Romane čercheňa
kerdo: 25. 11. 2022 14:14 opre kerdo: 25. 11. 2022 14:15
O video andal e vistava savi pes vičinelas Romane čercheňa u savi sas 12.3. 2014 andro Zemplinsko sikhavibnaskro centrum andro Michalovce. E vistava kerďas e themutnengri organizacija Nová cesta Michalovcatar. Jozef Fečo andro video sikhavel u vakerel pal o peskre čitre pherasutnes – avka, sar oda ča ov džanel.
Jozef Fečo agorinďas e Maškarutňi umelecko škola andro Prešov, e špecijalizacja andro dizajn u artikaňi buťi le kašteha. Nekhbuter pes interesinel pal e mimika manušikane mujeskri, so oda phenel u so hino tipicko vaš o konkretno manuš.
e kategorija: čitratuňipen
o tagi: sekularno materialno artistikano 2D artefakt čitro čitripen slovaťiko Jozef Fečo sakoneske interno
Miroslava Kiňová - Čipka
kerdo: 08. 11. 2022 09:21 opre kerdo: 08. 11. 2022 09:25
Miroslava Kiňová andal o Prešov arakhľas peskro kamiben andre pacenca kerďi čipka. Te kerel kadi buťi sikhľolas paš e prindžarďi čipkarka, savi kerelas e soľnobansko čipka, paš e Barbora Šimková, savi kerďas the o Soľnobansko čipkarsko cechos. Odoj sikhľolas peskre jekhto techniki pal e buťi le pacorenca the e Miroslava Kiňová. Oj nekhbuter kamel e farebno čipka, u lakre motivi hine nekhbuter pal e Karačoňa. O čipky sar betlehema, o čercheňa the mačhore hine o dekoraciji pro karačoňakro skamind u the šukar diňipen pre Karačoňa.
e kategorija: vastengre buťa
o tagi: džide tradična artistikano pochtan e čipka pro paci slovaťiko Miroslava Kiňová sakoneske interno
Jozef Fečo - Věra Bílá
kerdo: 07. 06. 2022 14:16 opre kerdo: 07. 06. 2022 14:18
Pro video hino sikhado, sar pes kerel o čitro. Pro čitro hiňi e romaňi giľavňi Věra Bílá (1954 – 2019). O čitro hino kerdo prekal o projektos Naprindžarde manušengre farbi prekal savo sas kerde 23 bare formatoskre čitre, o portreta pre save hine o prindžarde romane manuša. E jekhto serija 13 čitrengri sas kerďi andro berš 2015, e dujto serija 10 čitrengri sas kerďi andro berš 2020. O autoris savo čitrinďas o portreta hino o čitratuno Jozef Fečo.
Věra Bílá. Uľiľas 22. majoste 1954, Rokycany, Čechiko republika. Sas e giľavňi, bašavňi u aktorka. Sas andal e prindžarďi bašalďi fameľija Karoloskri Giňoskri. O unikatno hangos u špecificko vokalno prezentacija lake diňas o permanentno than pre bašavibnaskri scena khere the avri. Andro berš 1995 jekhetane le terne lavutarenca kerde o bašavibnaskro fenomenos Věra Bílá a Kale. Kerde e definicija pal o žanros džando sar rom-pop: o sofistikovana vokalna harmoniji zorale disonancijenca andro romano folklor, pop u latino džez. Věra Bílá khelelas the andro duj filmi khatar o režiseris Dušan Hanák: Ružové sny/Lole sune (1976), Ja milujem, ty miluješ/Me kamav, tu kames (1980). Buterval o bašavibnaskre kritika kerenas e komparacija maškar e Věra Bíla u americko kaľi diva Ella Fitzgerald. Muľas 12. marcoste 2019, Plzeň, Čechiko republika.
Jozef Fečo hino o absolventos pal e Maškarutňi artikaňi škola andro Prešov, o kotor dizajn u artikaňi buťi le kašteha. Interesinel pes nekbuter pal e mimika andro manušengre muja, so laha kamen te phenen u so hino tipicko vaš o lengre personaliti.
e kategorija: čitratuňipen
o tagi: sekularno materialno artistikano 2D artefakt čitro slovaťiko Jozef Fečo sakoneske interno
Jozef Fečo - Katarína Taikon
kerdo: 07. 06. 2022 13:02 opre kerdo: 07. 06. 2022 14:08
Pro video hino sikhado, sar pes kerel o čitro. Pro čitro hiňi e romaňi giľavňi Věra Bílá (1954 – 2019). O čitro hino kerdo prekal o projektos Naprindžarde manušengre farbi prekal savo sas kerde 23 bare formatoskre čitre, o portreta pre save hine o prindžarde romane manuša. E jekhto serija 13 čitrengri sas kerďi andro berš 2015, e dujto serija 10 čitrengri sas kerďi andro berš 2020. O autoris savo čitrinďas o portreta hino o čitratuno Jozef Fečo.
