Viliam Didiáš
kerdo: 01. 02. 2024 12:56 opre kerdo: 01. 02. 2024 12:56
Viliam Didiáš uľiľas andro Zvolen, andre lavutarengri fameľija. E jekhto lavuta chudľas kana les sas trin berša. Phirelas andre Ľudovo artikaňi škola, kana la agorinďas, geľas te sikhľol pro Konzervatorijum Ján Levoslav Bella Bansko Bystricate. O študijum agorinďas andro berš 1998 u paľis bašavelas sar o lavutaris pro kontraktos. Kerďas buter majstrovska artikane kurzi, save leske pomožinde te lačharel leskro bašaviben u feder te interpretinel o kompoziciji. Bašavelas andro buter kapeli, kana pes kerďas o dokumentos sas les o permanentno than andre kapela Manuša, jekhetanes dine avri andro berš 2022 o albumos sajekh naveha.
e kategorija: vakeriben
o tagi: leperiben biograficko monolog moderovano slovaťiko Viliam Didiáš interno sakoneske
Denisa Havrľová - o vakeriben
kerdo: 22. 01. 2024 16:19 opre kerdo: 22. 01. 2024 16:20
Mgr. art Denisa Havrľová (1971-) hiňi e romaňi aktivistka, the e žurnalistka andal o gav Očová. Sikhľiľas e režija vaš o dokumentarno filmos pre Uči škola vaš o muzicka džaňibena Bratislavate a e filmovo dokumentarno buťi pre Džaňibnaskri Akademija andre Bansko Bystrica. E žurnalistika kerel le beršestar 1998, kana chudľas te kerel buťi andro romano ľil Romano nevo ľil andro Prešov. Paľis, andro berš 2008 sas leskri šerutňi redaktorka. E buťi kerelas the sar e vizualno redaktorka vaš e Press agentura Slovakijakri republikakri (TASR) a the andro Zorarde manušeskro rajipnastar SR vaš o romane komuniti. Vakerel pal o peskre jekhto uštara andre žurnalistika the profesijonalno bararipen. Vakerel pal o romane temi andro mediji, sar o mediji čitrinen le Romen the pal o romane mediji. Leperel pro manuša, save lake pomožinenas andro lakro profesijno, no the personalno bararipen, vaš soske lenge paľikerel.
e kategorija: vakeriben
o tagi: leperiben biograficko monolog moderovano slovaťiko Denisa Havrľová sakoneske interno
Miroslav Pokoš
kerdo: 16. 01. 2024 06:26 opre kerdo: 16. 01. 2024 06:27
Hino andal o gav Šumiac. Hino andal e bašavibnaskri fameľija. Leskri fameľija pal o dad hine o Pokošovca Šumiacostar, pal e daj o Harvanovci Telgártostar.
Andro ola lokaliti ňikana nasas dominantno e gitara vaj o klavesova inštrumenta. Sakovar ča e lavuta, e harmonika, bari bugova, o cimbalmi. Bašavel pre bari bugova, pre lavuta the pre harmonika. Te bašavel sikhľiľas korkoro. E banda Pokošovci bašavel o slovaťiko the romano folkloris pal o Horehronie.
Le phralenca Radoha u Stanoha dine avri o albumos E folklorno banda Pokošovci 2, savo pes dochudľas pro 15. than andro World Music Chart Europe andro januaris 2020.
e kategorija: vakeriben
o tagi: leperiben biograficko monolog moderovano romanes Miroslav Pokoš interno sakoneske
Daniel Pokoš
kerdo: 15. 01. 2024 13:45 opre kerdo: 15. 01. 2024 14:10
Daniel Pokoš hino andal e fameľija, kaj o bašaviben hino e zoraľi tradicija. Te bašavel pre lavuta les sikhavelas o dad the o papus, sikhľolas the avka, hoj šunelas sar bašaven o lavutara pal o Horehronie. Bašavel andre fameľijakri cimbalovo kapela Pokošovci. Andro vakeriben vakerel pal e peskri fameľijakri the personalno historija, the pal oda, sar dikhel e muzika, e tradično the akanutňi.
O video leskre vakeribnaha sas kerdo 26.8.2022 andro Prešov, andro ciklus e dokumentacija pal o romane cimbalova kapeli pre Slovaťiko.
e kategorija: vakeriben
o tagi: leperiben biograficko monolog moderovano romanes Daniel Pokoš interno sakoneske
Július Žiga
kerdo: 09. 01. 2024 11:15 opre kerdo: 09. 01. 2024 11:15
O leperibnaskro vakeriben pal e fameľijakri bašavibnaskri tradicija, vakerel o Július Žiga. Leperel peske pal o lavutara andre fameľija pal o dad the pal e daj, vakerel sar pes ov korkoro dochudľas kijo bašaviben, pal e peskri pedagogicko aktivita, the pal e leskri fameľijakri kapela. E kapela kerde o džene andal e Žigaskri fameľija Gelnicatar: o dad Július, e čhaj Bohdana, o čhavo Filip.
e kategorija: vakeriben
o tagi: leperiben biograficko monolog moderovano slovaťiko Július Žiga sakoneske interno
Vojtech Botoš
kerdo: 15. 12. 2023 08:58 opre kerdo: 15. 12. 2023 09:00
Andre kapela Manuša bašaven o profesijonalna lavutara. O projektos avel khatar e inicijativa savi kerďas e slovaťiko giľavňi Júlia Kozáková, bašaven o Ľubomír Gašpar pre cimbalma, o Viliam Didiáš pre lavuta, Vojtech „Bélu“ Botoš pre vijola, Ján Rigo pre bari bugova. Andro berš 2022, le pomožipnaha khatar o Fondos vaš o nacijakre minoritengri kultura SR u Bratislavsko samospravno regijonos kerde o albumos, savo pes vičinel Manuša. Pro albumos hine 10 giľa – o tradična romane giľa andro lengre aranžmana.
