O Romathan mulatinel
kerdo: 04. 04. 2016 11:33 opre kerdo: 27. 11. 2020 01:54
O bašavibnaskro the kheľibnaskro programos khatar o romano teatros Romathan andal o Košice. O koncertos sas kerdo sar o didakticko koncertos vaš o čhavore so phiren andre zakladno škola u hino kerdo sar o kheľibena, giľavipena the inštrumentalna bašavibena le dženenca andal o teatroskro suboris.
e kategorija: bašaviben
o tagi: vokalno-inštrumentalno moderno originalos slovaťiko romanes sakoneske interno
Boks
kerdo: 31. 03. 2016 16:47 opre kerdo: 27. 11. 2020 01:47
O čitro maľimen - o mariben maškar o boksera, kerďas o čitratuno Jozef Fečo, prekal o mangipen khatar e redakcija Romano nevo ľil sar e ilustracija ki o lekhaviben. O čitro hino kerdo le fotografijatar. O čitro hino pro sadrokartonos, baro - 35 cm (učo) x 71cm (buchlo), e technika: čitratuňipen, o berš kana kerdo: 2015. Tyson Luke Fury (1988 - ), hino andal o irska phirde Roma - o travellera). Pro čitro hino pre čači sera. Pre bangi sera hino o Vladimir Klitschko (1976 -).
e kategorija: čitratuňipen
Zorardo manuš
kerdo: 31. 03. 2016 16:37 opre kerdo: 27. 11. 2020 01:47
O čitro maľimen - o portretos pre savo hino o zorardo manuš (Peter Pollák), kerďas o čitratuno Jozef Fečo, prekal o mangipen khatar e redakcija Romano nevo ľil sar e ilustracija ki o lekhaviben. O čitro hino kerdo le fotografijatar. O čitro hino pro sadrokartonos, baro - 35 cm (učo) x 71cm (buchlo), e technika: čitratuňipen, o berš kana kerdo: 2015. Peter Pollák (1973 -) hino o zorardo manuš rajipnastar SR vaš o romane komuniti le 1-to oktobristar 2012. Sajekh hino o dženo andro parlamentos, e Narodno rada andre Slovaťiko republika.
e kategorija: čitratuňipen
O papež František
kerdo: 31. 03. 2016 16:26 opre kerdo: 27. 11. 2020 01:47
O čitro maľimen - o portretos pre savo hino o papež František (leskre naveha Jorge Mario Bergoglio SJ), kerďas o čitratuno Jozef Fečo, prekal o mangipen khatar e redakcija Romano nevo ľil sar e ilustracija ki o lekhaviben. O čitro hino kerdo le fotografijatar. O čitro hino pro sadrokartonos, baro - 35 cm (učo) x 71cm (buchlo), e technika: čitratuňipen, o berš kana kerdo: 2015. O papež František, leskre naveha Jorge Mario Bergoglio SJ (1936 - ) hino o klerikos andal e Argentina u 266-to papežis andre katoľikaňi khangeri.
e kategorija: čitratuňipen
Cigánski Diabli (Romane benga)
kerdo: 31. 03. 2016 15:51 opre kerdo: 27. 11. 2020 01:47
O džande manuša dikhen o orchestros sar jekh maškar o nekh feder andre kategorija Etno u Lumakri Muzika pre luma u the but manuša len rado šunen, khere the andro aver thema. O lavutara hine jekhetane le 1991 beršestar, jekhto bašavenas andro orchestros Diabolské husle (Bengaľi lavuta), savo kerďas o Ján Berky-Mrenica terneder. O Diabolské husle agorinde andro berš 2007, paľis kerde o orchestros Cigánski diabli (Romane benga). O orchestros bašavelas pro 5 kontinenti, andro 35 thema. Maškar o bare koncertna thana, kaj o orchestros bašaďas, kampel te phenel pal e Berlinsko filharmonia, Komische Oper Berlin, Konzerthaus Berlin, Royal Opera House London, Hans Max Saal Munchen, Semtanova síň Praha, Konzert un Kongressaal Luzern, Concert Hall Melbourne, Goldener Saal Musiverein Vienna, Is Sanat Hall Istanbul, Palacos vaš e Kultura Novosibirsk, EXPO 2008 Zaragoza, EXPO 2010 Shanghai, O Jevendeskre Olimpijska kheľibena Vancouver 2010, Jevendeskre Olimpijska Kheľibena London 2012. Varesave moľipena: 2014 - WORLD MASTER AWARD - Teluňi Korea. 2008 - E Beršeskri Džuvľi Silvia Šarkozyiová, 2008 - E Somnakuňi platňa vaš o album Dobré časy (Lačhe berša).
