Michal Bársony - O verdan
kerdo: 27. 08. 2018 10:39 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate. Andro videos phenel pal o procesos, sar kerel o čitro so pes vičhinel O verdan, savi sas e technika, materijalos the prekal savo gondoľipen avľas ki e tema the e forma, savi čitrinďas.
copyright: O Themeskro džaňibnaskro pustikengro kher andro Prešov
kerdo: 04. 09. 2013
e kategorija: čitratuňipen
o tagi: sekularno materialno artistikano 2D artefakt čitro slovaťiko Michal Bársony sakoneske interno