiri Paramisi (Your Story) savi mangel te lačharel o čhibakre džaňibena le dajengre, save pen kiden jekhetanes u genen u keren buťi le paramisenca.
e kategorija: vakeriben
Raťakro čiriklo
kerdo: 14. 04. 2015 09:07 opre kerdo: 27. 11. 2020 01:47
O čitro E sova kerďas o romano čitruno o Jozef Fečo, vaš e ekshibicija Romane čercheňa, savi kerďas o Themutnengro khetaňiben Nová cesta (Nevo drom), Michalovce u o Zemplinsko edukačno centrum, Michalovce andro marcos 2014. O čitro hino pro sadrokartonos.
e kategorija: čitratuňipen
Ján Cibuľa
kerdo: 14. 04. 2015 08:58 opre kerdo: 27. 11. 2020 01:47
O čitro pal o MUDr. Ján Cibuľa, o baro romano manuš, o doktoris, jekh maškar o džene so kerde e Internacijonalno romaňi unija, kaj sas o prezidentos, o kandidatos vaš o Nobeloskro moľipen vaš o smirom andro berš 2001, savo andro than kaj bešel o DICRK čitrinďas o romano čitratuno Jozef Fečo. O portretos hino čitrimen angareha pro ľil formatos A2.
e kategorija: čitratuňipen
E ruža
kerdo: 14. 04. 2015 08:48 opre kerdo: 27. 11. 2020 01:47
E digitalno fotografija pre savi hiňi e trastuňi vastenca kerďi ruža. O objektos kerďas o romano artistikano charťas o Ivan Šarközy andre peskro buťakro than andre firma Ferrare, o artistikano charťipen andro gav Dunajská Lužná. O originalno trastuno objektos hino baro 50x15,5 cm.
e kategorija: E vastengri buťi
O Roma bašaven
kerdo: 03. 12. 2014 11:30 opre kerdo: 27. 11. 2020 01:47
E mulitmedijalno publikacija, savi prekal e popularno the sikhavibnaskri forma zumavel te anel o čitro pal e akanutňi situacija andre džiďi romaňi bašavibnaskri kultura. Anel o informaciji pal e romaňi muzika generalno u špecifikanes pal o varesave lakre žanri, tradična the moderna muzikakre droma, the pal o interakciji la majorina kulturaha.
e kategorija: e literatura
