Jozef Miko-Kopýtko - Andro'di špitaľa
kerdo: 08. 08. 2016 09:58 opre kerdo: 27. 11. 2020 01:54
E tradično romaňi "Andro'di špitaľa" giľavel o Jozef Miko, pre gitara bašavel o Jozef Dreveňak. O giľavno Jozef Miko, saves vičhinen o Kopýtko hino andal o Bardejov, o kotor Poštárka. Bi o tradično romano giľavipen but berša kerel the romano kheľiben savo the sikhavel pro but akciji. O gitaristas Jozef Dreveňák bašavel o tradična romane giľa sar o lavutaris u the giľavel. E giľi „Andre odi špitaľa“ hiňi e lokhi giľi, o halgató.
copyright: O Themeskro džaňibnaskro pustikengro kher andro Prešov
kerdo: 05. 06. 2014
e kategorija: bašaviben
o tagi: Jozef Miko Jozef Dreveňák
Video – so pes vakerel
Andro’di špitaľa
Andro’di špitaľa
štar vilaňa labon.
Jaj, de ča odoj na labon jaj,
kaj miri daj pašľol.
De, pašľol odoj, pašľol,
andro’di kaľi phuv.
Jaj, de pre lakero šero, jaj,
de, mire apsa čuľon.
Andro’di špitaľa
štar vilaňa labon.
Jaj, de ča odoj na labon jaj,
kaj miri daj pašľol.
V nemocnici
V tej nemocnici
štyri svetlá svietia.
Jaj, iba tam nesvietia,
kde moja mama leží.
Leží tam, leží,
v tej čiernej zemi.
Jaj, na jej hlavu, jaj
padajú mojej slzy.
V tej nemocnici
štyri svetlá svietia.
Jaj, iba tam nesvietia,
kde moja mama leží.
At the Hospital
At the hospital
four lights shine there.
Oh, no light shines where
my mother lies.
She lies there,
there under the black soil.
Oh, on her head, oh,
my tears are dropping down.
At the hospital
four lights shine there.
Oh, no light shines where
my mother lies.