O dokumentačno the informačno centrum vaš e romaňi kultura chudľas andro berš 2022 te kerel e dokumentacija pal o romane cimbalova kapeli, nekbuter ola, save ľikeren e tradicija andre fameľija.
Vojtech Botoš bašavel pre viola, hino o profesijonalno lavutaris, bašavel andro Symfonicko orchestros andro Slovaťiko radijo. O profilovo vakeriben.
e kategorija: vakeriben
o tagi: leperiben biograficko monolog moderovano slovaťiko Vojtech Botoš interno sakoneske
Milan Mižič
kerdo: 08. 12. 2023 07:31 opre kerdo: 08. 12. 2023 07:32
Ing. Milan Mižič hino o mašinakro inžinieris, uľiľas andro gav Bijacovce. Peskro talentos diňas andre aktiviti, prekal save ačhaďas bari privatno firma, maškar o jekhto ke amende pal o berš 1989. Leskre biznis aktiviti sas hoj ačhavelas o loďi u mašini vaš o loďi. Kana agorinenas o eňavardešte berš andro 20. šelberšipen, leskri firma sas imar trito nekbareder firma, savi delas buťi andro Košice. Pal oda uštaďas andro politicko dživipen, buter berša sas o šerutno andre Romaňi themutnengri inicijativa, ole beršende e nekzoraleder politicko sera. O vakeriben hino pal o leskro dživipen čhavoripnastar dži akana. Vaš e dokumentacija u aver keriben diňas o video le vakeribnaha e Art Society, s.r.o. bilovengro.
e kategorija: vakeriben
o tagi: biograficko monolog moderovano slovaťiko Milan Mižič sakoneske eksterno
Gejza Adam
kerdo: 05. 12. 2023 13:43 opre kerdo: 05. 12. 2023 13:43
PaedDr. Gejza Adam, PhD. (uľiľas 1951, Michalovce) resľas o učo than andro romano emancipačno procesos andro purano Čechoslovaťiko u paľis andre Slovaťiko republika. Sar o kvalifikovano sikhavno vaš o 1. učipen pro zakladna školi (Pedagogicko fakulta, Univerzita P. J. Šafárika – absolventos) kerďas peskro kotor aktiviti vaš o sikhľuviben le romane čhavorengro imar jepaš ochtovarde beršende andro bišto šelberšipen. Maškar o berša 1989 – 1992 sas o dženo andro grupa Verejnosť proti násiliu (VPN), kaj sas vaš e platforma Rómska občianska iniciatíva (ROI). Le beršestar 1990 dži o berš 1992 sas o poslancos andro Federalno parlamentos Čechiko the Slovaťiko Federativno Republikakro (FZ ČSFR). Andro berš 1998 sas o dženo andre Koncilos vaš o rajipen vaš o sikhľuviben le nacijengro the etnicka grupengro andro SR, andro berša 2000 – 2004 sas o komisaris vaš o sikhľuviben le Romengro andre Maškarthemutňi romaňi unija (IRU). E politicko buťi ľidžalas angle sar o šerutno andre Strana rómskej koalície (E partija vaš e romaňi koalicija), dži o berš 2020.
O nekbareder doresipena andre leskri karijera hine e kooperacija andro procesos, prekal o savo chudle o Roma o štatutos sar e nacijengri minorita, oda, hoj kerďas buter privatna maškarutne školi (E Privatno maškarutňi pedagogicko u socijalno akademija, E Privatno maškarutňi džaňibnaskri škola) kaj pes sikhavel e romaňi čhib, kerďas o Detašovano kotor vaš e Uči škola vaš o sasťaripen u socijalno buťi sunto Alžbetakri andro Košice u sas odoj o šerutno.
e kategorija: vakeriben
o tagi: leperiben faktograficko monolog moderovano slovaťiko Gejza Adam sakoneske interno
Csaba Horváth
kerdo: 05. 12. 2023 09:09 opre kerdo: 27. 06. 2024 10:35
Csaba Horváth sa dostal do povedomia širšej rómskej, ako aj majoritnej verejnosti vďaka vedeniu platformy s názvom Opre Roma, ktorá ponúkala priestor pre sieťovanie samospráv, firiem a organizácií, prevažne z južných okresov Slovenskej republiky. Skúsenosti a zručnosti získané počas pôsobenia vo verejnej službe neskôr zužitkoval v aktivitách tretieho sektora. Csaba Horváth v rozhovore ozrejmuje jednotlivé aspekty svojho verejného života, čiastočne sa venuje aj detstvu, rodine a jej vplyvu na jeho súčasné pôsobenie.
e kategorija: vakeriben
o tagi: biograficko monolog moderovano slovaťiko Csaba Horváth sakoneske interno
Viktor Teru: E generacija
kerdo: 04. 12. 2023 15:06 opre kerdo: 05. 12. 2023 07:35
Viktor Teru uľiľlas andro Bare Kapušany. Sikhľiľas avri e socijalno buťi u kerelas buter profesiji. Le beršestar 2014 kerel buťi andre nadacija Romano sikhľuvibnaskro fondos, akana sar narodno facilitatoris. Hino maškar o manuša, save den goďi la prezidentkake Zuzanake Čaputovake. O pandžto kotor leskro vakeriben hino pal e nevi generacija le romaňi inteligencijakri, pal o mentoringos, tutoringos, pal o šajipena u šanci save hin le terne Romen te keren so kampel u kamen.
e kategorija: vakeriben
o tagi: biograficko monolog moderovano slovaťiko Viktor Teru sakoneske interno
