Barbora Botošová - koncert Bratislava
kerdo: 02. 08. 2021 10:13 opre kerdo: 02. 08. 2021 10:15
Barbora Botošová, lakro dad hino o Eugen Botoš phureder (Violin Orchestra Bratislava), lakro phral hino o Eugen Botoš terneder (džezovo klaviristas u kompozeris) u lakro phuro dad sas o Ján Berky Mrenica phureder (33 berša o koncertno majstros andro SĽUK). Andro berš 20120 e Barbora Botošová agorinďas o sikhľuviben pre lavuta pre Uči škola vaš o muzicka džaňibena andre Bratislava, kijo profesoris Peter Michalica. O kurzos vaš e kompozicija kerďas kije Ľubica Čekovská. E Barbora Botošová hiňi e slobodno artikaňi manušňi, bašavel andro muzikakre grupi Bohémiens u Women Rebels. O videos sikhavel o ungrika, rumuňika, židovika u romane kompoziciji, the o slovaťika folklorno giľa. O koncertos pes kerďas andre kafe kher Estévéčka, Bratislava, 7.2.2014. Tomáš Csech – e viola, Alexander Cseh – e cimbalma, Ján Rigo – e bari bugova, Barbora Botošová – e lavuta.
e kategorija: bašaviben
o tagi: inštrumentalno moderno mix quartet averestar Barbora Botošová sakoneske interno
Edith
kerdo: 26. 07. 2021 07:55 opre kerdo: 26. 07. 2021 08:03
E kapela Edith hiňi e swing-džezovo kapela, savi bašaďas o koncertos andro Prešov andro berš 2013. Nekhbuter bašaven u giľaven o klasicka džezova u swingova giľa u kompoziciji andal o jekhto jepaš 20. šelberšipnastar. Andro lengro repertoaris hine the akanutne kompoziciji andal o popularno bašaviben andro džezovo aranžmanos. O digitalno kulturno objektos sikhavel lengro koncertos. Bašaven: Vlastimil Král - o bubni, Július Humeňanský - e basovo gitara, Pavel Vyjidáček - klaviris, Jozef Breza - e gitara, Edita Kovářová - giľavel, Adela Kovářová - giľavel, e gitara.
e kategorija: bašaviben
o tagi: vokalno-inštrumentalno moderno rom-jazz sextet averestar čhiba Edith sakoneske interno
Žaneta Štipáková - Devla miro
kerdo: 09. 07. 2021 09:54 opre kerdo: 09. 07. 2021 09:57
E Žaneta Štipáková, e herečka the e giľavňi andal o Teatro Romathan, giľavel e rom-pop giľi Devla miro, bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. E giľi Devla miro, prekal o lava the e melodija, perel andre kategorija, kaj hine o phare, laudativna giľa. O video sas kerdo pro 24.08.2015 andro Prešov, prekal o kiipen E Džiďi kňižka: o lav - o čitro - o hangos, save kerďas e Štatno džaňibnaskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Žaneta Štipáková - Khonik naj Devla kada sar Tu
kerdo: 09. 07. 2021 09:01 opre kerdo: 09. 07. 2021 09:04
E Žaneta Štipáková, e khelaďi the e giľavňi andal o Teatro Romathan, giľavel e giľi Khonik naj Devla, kada, sar Tu, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Žaneta Štipáková - Khangeri
kerdo: 09. 07. 2021 08:24 opre kerdo: 09. 07. 2021 08:41
E Žaneta Štipáková, e khelaďi the e giľavňi andal o Teatro Romathan, giľavel e giľi Khangeri, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Arpi Farkaš Kvartet - koncert
kerdo: 02. 10. 2020 13:00 opre kerdo: 08. 05. 2023 20:08
Arpád Farkaš je učiteľom hudby na Základnej umeleckej škole v Rožňave, odbor klavír. Arpád Farkaš Kvartet je hudobné zoskupenie, ktoré založil a vedie. Venujú sa džezovým hudobným žánrom, účinkujú na džezových festivaloch, klubových aj javiskových koncertoch aj súkromných podujatiach. Ich repertoár tvoria džezové štandardy a vlastná tvorba. Video ponúka záznam ich klubového koncertu v Košiciach.
