Jaroslav Cicko
kerdo: 10. 01. 2023 10:34 opre kerdo: 10. 01. 2023 10:34
O fotografiji pal o čitripnaskre kidipena, save kerďas e themutnengri asocijacija Jekhetane-Spolu. O digitalizovano analogovo filmos andal o fotoaparatos. O than, o datumos u o fotografos nasas pisimen paš o analogovo filmos.
E fotografija sas kerďi prekal o projektos Giľavas u čitrinas vaš o kamiben prekal o kidipena andro Lipovce u Vyšné Ružbachy andro berš 2001. O artefakta u o kaštune skulpturi sas ole beršeste the andro avutne berša sikhade andro buter fora pre Slovaťiko.
Jaroslav Cicko hino o prindžardo romano čitratuno, kerel the o plastiki, save kerel nekhbuter kaštestar, no the barestar.
Uľiľas 25.3.1939 andro Martin u muľas 18.11.2010 andre Horná Štubňa andro okres Turčianske Teplice.
Andre Fabrika vaš o phare mašini andro Martin kerelas buťi sar inštrumentaris, andro martinsko Štúdio vaš o naprofesijonalna čitratune kerelas peskre buťa kaštestar. Sas o lektoris pro simpoziji vaš o naprofesijonalna čitratune.
Andro berš 2000 sikhavelas peskre buťa u save buter dromenca len kerel andro Ňemciko, Čechiko, Španielsko, Francuziko u Talianiko.
Nekhbuter sas leskro motivos e džuvľi andro savore lakre formi.
Informaciji:
RNĽ č. 688-694/2005
RNĽ č.468-485/2001
RNĽ č.496-502/2001
e kategorija: čitratuňipen
o tagi: sekularno digitalno esteticko in persona fotografija Jaroslav Cicko savorenge interno
Alexander Bohó
kerdo: 10. 01. 2023 10:27 opre kerdo: 10. 01. 2023 10:28
O fotografiji pal o čitripnaskre kidipena, save kerďas e themutnengri asocijacija Jekhetane-Spolu. O digitalizovano analogovo filmos andal o fotoaparatos. O than, o datumos u o fotografos nasas pisimen paš o analogovo filmos.
E fotografija sas kerďi prekal o projektos Giľavas u čitrinas vaš o kamiben prekal o kidipena andro Lipovce u Vyšné Ružbachy andro berš 2001. O artefakta u o kaštune skulpturi sas ole beršeste the andro avutne berša sikhade andro buter fora pre Slovaťiko.
Pre fotografija hino o profesijonalno romano čitratuno Alexander Bohó. Uľiľas andro Brezno, andre fameľija pandže čhavorenca. Sikhľolas kijo doc. J. Jánoška u profesoris F. Ondro e slobodno grafika u graficko dizajnos. O čitripen sikhľolas paš o akademicko čitratuno F. Kráľ andro berša 1979 – 1985. Andro berš 1966 agorinďas o študijum pre Filozoficko fakulta pre Univerzita Komenský Bratislavate, e špecijalizacija e džaňibnaskri historija.
O informaciji:
RNĽ č.738-741/2006
RNĽ č.468-485/2001
RNĽ č.496-502/2001
e kategorija: čitratuňipen
o tagi: sekularno digitalno esteticko in persona fotografija Alexander Bohó savorenge interno
Vojtech Kökény
kerdo: 10. 01. 2023 10:03 opre kerdo: 10. 01. 2023 10:16
O fotografiji pal o čitratune kidipena, save kerelas e themutnengri asocijacija Jekhetane-Spolu. O digitalizovano analogovo filmos andal o fotoaparatos. O than, o datumos u o fotografos nasas paš o filmos pisimen.
