Teri Čikoš – Ňilajutňi
kerdo: 11. 03. 2022 12:02 opre kerdo: 11. 03. 2022 12:23
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
E melodija the o lava vaš e giľi Ňilajutňi kerďas Jana Kirschner. E interpretka hiňi Teri Čikoš.O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.
e kategorija: bašaviben
o tagi: vokalno-inštrumentalno moderno pop quartet original autoristar slovaťiko Teri Čikoš sakoneske interno
Teri Čikoš - Drom
kerdo: 11. 03. 2022 11:39 opre kerdo: 11. 03. 2022 11:40
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
E melodija the o lava kije giľi Drom pisinďas e Teri Čikoš (Terézia Čikošová). O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.
e kategorija: bašaviben
o tagi: vokalno-inštrumentalno moderno pop quartet original autoristar slovaťiko Teri Čikoš sakoneske interno
Dezider Miko u e kapela - a mol, Nane cocha
kerdo: 21. 02. 2022 10:21 opre kerdo: 21. 02. 2022 10:38
E kompozicija savi bašade pro koncertos, savo kerďas e Folklorno kapela Ďusi Band Perješistar. E inštrumentalno kompozicija, a mol seija, e romaňi folklorno giľi Nane cocha, bašavel o Dezider Miko la kapelaha.
E lavuta: Dezider Miko
E cimbalma: Anton Čonka
Bari bugova: Július Bandy terneder
Viola: Kristián Bandy
A mol serija hine o lokhe kompoziciji andal o halgato žanros. Nane cocha, nane gad hiňi e folklorno giľi pro kheľiben. O video sas kerdo 14.11.2019 andro Wave – O centrum vaš e slobodno kultura, Hlavna 121, Prešov.
e kategorija: bašaviben
o tagi: inštrumentalno moderno folklorno quartet averestar Dezider Miko u e kapela sakoneske interno
Čardašis - Martin Petík la kapelaha
kerdo: 15. 02. 2022 15:23 opre kerdo: 15. 02. 2022 15:26
E kompozicija andal o koncertos savo kerelas e folklorno kapela Ďusi band Perješistar. O čardašis bašavel o Martin Petík la kapelaha.
E lavuta: Martin Petík
E cimbalma: Július Bandy terneder
E bari bugova: Miroslav Holub
E gitara: Ladislav Holub
O čardaša hine pro kheľiben, jekhto kotor ačhel lokhes, paľis pes vazdel e gradacija u kadi gradacija sajekh avka zorales u sig agorinel. Kajso bašaviben sas angomis but pro kheľibena pro gava. O video sas kerdo 14.112019 andro Wave – O centrum vaš e slobodno kultura, Hlavno uľica 121 Perješiste.
e kategorija: bašaviben
o tagi: inštrumentalno moderno folklorno quartet averestar Martin Petík la kapelaha sakoneske interno
Amari sal amari - Žigovci
kerdo: 15. 02. 2022 15:03 opre kerdo: 15. 02. 2022 15:04
O bašaviben pro koncertos savo kerelas e Folklorno kapela Ďusi band Perješistar. E inštrumentalno kompozicija Amari sal amari, bašavel e folklorno kapela Žigovci, o šerutno andre kapela hino Filip Žiga.
E lavuta: Filip Žiga
E cimbalma: Milan Jarka
E viola: Matúš Krutak
E bari bugova: Július Žiga
E cikňi bugova: Bohdana Žigová
Amari si amari hiňi e giľi pro kheľiben, o lava hine pal e terňi bori. O video sas kerdo 14.11.2019 andro Wave - O centrum vaš e slobodno kultura, pre Hlavno uľice 121 Perješiste.
e kategorija: bašaviben
o tagi: inštrumentalno moderno folklorno quintet averestar Ľudová hudba Žigovci sakoneske interno
E folklorno kapela Štefanoskri Cínoskri: Kale topanki, lole sandalki; Nane cocha, nane gad
kerdo: 15. 02. 2022 13:49 opre kerdo: 15. 02. 2022 13:57
E folklorno kapela Štefanoskri Cínoskri keren štar bašavne. E kapela sas kerďi andro berš 2007, kerďas la o Štefan Cína phureder. Akana andre kapela bašaven: Martina Ďuriková Cínová (e lavuta, giľavel), Štefan Cína terneder (akordeon, gitara, giľavel), Štefan Vansač (e cimbalma, giľavel), Peter Pavlík (bari bugova, giľavel). E folklorno kapela Štefanoskri Cínoskri bašavel o repertoaris, kaj hine o tradična giľa pal o vichodno Slovaťiko, no arakhas the ola maškarutňa vaj zapadno Slovakijatar. Pro video hine dokumentimen o romane giľa: Kale topanki, lole sandalki; Nane cocha, nane gad. O video sas kerdo 15.11.2019 pro jekh kidipen andre serija, savi kerel o Themeskro džaňibnaskro kher andro Prešov u savi pes vičinel „Džide kňižki“.