Nástrojové obsadenie.
Klavír: Arpád Farkaš
Bicie: Marek Sarvaš
Kontrabas: Vojto Bunda
Husle: Norbert Demeter
Spev: Andy Belej
e kategorija: bašaviben
o tagi: vokalno-inštrumentalno moderno jazz orchestra averestar čhiba Arpád Farkaš sakoneske interno
Sabrosa - Geľom mange pro Čechi
kerdo: 02. 10. 2020 12:52 opre kerdo: 27. 11. 2020 02:00
E giľi Geľom mange pro Čechi phirel kijo kheľibnaskre giľa andro romano folklor. Pro video giľavel e grupa Sabrosa. E vokalno-inštrumentalno grupa Sabrosa pes kerďas andro gav Raslavice andro okres Bardejov. Originalno andre late sas trin giľavne u inštrumentalistki. Akana e Sabrosa hiňi o pheňakro duo: Aneta Duždová - e šerutňi giľavňi, Jana Duždová - e gitara, o giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
O bijav
kerdo: 16. 09. 2020 20:28 opre kerdo: 27. 11. 2020 02:00
E vokalno-inštrumentalno giľa O bijav avka, sar la bašavel u giľavel e muzikakri grupa Sabrosa phirel kijo romano folklor. O lava andre giľi vakeren pal o bijav u lačhi voja le Romenge. E ritmika the o lava andre giľi hine tipicka vaš o bachtale giľa. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen. O lavutara: Július Hudi (e cimbalma), Alexander Bunda (e viola), Vojto Bunda (bari bugova), Miloš Goroľ (lavuta).
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Namaren man
kerdo: 10. 09. 2020 15:47 opre kerdo: 27. 11. 2020 02:00
E giľi Namaren man hiňi andal o repertoaris, savo giľavelas o romano giľavno andal e puraňi Jugoslavija, o Šaban Bajramovič (16.4.1936 – 8.6.2008), savo la giľavelas tel o nav Pira mange korkoro. E giľi hiňi komponovano andro špecificko štilos savo pes vičinel balkansko romano džez. Avka, sar la giľavel e Sabrosa, le melodicko varijacijenca u sikra aver lavenca, hiňi folklorizovano. E vokalno-inštrumentalno formacija Sabrosa hiňi andal o gav Raslavice andal o okresis Bardejov. Originalno andre formacija sas trin giľade u inštrumentalistki. Akana e Sabrosa hiňi sar o pheňengro duo: Aneta Duždová – e šerutňi giľavňi, Jana Duždová – gitara, giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Koncertos: Karel Adam
kerdo: 20. 12. 2019 10:44 opre kerdo: 27. 11. 2020 02:00
O koncertos vaš o Lumakro Romano Ďives, 27.11.2017 andro klub Wave pre Hlavno uľica andro Prešov. Karel Adam, o šefdirigentos andro teatro Romathan, jekhetane le kolegenca kerďas o koncertos pro savo bašade o inštrumentalna the o vokalno-inštrumentalna kompoziciji the o giľa, romane folklorna the lengre, so kerde. Pro koncertos sas o halgato, čardaša the klasicko bašaviben.
Karel Adam – lavuta, Eugen Bunda – cimbalma, Vladimír Adam – viola, Viktor Adam – bari bugova, Daša Poláková – giľavel, Žaneta Štipáková – giľavel.
e kategorija: bašaviben
o tagi: vokalno-inštrumentalno moderno mix orchestra averestar romanes Karel Adam Dáša Polláková Žaneta Štipáková sakoneske interno