E fotografija sas kerďi prekal o projektos Giľavas u čitrinas vaš o kamiben pro kidipena andro Lipovce u Vyšné Ružbachy andro berš 2001. O artefakta u o kaštune skulpturi sas paľis andro kada the avutne berša sikhade andro buter fora pre Slovakija. PhDr. Vojtech Kökény (Kökény Kotyer Béla) uľiľas andro berš 1956 andre romaňi osada paš o gav Cakov, nadur khatar e Rimavsko Seč, andre lavutarengri fameľija. But berša kerelas e buťi sar o buťarno pro ačhavibena pre Slovaťiko the avri. Kerelas o čitratuňipen, e politika the o lokalno aktivizmus. Sar korkoro andro jekh vakeriben phenel, načitrinďas but buťa. Čitrinelas le ceruzkenca, paňeskre the oľejovo farbenca. Peskre buťa sikhavelas nekbuter andre Romaňi phirďi galerija, savi kerelas e Themutnengri asocijacija Jekhetane-Spolu kaj e šerutňi sas Daniela Hivešová-Šilanová. Le beršestar 1995 dži o 2005 kerelas buťi sar o socijalno buťarno pre Okresno kher andre Rimavsko Sobota.
Sas o dženo andre sera Romaňi themutnengri inicijativa (ROI), paľis geľas andre sera Romaňi inteligencija vaš o jekhetano dživipen (RIS) u e politicko karijera agorinďas andre Romaňi kolačno sera (SRK). Andro beš 2005 kerďas e kandidatura pro šerutno andro Banskobystricko samospravno krajos.
O informaciji:
RNĽ č.738-741/2006
e kategorija: čitratuňipen
o tagi: sekularno digitalno esteticko in persona fotografija Vojtech Kökény savorenge interno
Arne Mann the Elena Lacková
kerdo: 10. 01. 2023 09:21 opre kerdo: 10. 01. 2023 09:24
E archivno fotografija sikhavel la romaňa lekhavňa Elena Lacková u le romistas Arne Mann. E analogovo fotografija sas kerďi 12.6.1998 angle bari skľepa Dargov andro foros Košice. O autoris savo iľas e fotografija nane pisimen.
PhDr. Arne B. Mann, CSc. hino o maškar o šerutne slovaťika etnologa, o romistas, bešel Bratislavate. Agorinďas e Filozoficko fakulta UK Bratislavate, e špecijalizacija e džaňiben pal e nacija (1978), o titulos PhDr. Chudľas andro berš 1980 u CSc. andro berš 1997.
Kerelas buťi sar o džaňibnaskro buťarno pre Katedra vaš e etnologija pre Filozoficko fakulta UK Bratislavate u le beršestar 1983 andro Inštitutos vaš e etnologija pre Slovaťiko džaňibnaskri akademija.
Leskri džaňibnaskri aktivitia hiňi pal e romaňi historija u the romano holokaust, o spiritualno paťaben le Romengro, lengri socijalno u spiritualno kultura, o vastengre buťa u profesiji u aver.
Kerel buťi sar o eksterno pedagogos pre Filozoficko fakulta UK Bratislavate (1955 dži akana), pre Filozoficko fakulta UKF Nitrate (2001 – 2009), u pre Fakulta vaš o humanitna študiji (angomis o Inštitutos vaš o fundamentalno džaňiben) UK Prahate (1998 – 2016).
Elena Lacková uľiľlas 22. marcoste 1921 Bara Šarošate. Phirel maškar o nekbareder romane lekhavne. Peskri buťa pisinelas vaš o čhavore the vaš o phureder genavne. Agorinďas e Fakulta vaš o socijalna džaňibena pre Karlovo univerzita Prahate (1970). Pisinelas the proza u drama. Savoro dživipen sas e aktivistka u vazdelas le Romen. Muľas 1. januariste 2003 andro Košice.
Khatar:
amariluma.romanokher.sk/encyclopedia/mann-arne-b-phdr-csc/
e kategorija: čitratuňipen
o tagi: sekularno digitalno esteticko in persona fotografija Arne Mann Elena Lacková savorenge interno
Dezider Banga
kerdo: 19. 12. 2022 14:33 opre kerdo: 19. 12. 2022 14:33
E archivno fotografija sikhavel le romane lekhvanes, scenaristas u dramaturgos Dezider Bangas. E analogovo fotografija sas kerďi 22.8.1998 pro romano festivalos. Kaj sas o festivalos, oda nasas pisimen paš o analogovo filmos, aňi autoris, savo kerďas e fotografija. E fotografija sas andro ľila Romano nevo ľil g. 416-423/2000 pre sera 8 paš o lekhaviben Nevi kolekcija romano poetostar.
