Úgy szeretem (Avka oda kamav) - Gitana u Ďusi Band
kerdo: 13. 06. 2022 12:31 opre kerdo: 06. 10. 2022 14:30
E folklorizovano giľi giľavel e Gitana (o umelecko nav), oficijalno nav Adriana Drafiová u bašavel e cimbalovo kapela Ďusi Band. Pre Slovaťiko prindžarďi tel o nav Gondoľinas, hoj del o brišind. E giľi hiňi sig, pro kheľiben. O video sas kerdo 19.11.2021 andro Prešov, andro Centrum vaš e slobodno kultura Wave. Gitana (A. Drafiová) – giľavel, Július Bandy – e cimbalma, Samuel Bandy – e lavuta, Roland Horváth – o klarinetos, o saksofonos, Kristián Bandy – e viola, Július Bandy terneder – e bari bugova.
Gitana
O talentos pro bašaviben hino andre lakri fameľija. Gitana (Adriana Drafiová) les sikhavel andro giľavipen nekhbuter o elektro swing u gypsy swing. Dešuefta beršengri imar giľavelas buter kapelenca avri, andro Ungriko giľavelas le giľavneha Jozef Szaboha, paľis but berša sas jekhetanes la kapelaha Kmeťoband. Le Jurajoha Benetinoha, le giľavneha andal e kapela Korben Dallas giľaďas o duet sar phundravipnaskri giľi andro animovano charno filmos Pixar študijostar savor pes vičinel Láva (Jagale bara) le beršestar 2015.
Ďusi Band
E fameľijakri romaňi folklorno kapela andal o Prešov, o kapelňikos u cimbalistas hino Július Bandy. Ov peskre trine čhavenca bašaven u ľikeren ola nekfeder tradiciji andro romano cimbalovo bašaviben pre Slovaťiko. Bašaven korkore, vaj jekhetanes but aver romane u naromane muzikantenca. O akhardo dženo hino o Rolan Horváth (o klarinetos, o saksofonos) andal e Rimavsko Sobota.
e kategorija: bašaviben
o tagi: vokalno-inštrumentalno moderno folklorno quintet ungrika slovaťiko Ďusi Band Gitana Adriana Drafiová sakoneske interno
Dine la terňa - Gitana u Ďusi Band
kerdo: 13. 06. 2022 10:47 opre kerdo: 06. 10. 2022 09:11
E folklorno giľi giľavel e Gitana (o umelecko nav), oficijalno nav Adriana Drafiová u bašavel e cimbalovo kapela Ďusi Band. Andro buter regijoni pre Slovaťiko hiňi e giľi prindžarďi andro buter ritmicka varijaciji, šaj arakhas the o nav E Cigankakro bijav. E giľi hiňi sig, pro kheľiben. O video sas kerdo 19.11.2021 andro Prešov, andro Centrum vaš e slobodno kultura Wave. Gitana (A. Drafiová) – giľavel, Július Bandy – e cimbalma, Samuel Bandy – e lavuta, Roland Horváth – o klarinetos, o saksofonos, Kristián Bandy – e viola, Július Bandy terneder – e bari bugova.
Gitana
O talentos pro bašaviben hino andre lakri fameľija. Gitana (Adriana Drafiová) les sikhavel andro giľavipen nekhbuter o elektro swing u gypsy swing. Dešuefta beršengri imar giľavelas buter kapelenca avri, andro Ungriko giľavelas le giľavneha Jozef Szaboha, paľis but berša sas jekhetanes la kapelaha Kmeťoband. Le Jurajoha Benetinoha, le giľavneha andal e kapela Korben Dallas giľaďas o duet sar phundravipnaskri giľi andro animovano charno filmos Pixar študijostar savor pes vičinel Láva (Jagale bara) le beršestar 2015.
Ďusi Band
E fameľijakri romaňi folklorno kapela andal o Prešov, o kapelňikos u cimbalistas hino Július Bandy. Ov peskre trine čhavenca bašaven u ľikeren ola nekfeder tradiciji andro romano cimbalovo bašaviben pre Slovaťiko. Bašaven korkore, vaj jekhetanes but aver romane u naromane muzikantenca. O akhardo dženo hino o Roland Horváth (o klarinetos, o saksofonos) andal e Rimavsko Sobota.
e kategorija: bašaviben
o tagi: vokalno-inštrumentalno moderno folklorno quintet slovaťiko Ďusi Band Gitana Adriana Drafiová sakoneske interno
Jozef Kotlár the e kapela – o giľa
kerdo: 28. 04. 2022 12:48 opre kerdo: 28. 04. 2022 12:50
O koncertos kaj bašavenas o romane folklorna bandi u savo kerďas e Folklorno kapela Ďusi Band andal o Prešov, oda sas e šanca the vaš o Jozef Kotlár u leskri kapela te prezentinel peskro džaňiben. Pro video hino sar bašavel buter kheľibnaskre giľa.
