Mgr. Vladimír Horváth - Amari luma - The Romani Encyclopedia on Internet
kerdo: 15. 02. 2022 11:03 opre kerdo: 15. 02. 2022 11:05
O džando vakeriben pal e romaňi internetovo encyklopedija Amari luma, savo sas pro džando kidipen savo pes vičinelas E romaňi kultura andre digitalno luma, prezentinel o Mgr. Vladimír Horváth pal e themutnengri organizacija Romano kher. O maškarthemutno džando kidipen kerďas e Themeskri džaňibnaskri kňižňica andro Prešov, o dokumentačno the informačno centrum vaš e romaňi kultura, jekhetanes le Metodicko-pedagogicko centroha andro Prešov, 20.11.2019.
e kategorija: vakeriben
o tagi: džaňiben prezentacia monolog konferenčno slovaťiko Vladimír Horváth akademicko interno
Ivana Šusterová - E dokumentacija the prezentacija pal e Vlaxiko romaňi kultura
kerdo: 15. 02. 2022 10:36 opre kerdo: 15. 02. 2022 10:38
O džando vakeriben pal e Vlaxiko romaňi kultura pre Slovaťiko, savo sas pro džando kidipen savo pes vičinelas E romaňi kultura andre digitalno luma, prezentinel e Ivana Šusterová. O maškarthemutno džando kidipen kerďas e Themeskri džaňibnaskri kňižňica andro Prešov, o dokumentačno the informačno centrum vaš e romaňi kultura, jekhetanes le Metodicko-pedagogicko centroha andro Prešov, 20.11.2019.
e kategorija: vakeriben
o tagi: džaňiben prezentacia monolog konferenčno slovaťiko Ivana Šusterová sakoneske interno
Aušvicate o kher baro - Ľudová hudba Alexandra Daška
kerdo: 14. 02. 2022 14:29 opre kerdo: 14. 02. 2022 14:30
E cimbalovo kapela Alexandroskri Daškoskri bašavel o romano halgató Aušvicate o kher baro. E kapela kerde andro berš 1992 andre Bansko Bystrica. O repertoaris len hin folkloris – romano, slovaťiko the aver nacijengro, the o operetna u filmova melodiji. E kapela diňas avri buter CD. O primašis hino Alexander Daško. Cimbalma – Dezider Oláh Axman. E viola – Otto Daniš (Buli). Bari bugova – Jozef Berky (Klokan). Akordeonos – Štefan Bučko (Kefa). Alexander Daško kerďas e Privatno zakladno artikaňi škola Lavuta andre Bansko Bystrica, hino o muzikakro pedagogos. A. Daško sako berš kerel o festivalos vaš e romaňi kultura andre Bansko Bystrica, vičinel pes Cigansko jag.
e kategorija: bašaviben
o tagi: inštrumentalno moderno folklorno quintet averestar E cimbalovo kapela Alexandroskri Daškoskri sakoneske interno
Džiďi kňižka - Teri Čikoš
kerdo: 09. 02. 2022 13:24 opre kerdo: 09. 02. 2022 13:26
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
e kategorija: vakeriben
o tagi: leperiben biograficko monolog moderovano slovaťiko Teri Čikoš sakoneske interno
Čirikloro alebo Čo hovorí vtáčik
kerdo: 21. 01. 2022 10:12 opre kerdo: 08. 05. 2023 20:08
Rómska interaktívna hudobná rozprávka Čirikloro alebo Čo hovorí vtáčik vznikla na motívy rozprávky Mileny Hübschmannovej pod režijnou taktovkou Davida Tišera. Rozprávka je určená pre deti mladšieho školského veku. Táto dramatická hra približuje rómsku kultúrnu tradíciu, slovesnosť a múdrosť starých Rómov. Je pravda iba jedna, alebo máme všetci svoju pravdu? To je otázka, na ktorú sa snažia nájsť odpoveď protagonisti tejto hudobnej rozprávky z produkcie ARA ART.