Katarina Taikon-Langhammer Uľiľas 29. juloste 1932, Almby, Švedsko. Sas e švediko romaňi aktivistka, e liderka andro mariben vaš o themutnengre čačipena, e lekhavňi the aktorka, sas andal o Roma Kalderaša. Lakri phen sas e rupeskri charťaňi Rosa Taikon. Te paruvel o stereotipna dikhipena maškar o majoritna manuša lake pomožinďas oda, hoj maškar o berš 1963 u 1980 lekhaďas u diňas avri 16 kotora čhavorikane kňižki pal e romaňi čhajori Katitzi. Lakre lekhavipena hine the akana but popularna u kerde lendar o filmi. Vaš o lakro politicko aktivizmus pal e Katarina Taikon phenen, hoj sas sar Martin Luther King. Muľas 30. decembroste 1995, Ytterhogdal, Švedsko.
Jozef Fečo hino o absolventos pal e Maškarutňi artikaňi škola andro Prešov, o kotor dizajn u artikaňi buťi le kašteha. Interesinel pes nekbuter pal e mimika andro manušengre muja, so laha kamen te phenen u so hino tipicko vaš o lengre personaliti.
e kategorija: čitratuňipen
o tagi: sekularno materialno artistikano 2D artefakt čitro slovaťiko Jozef Fečo sakoneske interno
Ondrej Gadžor - O plastiki
kerdo: 10. 09. 2021 10:56 opre kerdo: 10. 09. 2021 11:00
O videos pal e vistava, kaj sas sikhade o rezbarska buťa save kerelas o baro romano rezbaris u socharis Ondrej Gadžor. E vistava sas 25.4.2014 sar o leperiben pro Ondrej Gadžor, savo andro berš 2013 muľas. Varesave buťa pre vistava diňas o Muzeum Vojtech Loffleroskro andro Košice.
Ondrej Gadžor (9.7.1956-19.10.2013) - uľiľlas andre Krásna nad Hornádom, kaj chudľas te čhingerel imar kana sas 24 beršengro. Kerelas buťi butere materijalneca - le bareha, the le šingenca, mušľenca, nekh buter le kašteha. Opre vazdľas peskro unikatno plastikengro štilos, kaj but sikhľiľas khatar o akademicko socharis Vojtech Löffler, andro leskro buťakro kher kerelas buťi dešujekh berša. O subtilno charakteros khatar o cikne buťa cirdel the andro monumentalna bare buťa, save kerelas andro plenera. Leskri buťi prastal dur khatar e normalno produkcija so keren o na sikhade sochara. O charňipen the abstrakcija hiňi buchleder sar andre normalno nipengre buťa u e finalno forma hiňi varekaj maškar o moderno socharstvo u africka nipengre cikne soški. Leskre buťa sar te našaven o pharipen u diťhon lokhe. leskri zor hin andre žuže liniji u kheľiben le kašteha u leskre čitroha, savi andro peskre buťa rafinovanes thovel. Jekh maškar o nekh bareder temi hiňi e džuvľi. Sas les buter individualno ekshibiciji, regulerno phirelas pro socharska plenera. Sikaďas pes pro buter individualna ekshibiciji pre Slovaťiko the andro aver thema. Leskre buťa, bi o aver thana, hine sikade andro Los Angeles, vaj andro Vatikan u but lendar hine andro muzealna fondi pre Slovaťiko, vaj andro Čechiko (Vichodoslovaťiko muzeum andro Košice, SNM - Muzeum vaš e romaňi kultura pre Slovaťiko andro Martina, Muzeum vaš o Vojtech Löffler andro Košice, Muzeum vaš e romaňi kultura andro Brno).