Pre lavuta: Jozef Kozma terneder
Pre cimbalma: Jozef Kozma phureder
Pre viola: Jozef Kotlár
Pre bari bugova: Ján Kozma
O video sas kerdo 14.11.2019 andro Centrum vaš e slobodno kultura Wave andro Prešov.
e kategorija: bašaviben
o tagi: inštrumentalno moderno folklorno quartet averestar Jozef Kotlár the e kapela sakoneske interno
Alexandra Kuruczová, Mário Mezei - Sostar dukhal
kerdo: 25. 04. 2022 10:20 opre kerdo: 25. 04. 2022 10:20
E giľi Sostar dukhal hiňi e moderno giľi lokhe ritmoha, savi phirel kijo žanros rom-pop, špecificko ande bašavibnaskri produkcija le Vlaxika Romengri. E giľi hiňi kerďi, o autora, save pisinde o lava the e melodija na arakhľam. Šaj, hoj nekh buter prindžarďi verzija ola giľakri hiňi pro albumos so kerďas o prindžardo giľavno L.L. Junior andal o Ungriko, o albumos pes vičinel 'Köszönöm Nektek'(Paľikerav), kerdo andro berš 2002. O emotivna lava pal o našado kamiben phiren mište le kontemplativno giľavipnaha. O digitalno kulturno objektos hino o video, savo sas kerdo 24.6.2014 andro gav Zlaté Klasy. E giľi giľavel e Alexandra Kuruczová.
e kategorija: bašaviben
o tagi: vokalno moderno rom-pop solo averestar romanes Alexandra Kuruczová sakoneske interno
Alexandra Kuruczová, Mário Mezei - Šeje, kana dikhav tuha suno
kerdo: 25. 04. 2022 10:14 opre kerdo: 25. 04. 2022 10:15
E giľi Šeje, kana dikhav tuha suno phirel andro žanros kijo popularna giľa pro kheľiben, hiňi kerďi sar e bašavibnaskri produkcija khatar o Vlachika Roma pre Slovaťiko. O lava andre giľi vakeren pal o kamiben maškar o čhavo the e čhaj, o čhavo la kamel avka, hoj laha dikhel o suno. O digitalno kulturno objektos hino o video, kerdo 24.6.2014 andro gav Zlaté Klasy. E giľi giľaven e Alexandra Kuruczová u o Mário Mezei.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Me tut užarav
kerdo: 25. 04. 2022 10:03 opre kerdo: 25. 04. 2022 10:04
E romanticko giľi Me tut užarav hiňi e moderno giľi, savi phirel kijo žanros rom-pop. Paťas, hoj e giľi vareko konkretno pisinďas, oda, ko hino o autoris pro lava the bašaviben imar nane prindžardo. O lava vakeren pal o čhavo, savo kamel la čhaja, u užarel pre late, dži kana oj korkori kamela te avel pal leste. O digitalno kulturno objektos hino o video, savo sas kerdo 24.6.2014 andro gav Zlaté Klasy. E giľi pro video giľaven e Alexandra Kuruczová u o Mário Mezei.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Sako ďives
kerdo: 25. 04. 2022 09:49 opre kerdo: 25. 04. 2022 09:49
E giľi Devla miro u lakre lava hine pal o kamlo rom u dad savo merel, pal o pharipen savo šunel e romňi, u so kerel, pal oda, hoj lake muľas o terno rom, lakro dživipnaskro kamiben. Kadi giľi hiňi, prekal o lakre lava the melodija, e forma, e pharipnaskri giľi. O interpreta adaj hine e Alexandra Kuruczová u o Mário Mezei. E giľi amenge giľade 24.6.2014 andro gav Zlaté Klasy.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Khonik naj Devla kada sar Tu
kerdo: 25. 04. 2022 09:37 opre kerdo: 25. 04. 2022 09:38
E giľi hiňi andal o repertoaris savo giľavel o giľado the o rašaj andre Romaňi khangeri andre London (London Gypsy Church, United Kingdom: www.lgcuk.com) o Ricardo Kwiek. O lava andre giľi len e inšpiracija andal o bilblicko žalmos. E interpretacija le giľakri kerel e Alexandra Kuruczová the o Mário Mezei. E čhib andre giľi hiňi romaňi, dijalektos Kalderaš.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Teri Čikoš - Kaj te džav
kerdo: 21. 03. 2022 11:15 opre kerdo: 21. 03. 2022 11:20
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
Ko pisinďas o originalno lava u e originalno melodija pes nadžanel. E interpretka hiňi Teri Čikoš. O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.
e kategorija: bašaviben
o tagi: vokalno-inštrumentalno moderno folk quartet original autoristar slovaťiko Teri Čikoš sakoneske interno
Teri Čikoš – Giľavav
kerdo: 21. 03. 2022 11:10 opre kerdo: 21. 03. 2022 11:11
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko.
E muzika the o lava pisinďas Teri Čikoš. O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.
e kategorija: bašaviben
o tagi: vokalno-inštrumentalno moderno pop quartet original autoristar slovaťiko Teri Čikoš sakoneske interno
