Vakeribena
kerdo: 08. 09. 2025 10:37 opre kerdo: 08. 09. 2025 10:38
O kidipen phundrado savorenge kerdo prekal o Kurko vaš o slovaťika biblijoteki, andro Teatros Viola. Pro kidipen pes prezentinďas e nevi kňižka khatar o dokumentačno the informačno centrum vaš e romaňi kultura savi pes vičinel Vakeribena. E autorka hiňi e Jana Gáborová Kroková. Paš late o akharde džene pro kidipen sas o Stanislav Cina, Peter Káša the e Klára Kohoutová. Bašavelas o Štefan Cína.
e kategorija: vakeriben
o tagi: džaňiben džaňibnaskri diskusia dialog humanitno slovaťiko Jana Gáborová Kroková sakoneske interno
Džiďi kňižka - Romano holokaust
kerdo: 08. 09. 2025 10:33 opre kerdo: 08. 09. 2025 10:36
O phundrado kidipen andal o cyklos Džide kňižki, e tema sas o holokaust le Romengro, savo sas andro Teatro Viola. O džide kňižki sas o rodipnaskre džeňa andal e Slovaťiko akademija vaš o džaňibena andro Košice, e Patrícia Fogelová the e Veroniky Szeghy Gayer. Pro klaviris bašavelas o Miroslav Rác.
e kategorija: vakeriben
o tagi: džaňiben džaňibnaskri diskusia dialog humanitno slovaťiko sakoneske interno
Klara Kohoutová, Petra Kurutzová
kerdo: 04. 12. 2024 07:30 opre kerdo: 09. 12. 2024 07:10
Luník IX - o leperibena le subtitulenca Geto? the O nekšukareder sidliskos? hin e unikatno kolekcija 12 vakeribena 15 dženenca, save leperen u saven pro jekhto dikhipen, nane ňič jekhetanes. But džene lendar pen ňikana aňi na arakhle. Hin len jekhetanes ča jekh: bešen vaj bešenas pro nekbuter prindžardo slovaťiko sidliskos Luník IX. Pal e publikacija vakerelas e autorka Klára Kohoutová the e džeňi, savi thoďas jekhetanes o ilustraciji, e Petra Kurutzová, andre diskusija le Erika Godlovaha, 8.9. 2023 andre kavijarňa Libresso andro Prešov.
e kategorija: vakeriben
o tagi: džaňiben džaňibnaskri diskusia dialog humanitno slovaťiko Klara Kohoutová Petra Kurutzová sakoneske interno
O Roma the o Slovaťiko nacijonalno opre ušťiben
kerdo: 05. 03. 2024 08:06 opre kerdo: 05. 03. 2024 08:07
E redakcija vaš o nacijengro programos andro Slovaťiko radijo, študijo Košice, diňas o than kaj pen arakhle o študenta pal o maškarutne školi andro Košice u e historička u etnologička Zuzana Kumanovo pre diskusija pal o Slovaťiko nacijonalno opre ušťiben. E Zuzana Kumanová paťa, hoj o leperibena pro Slovaťiko nacijonalno opre ušťiben amenge den o šajipen te vakerel pal o bare buťa, so kerde o Roma, save gele andro riziko, dine peskre dživipena andro mariben vaš e sloboda the demokracija. E Zuzana Kumanovo vakerela pal o Roma, saven na ča murdarenas andro mariben, no save pen marenas pale, sas the partizana, the slugaďa, avrikhelde e sloboda. Vakerelas the pale e identita. E moderatorka pro kidipen sas Erika Godlová, o kidipen sas kerdo 13.9.2018 andro študijo RTVS pre Moyzesovo uľica 7 andro Košice.