Buter informaciji: www.ciganskidiabli.sk
e kategorija: bašaviben
František Godla
kerdo: 31. 03. 2016 15:41 opre kerdo: 27. 11. 2020 01:47
František Godla phirel maškar o šerutne manuša andro etnoemancipačno procesos le Romengro pre Slovaťiko. Andro berš 1985 chudľas o titulis PhDr. Sas o pedagogos u pal o romane čhavorengro sikhľuviben kerelas the kana mukhľas o Gymnázium Anton Pridavka andro Sabinov. Sar o sikhavno vaš o humanitna sikhavibena sas pro gzmnázium andro Sabinov 26 berša. Andre sikhavibnaskri sfera ačhiľas the pro odboris vaš o školi pro Prešovsko samospravno regijonol (2004-2011). Andro berša 2005 - 2010 sas o šerutno andro Ekspertno komisija vaš o romane čhavorengro sikhľuviben pro Ministerstvos vaš o školi SR. Sajekh sas o dženo andro timos vaš o manuša so den goďi le ministroske vaš o školi vaš o regijonalno školi (2005-2011).
e kategorija: vakeriben
E folklorno kapela - Oračkovci
kerdo: 31. 03. 2016 15:30 opre kerdo: 27. 11. 2020 01:47
E cimbalovo kapela „Oračkovci” hiňi andal e Holumnica, okres Kežmarok. O džene andre kapela hine andal e jekh fameľija, kaj hiňi barvaľi lavutarengri tradicija. Akana bašaven sar e „folklorno cimbalovo kapela” andro Uče Tatri.
e kategorija: bašaviben
Čirikloro Mirikloro
kerdo: 31. 03. 2016 14:13 opre kerdo: 27. 11. 2020 01:47
O teatro khelelas e paramisi Čirikloro Mirikloro pro motivi andal e paramisi khatar e Daniela Hivešová-Šilanová, khelďas o romano profesijonalno teatros Romathan andal o Košice. O teatros lel o didakticko res u hino nekh buter vaš o čhavore. Khelelas pes andro Teatro Romathan andro Košice.
e kategorija: drama
E giľengri pustik - 16. Gelem, gelem
kerdo: 11. 03. 2016 15:06 opre kerdo: 27. 11. 2020 01:47
E romaňi himna andre lakri oficijalno verzija. O lava vaš e giľi kerďas o autoris andal e Juhoslavija, o Žarko Jovanovič, e melodija iľas andal e romaňi folklorno giľi. E himna sas kerďi andro berš 1949 sar e refleksija pal o pharipen so sas le Romen andro dujto lumakro mariben. Andro berš 1971 ačhiľas oficijalno prindžarďi sar e himna le romane nacijengri, so phenďas the o Jekhto lumakro romano kongresos andro Londyn. Kadi oficijalno štandardizovaňi verzija kerďas e Bašavibnaskri the choraloskri asocijacija andal e Moldava, bašaďas la o Moldavijakro ternengro orchestros. E bašavibnaskri editacija the o bašaviben poťinďas o Inštitutos vaš o phundrado khetaňiben andro Budapešť. khatar: www.rromaanthem.org
e kategorija: bašaviben
E giľengri pustik - 15. Lungo kalo bal
kerdo: 11. 03. 2016 14:51 opre kerdo: 27. 11. 2020 01:47
E giľi sas dokumentimen kana e džuvľikaňi kapela Luna bašaďas o koncertos andro Prešov andro junos 2013. E kapela hiňi andal o Martin u o džene hine e Božena Cicková, Petra Cicková, e Stanislava Cicková u Michaelá Kazárová. E giľi hiňi čardašovo, kheľibnaskri. O lava save anas hine kerde. Giľaďas e Dominika Klemparova.
e kategorija: bašaviben