e kategorija: e drama
o tagi: teatros komedija giľaha pre scena adaptacija romanes čechika David Tišer sakoneske interno
Lomnické čháve - Savana
kerdo: 11. 01. 2022 12:13 opre kerdo: 11. 01. 2022 12:13
Lomnické čháve hiňi e romaňi rompopovo kapela, kaj o šerutno hino Milan Polhoš, o manažeris savo la ľidžal hino Tomáš Slebodník. Lengro repertoaris hino nekhbuter o folklorna giľa romane, slovaťika, the aver nacijengre. Ola giľa bašaven u giľaven andre lengri rompopovo forma, the pro elektronicka bašavibnaskre inštrumenti. O video sikhavel sar bašave e rompopovo giľi savi pes vičinel Savana.
e kategorija: bašaviben
o tagi: vokalno-inštrumentalno moderno rom-pop quartet averestar romanes Lomnické čháve sakoneske interno
Lomnické čháve - Mamo miri
kerdo: 11. 01. 2022 12:11 opre kerdo: 11. 01. 2022 12:11
O digitalno kulturno objektos hino o video, kaj e kapela Lomnické čháve giľavel e romaňi giľi Mamo miri; kerdo sas 8.7.2020 andro foros Prešov. E giľi giľaďas solo o Nikolas Polhoš, pro klaviris leske bašavelas o Roman Polhoš. E giľi Mamo miri hiňi e pharipnaskri giľi. O lava vakeren pal e daj, savi kana o manuš našavel, našavel the o zoralo simbolos vaš o smirom the kamiben.
e kategorija: bašaviben
o tagi: vokalno-inštrumentalno moderno rom-pop duo averestar romanes Lomnické čháve sakoneske interno
Lomnické čháve – Gelem, gelem
kerdo: 11. 01. 2022 12:09 opre kerdo: 11. 01. 2022 12:10
O digitalno kulturno objektos hino o video, kaj e kapela Lomnické čháve bašavel e romaňi himna Gelem, gelem. Lengro bašaviben sas kerdo 8.7.2020 andro foros Prešov. E romaňi himna oficijalno kerde andro berš 1971 pro Jekhto lumakro romano kongresos andro Londýn. Pre tradično romaňi giľi u lakri melodija o lava kerďas o jugoslavsko kompozeris Žarko Jovanovič. E kapela Lomnické čháve la giľavel sar e sig giľi, savi phirel andro bašavibnaskro žanros rom-pop.
e kategorija: bašaviben
o tagi: vokalno-inštrumentalno moderno rom-pop quartet averestar romanes Lomnické čháve sakoneske interno
Lomnické čháve – Lomnické čháve sa voláme (Lomnické čháve amen vičinen)
kerdo: 11. 01. 2022 11:50 opre kerdo: 11. 01. 2022 11:50
E giľi savi pes vičinel Lomnické čháve amen vičine, la kapelatar Lomnické čháve hiňi o čardášis. E melodija hiňi kerďi pro folklorno fundamentos, mište prindžarďi u popularno maškar e romaňi komunita. O lava hine jekh kotor romanes u jekh kotor slovaťika. O autora save pisinde o lava hine o džene andre kapela. On korkore dikhen e giľi sar peskri himna, sar e giľi savi phundravel lengre bašaviben u phenel, so hino lengro res, u oda hino te anel le manušenge loš the lačhipen.
e kategorija: bašaviben
o tagi: vokalno-inštrumentalno moderno rom-pop quartet averestar slovaťiko Lomnické čháve sakoneske interno
Lomnické čháve – Ona ľúbi pomaranče (Oj kamel pomaranča)
kerdo: 11. 01. 2022 11:47 opre kerdo: 23. 02. 2022 13:40
E giľi Ona ľúbi pomaranče (Oj kamel pomaranča) bašavel e grupa Lomnické čháve. Originalos hino khatar e polťiko grupa After Party, le beršestar 2016. Sajekh, sar e originalno giľi andre polťiko čhib (Ona lubi pomarańcze) the e cover verzija andre slovaťiko čhib hiňi e giľi pro kheľiben, kerďi sar o techno-pop u ska. O džene andal e grupa Lomnické čháve giľaven u bašaven kadi giľi le originalno naveha, slovaťiko lavenca, u bašaven la romane dromeha.
e kategorija: bašaviben
o tagi: vokalno-inštrumentalno moderno rom-pop quartet averestar slovaťiko Lomnické čháve sakoneske interno