e kategorija: vastengre buťa
o tagi: džide tradična artistikano kašta čhiňiben Ondrej Gadžor sakoneske interno
O naprindžarde farbi le manušengre
kerdo: 25. 08. 2021 08:51 opre kerdo: 25. 08. 2021 08:54
O dokumentos pal e vernisaž la ekshibicijakri le čitrengri, vičinďi O naprindžarde farbi le manušengre, kerďi pro Lumakro romano ďives andro Krajsko muzeum andro Prešov. Pro 13 bare formatoskre potreta hine čitrimen o manuša prindžarde andre luma u hin len e romaňi etnicita. Andro video hino o vakeriben maškar e kuratorka pre ekshibicija, e Júlia Fričová u o čitrengro autoris Jozef Fečo pal e tema: o prindžarde romane manuša, pal e čitratuňipnaskri technika u pal o aver plani so hin le čitratunes. Andro video hiňi the e charňi evaluacija pal o čitre, vakeren e kuratorka Júlia Fričová u o pedagogos pre maškarutňi škola o Juraj Mandel.
e kategorija: čitratuňipen
o tagi: sekularno materialno artistikano 2D artefakt čitro Jozef Fečo sakoneske interno
Rezbári Čičava Lukáš Jarka
kerdo: 06. 08. 2021 09:46 opre kerdo: 06. 08. 2021 09:48
O charno vakeriben khatar o amatersko rezbaris Lukáš Jarka pal o leskro drom kijo čhiňipen le kaštestar.
Lukáš Jarka hino andal o gav Čičava. Andro čhiňibnaskre buťakro kher pes dochudľas prekal o peskro dad, savo odoj kerelas sar o majstros, vašoda hoj sas avri sikhado stoľaris. Vakerel pal e komparacija maškar peskri buťi the le dadeskri buťi. Phenel, hoj ov buter džal pal o detaila, sar leskro dad. Andro video phenel the sar pen keren o konkretna čhiňibnaskre buťa.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben romanes Lukáš Jarka sakoneske interno
O rezbara Čičavatar Imrich Goroľ
kerdo: 24. 05. 2021 09:43 opre kerdo: 01. 06. 2021 08:43
O charno vakeriben khatar o amatersko rezbaris Imrich Goroľ pal o drom kijo čhiňipen le kaštestar.
Imrich Goroľ hino andal o gav Soľ. Kerelas buťi sar o buťarno pro ačhavibena. Kijo čhiňipen le kaštestar pes dochudľas naužardes. Hino o dženo andre gospelovo kapela LOND u pro jekh kapelakro zumavipen andro Pastoračno centrum Čičavate pes prindžarďas le rezbariha Milanoha Krajňákoha, savo leske sikhaďas buter čitre u phučľas lendar, te kamenas te sikhľol e čhiňibnaskri buťi. Andro video vakerel, sar pen keren o individualna artefakta.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko Imrich Goroľ sakoneske interno
O rezbara Čičavatar Ján Goroľ
kerdo: 24. 05. 2021 08:53 opre kerdo: 25. 05. 2021 08:31
O charno vakeriben khatar o amatersko rezbaris Ján Goroľ pal o leskro drom kijo čhiňipen le kaštestar.
Ján Goroľ hino andal o gav Soľ. Kerelas buťi sar zamočňikos, kijo kašt les ňikana nacirdelas. Andro vastengre buťakro kher u kijo čhiňipen pes dochudľas prekal e Komunita apoštoleskri Pavloskri u o rašaj Martin Mekel. Andro video vakerel pal oda, so hin o jekhetaňiben maškar o kresťansko paťaben u e vastengri buťi. Andro video vakerel the pal oda, hoj ko džanel te čitrinel, šaj te avel the o rezbaris. Nekhphareder andro čitripen hin čačes te čitrinel o jakha the o nakh. Vakerel the pal oda, sar pen keren o individualna buťa.
Ján Goroľ hino o dženo andre gospelovo kapela LOND.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko sakoneske interno
O rezbara Čičavatar Juraj Goroľ
kerdo: 25. 03. 2021 20:25 opre kerdo: 01. 06. 2021 08:22
O charno vakeriben khatar o amatersko rezbaris Juraj Goroľ, pal o leskro drom kijo čhiňiben kaštestar.
Juraj Goroľ hino andal o gav Hlinné. Avri phirďas o dujeberšengri agrikulturno škola. Andro video zorarel, hoj kampel o učeder u kvalitno sikhľuviben. Vakerel pal oda, sar pes andro kada arakhipnaskro buťakro kher dochudľas. Kana dikhľas e buťi so kerelas o rezbaris Milan Krajňák, but oda kamelas, u the ov kamelas oda te zumavel. Nekhbuter kerel o buťa le kresťansko tematikaha, buterval o Ježišoskro muj vaj o trušula.
O vakeriben sas kerdo andro berš 2013, kana pes dokumentinelas e buťi andre vastengre buťakro kher ROMA ART Čičava. O arakhipnaskro buťakro kher sas kerdo andro berš 2012, o iniciajtoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko sakoneske interno