Dezider Banga uľiľlas 24.8.1939 andro Hradište. Pre zakladno the maškarutňi škola phirelas andro Uhorské paš o Poltár. Pal e pedagogicko škola andre Krupina sikhľolas sikhavneske. Sikhľiľas the e slovaťiko čhib the e historija pre Filozoficko fakulta pre Komenskyskri univerzita Bratislave. Sikhavelas sar o maškarutňa školakro profesoris pro gymnazium Trebišovoste u deš berša paľis sas o dramaturgos andre Literarno redakcija andre Slovaťiko televizija andro Košice. Andro berš 1979 geľas andre Bratislava u sas redaktoris, le beršestar 1986 sas o šerutno redaktoris andro khetaňibnaskro čhoneskro ľil Nová cesta (Nevo drom), kaj sas dži kana o perijodikum agorinďas andro berš 1990. Ss o šerutno andre themutnengri organizacija Romaňi kultura, o šerutno redaktoris andro kulturno-khetaňibnaskro čhoneskro ľil Roma u o čhavorikano magazinos Luluďi, savo delas avri leskri organizacija. Kerel the o biznis andre polygrafija – phirel leske o fabrika kaj pen keren o kňižki.
Andro berš 2009 chudľas o učo themeskro moľipen – E medaila Ľudovítoskri Štúroskri III. učipen vaš o bare doresipena andre kultura, špecijalno andre romaňi literatura.
Khatar:
www.litcentrum.sk/autor/dezider-banga/zivotopis-autora
amariluma.romanokher.sk/encyclopedia/banga-dezider/
e kategorija: čitratuňipen
o tagi: sekularno digitalno esteticko in persona fotografija Dezider Banga savorenge interno
Elena Lacková romaňa kapelaha
kerdo: 19. 12. 2022 14:10 opre kerdo: 19. 12. 2022 14:12
E fotografija sikhavel la romaňa lekhavňa Elena Lacková le romaňa kapelaha (o kapelakro nav nane pisimen) andro gav Svinia. E fotografija sas thoďi andro g. 340-347/1998 pre sera 8 paš o lekhaviben le tituloha O bičhade.
E kapela, kaj sas Ján Čikala, Alexander Polák, Daniel Bendík u Miroslav Červeňák sas pro drom andro gav Liptovské Sliače, kaj bašavenas pro kidipen O dajakro ďives pro Liptov Sliače 98. Pro kidipen vakerelas the e Elena Lacková.
E fotografija sas kerďi nabut pal o baro paňi, savo iľas o gava Jarovnice the Svinia.
O nav le autoriskro la fotografijakro nane andro ľil pisimen. E analogovo fotografija sas kerďi andro berš 1998 andro gav Svinia vaš o romane ľila Romano nevo ľil.
Khatar:
Šilanová, Daniela. 1998. Poslovia. Romano nevo ľil g. 340-347/1998, sera 8.
e kategorija: čitratuňipen
o tagi: sekularno digitalno esteticko in persona fotografija Elena Lacková savorenge interno
Katalin Papp
kerdo: 19. 12. 2022 13:45 opre kerdo: 19. 12. 2022 13:53
E romani čitratuňi Katalin Papp uľiľas andro berš 1958 andro Lučenec. Geľas andre emigracija andro Ňemciko, odari lakro drom sas andro USA, kaj pal o študijum pre Škola vaš o vizualno artikaňiben andro New York chudľas andro berš 1996 o titul e magisterka vaš o čitratuňipen. Sar o špecijalno asistentka sas pre verejnou uči škola SUNY Farmingdale andro New York, sikhavelas pro Nassau Community College the Queensborough Community College. O čitratuňipen kerelas the andro Ungriko u Ňemciko, kerelas peskre čitratuňipnaskre worskhopa. Lakre buťa hine o o čitripen (2D produkcija), kerel the o skulpturi u keramika (3D produkcija).