e kategorija: vakeriben
o tagi: džaňiben džaňibnaskri diskusia dialog humanitno slovaťiko Zuzana Kumanová Erika Godlová sakoneske interno
Gemersko-malohontsko muzeum andre Rimavsko Sobota
kerdo: 28. 02. 2022 11:46 opre kerdo: 17. 06. 2022 10:59
O muzeum andre Rimavsko Sobota, o pandžto nekpuraneder maškar o muzei pre Slovaťiko, sas kerdo andro berš 1882. Mapinel o multikulturno regijonos Gemer - Malohont, kaj o Roma sas naturalno kotor. Imar le beršestar 1976 odoj hin e ekspozicija pal e romaňi kultura. Šaj adaj te arakhel e kuč publikacija Cigani pre Slovaťiko khatar e autorka Emília Horváthová, the o albumos pal o romane lavutara avri dino andro Budapešť andro berš 1989, andre leskri dujto edicija le beršestar 1927 hiňi e grafika pre savi hiňi e Cinka Panna, the e bijografija pal o jekh maškar o nekbuter prindžarde romane primaša - pal o Márton Dombi, savo sas pal o Gemer.
e kategorija: vakeriben
o tagi: džaňiben džaňibnaskro vakeriben monolog humanitno slovaťiko Oľga Bodorová sakoneske interno
Etnograficko muzeum Tarnowoste
kerdo: 26. 09. 2020 23:47 opre kerdo: 27. 11. 2020 02:00
O video sikhavel e romaňi ekspozicija andro Etnograficko muzeum andro polťiko foros Tarnow, savi hiňi phundraďi le beršestar 1979. Sar pes kerďas u so savoro hin andre ekspozicija, pal oda vakerel o prindžardo polťiko etnografos u antropologos Adam Bartosz.
e kategorija: vakeriben
o tagi: džaňiben džaňibnaskro vakeriben monolog humanitno polťiko Adam Bartosz sakoneske interno
Tomáš Hrustič - Kale-parne sveti
kerdo: 23. 03. 2020 14:03 opre kerdo: 27. 11. 2020 02:00
Tomáš Hrustič andal o Inštitutos vaš e etnologija u socijalno antropologija andre Slovaťiko džaňibnaskri akademija Bratislavate vakerel pal e publikacija Kale-parne sveti/O Roma andro majoritno khetaňibe pre Slovaťiko. Duj naroda, sako aver, duj aver dikhipena, duj sveti. Duj sveti, sako aver, save hine jekh paš o aver. O Roma u ola aver džene. The ole faktendar sas kerdo o nav pre publikacija Kale-parne sveti. O eksperta pro romane študiji kherestar the lumatar dikhle andro ola sveti u anen o prindžaripena andal o lengre rodipena. O džaňibnaskre recenzenta pre publikacija sas: Martin Fotta, PhD., PhDr. Michal Vašečka, PhD., Kimmo Granqvist, PhD., Prof. Mgr. Milan Kováč, PhD. Avri diňas: VEDA, Publikačno kher SAV, Ústav etnológie SAV, Avri dino beršeste: 2015, Seri: 595
Video hino ulado andro buter kotora. Sako kotor hino o vakeriben pal o jekh kotor andre publikacija. O kotora hine ulade titulkoha.
e kategorija: vakeriben
o tagi: džaňiben faktograficko dialog humanitno slovaťiko romanes Tomáš Hrustič akademicko interno
Romengro phiriben Źabno
kerdo: 10. 02. 2020 19:31 opre kerdo: 27. 11. 2020 02:00
Faktograficko vakeriben pal o leperibnaskro than, savo sas ačhado andro berš 2012 pro than, kaj murdarde le na prindžarde Romen andro Dujto lumakro mariben andro berš 1943.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
Romengro phiriben Bielcza
kerdo: 31. 01. 2020 15:29 opre kerdo: 27. 11. 2020 02:00
Andro berš 1942 andre Bielcza andro Polťiko o Ňemci murdarde 41 Romen andal e Kwiekovo fameľija. Oda sas o phirde Roma, Kalderaša. Paš o lengro jekhetano hrobos but šukares keren o lokalna manuša.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
Romengro phiriben Borzęcin
kerdo: 31. 01. 2020 15:25 opre kerdo: 27. 11. 2020 02:00
Andro Polťiko, andro gav Borzęcin pre lokalno mulaňi bar hino o leperibnaskro than vaš o 29 Roma, pal lengri ekshumacija, saven andro 1942 ľivinde o Ňemci. O leperibnaskro than sas kerdo the andro pašo veš, pro than, kaj ole Romen o nacista murdarde.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