e kategorija: bašaviben
o tagi: vokalno-inštrumentalno moderno folklorno quartet averestar romanes E folklorno kapela Štefanoskri Cínoskri sakoneske interno
Aušvicate o kher baro - Ľudová hudba Alexandra Daška
kerdo: 14. 02. 2022 14:29 opre kerdo: 14. 02. 2022 14:30
E cimbalovo kapela Alexandroskri Daškoskri bašavel o romano halgató Aušvicate o kher baro. E kapela kerde andro berš 1992 andre Bansko Bystrica. O repertoaris len hin folkloris – romano, slovaťiko the aver nacijengro, the o operetna u filmova melodiji. E kapela diňas avri buter CD. O primašis hino Alexander Daško. Cimbalma – Dezider Oláh Axman. E viola – Otto Daniš (Buli). Bari bugova – Jozef Berky (Klokan). Akordeonos – Štefan Bučko (Kefa). Alexander Daško kerďas e Privatno zakladno artikaňi škola Lavuta andre Bansko Bystrica, hino o muzikakro pedagogos. A. Daško sako berš kerel o festivalos vaš e romaňi kultura andre Bansko Bystrica, vičinel pes Cigansko jag.
e kategorija: bašaviben
o tagi: inštrumentalno moderno folklorno quintet averestar E cimbalovo kapela Alexandroskri Daškoskri sakoneske interno
Lomnické čháve - Savana
kerdo: 11. 01. 2022 12:13 opre kerdo: 11. 01. 2022 12:13
Lomnické čháve hiňi e romaňi rompopovo kapela, kaj o šerutno hino Milan Polhoš, o manažeris savo la ľidžal hino Tomáš Slebodník. Lengro repertoaris hino nekhbuter o folklorna giľa romane, slovaťika, the aver nacijengre. Ola giľa bašaven u giľaven andre lengri rompopovo forma, the pro elektronicka bašavibnaskre inštrumenti. O video sikhavel sar bašave e rompopovo giľi savi pes vičinel Savana.
e kategorija: bašaviben
o tagi: vokalno-inštrumentalno moderno rom-pop quartet averestar romanes Lomnické čháve sakoneske interno
Lomnické čháve - Mamo miri
kerdo: 11. 01. 2022 12:11 opre kerdo: 11. 01. 2022 12:11
O digitalno kulturno objektos hino o video, kaj e kapela Lomnické čháve giľavel e romaňi giľi Mamo miri; kerdo sas 8.7.2020 andro foros Prešov. E giľi giľaďas solo o Nikolas Polhoš, pro klaviris leske bašavelas o Roman Polhoš. E giľi Mamo miri hiňi e pharipnaskri giľi. O lava vakeren pal e daj, savi kana o manuš našavel, našavel the o zoralo simbolos vaš o smirom the kamiben.
e kategorija: bašaviben
o tagi: vokalno-inštrumentalno moderno rom-pop duo averestar romanes Lomnické čháve sakoneske interno
Lomnické čháve – Gelem, gelem
kerdo: 11. 01. 2022 12:09 opre kerdo: 11. 01. 2022 12:10
O digitalno kulturno objektos hino o video, kaj e kapela Lomnické čháve bašavel e romaňi himna Gelem, gelem. Lengro bašaviben sas kerdo 8.7.2020 andro foros Prešov. E romaňi himna oficijalno kerde andro berš 1971 pro Jekhto lumakro romano kongresos andro Londýn. Pre tradično romaňi giľi u lakri melodija o lava kerďas o jugoslavsko kompozeris Žarko Jovanovič. E kapela Lomnické čháve la giľavel sar e sig giľi, savi phirel andro bašavibnaskro žanros rom-pop.
e kategorija: bašaviben
o tagi: vokalno-inštrumentalno moderno rom-pop quartet averestar romanes Lomnické čháve sakoneske interno