E fotografija kerďas o romano fotografos Jozef Ferenc. E digitalno fotografija sas kerďi andro berš 2006 andro Lučenec, prekal o interviju vaš o Romano nevo ľil.
Khatar:
Čonka, Roman. 2006. Rozhovor s Katalin Papp. Romano nevo ľil č. 777-783/2006, str.14-15
Zdařilová, Eva. 2010. Rozhovor s Katalin Papp. Romano džaniben 17 (2): 160–166.
fineartamerica.com/profiles/katalin-papp
e kategorija: čitratuňipen
o tagi: sekularno digitalno esteticko in persona fotografija Katalin Papp savorenge interno
Brekov - o leperibena
kerdo: 06. 12. 2022 12:22 opre kerdo: 06. 12. 2022 12:22
O vakeriben hino anonimno. E respondentka Silvia bešel andro gav Brekov. Leperel peske, sar o Roma angomis andro oda gav dživenas, sar oda hin akana.
E regijonalno historija le Romengri save bešen andro gav Brekov hin e tema andro audio vakeribena, save bilovengro o DICRK chudľas khatar e rodipnaskri džeňi Elena Cinová. Lakro rodipnaskro projektos savo pes vičinel Roma Brekovostar prekal o berša chudľas andro berš 2020 o pomožipen andal o Fondos vaš e minoritengri kultura. O vakeribena hine andre slovaťiko čhib u anen o informaciji pal o dživipen u kultura le Romengri u lengre dikhipena pro averipena u nevipena save pen ačhenas andro regijonos.
O gav Brekov hino pre vichodno Slovaťiko 6 km khatar o foros Humenné. Pašal o gav čuľol e len Laborec. Administrativno bešel andro okres Humenné, Prešovsko regijonos.
e kategorija: vakeriben
o tagi: leperiben biograficko monolog moderovano slovaťika anonymno respondentos savorenge interno
Renáta Kirvejová - o vakeriben
kerdo: 06. 12. 2022 11:14 opre kerdo: 06. 12. 2022 11:14
Renáta Kirvejová sas 50 beršengri, kana sas kerdo o vakeriben. Uľiľas andro Vranov nad Topľou. Geľas romeste andro gav Brekov. Vakerel pal peste, pal peskri fameľija u čhavore, sar dživel jekhetanes e majorita le Romenca, pal e diskriminacija.
E regijonalno historija le Romengri, save bešen andro gav Brekov hiňi e tema vaš o audio vakeribena, save o DICRK chudľas khatar e rodipnaskri džeňi Elena Cinovo. Lakro rodipnaskro projektos savo pes vičinel O Roma Brekovostar prekal o beršende chudľas o pomožipen andro berš 2020 andal o Fondos vaš o pomožipen la minoritno kulturake. O vakeribena hine andre slovaťiko čhib u hine pal o dživipen, kultura u khetaňibnaskre paruvipena andro regijonos.
O gav Brekov hino pre vichodno Slovaťiko 6 km khatar o foros Humenné. Pašal o gav čuľol e len Laborec. Administrativno bešel andro okres Humenné, Prešovsko regijonos.
e kategorija: vakeriben
o tagi: biograficko monolog moderovano slovaťika Renáta Kirvejová savorenge interno
Romane čercheňa
kerdo: 25. 11. 2022 14:14 opre kerdo: 25. 11. 2022 14:15
O video andal e vistava savi pes vičinelas Romane čercheňa u savi sas 12.3. 2014 andro Zemplinsko sikhavibnaskro centrum andro Michalovce. E vistava kerďas e themutnengri organizacija Nová cesta Michalovcatar. Jozef Fečo andro video sikhavel u vakerel pal o peskre čitre pherasutnes – avka, sar oda ča ov džanel.
Jozef Fečo agorinďas e Maškarutňi umelecko škola andro Prešov, e špecijalizacja andro dizajn u artikaňi buťi le kašteha. Nekhbuter pes interesinel pal e mimika manušikane mujeskri, so oda phenel u so hino tipicko vaš o konkretno manuš.
e kategorija: čitratuňipen
o tagi: sekularno materialno artistikano 2D artefakt čitro čitripen slovaťiko Jozef Fečo sakoneske interno
