Bare vešenca - Žaneta Štipáková, Jozef Ferko
kerdo: 12. 03. 2020 15:38 opre kerdo: 27. 11. 2020 01:47
Žaneta Štipáková, e solistka andro teatros Romathan giľavel e giľi Bare vešenca pro kidipen paš o Leperibnaskro ďives pro romano holokaust, pre gitara bašavel Jozef Ferko, o hercos u giľavno andro teatros Romathan. O lava the o bašaviben kerďas e Žaneta Štipáková. E giľi hiňi e lokhi giľi, o lava vakeren pal o historikanes prindžarde atributa save pen den le Romenge - kamen le grasten, o phirdo dživipen, priroda. E video dokumentacija sas kerď 24.08.2016 andro Hanušovce opral e Topľa.
e kategorija: bašaviben
o tagi: vokalno-inštrumentalno moderno rom-pop duo originalno romanes Žaneta Štipáková Jozef Ferko savorenge interno
Gelem, gelem - Žaneta Štipáková, Jozef Ferko
kerdo: 12. 03. 2020 15:31 opre kerdo: 27. 11. 2020 01:47
E video dokumentacija kadi konkretno verzija romaňi himna Gelelm gelem sas kerďi 24.08.2016 andro Hanušovce opral e Topľa, kana sas o phundrado kidipen paš o Leperibnaskro ďives pro romano holokaust. Giľavel e Žaneta Štipáková, e solistka andro teatros Romathan andro Košice, pre gitara bašavel Jozef Ferko, o dženo andro teatros Romathan.
Andro berš 1971 andro Orpington paš o Londyn andre Bari Britanija pro Jekhto lumakro romano kongresos sas kadi giľi akceptimen sar e oficijalno himna vaš o romano nipos. Kerďi sas prekal o motivi andal e puraňi balkansko kamibnaskri giľi, o lava hine pal o droma savenca gele o Roma u so tirinde andro Dujto lumakro mariben.
O lava irinďas u o bašavibnaskro aranžmanos kerďas o kompozeris Žarko Jovanovič, savo uľiľas andre Jugoslavija, andro berš 1949.
e kategorija: bašaviben
o tagi: vokalno-inštrumentalno moderno rom-pop duo averestar romanes Žaneta Štipáková Jozef Ferko savorenge interno
Aušvicate o kher baro
kerdo: 03. 05. 2018 16:16 opre kerdo: 27. 11. 2020 01:47
Aušvicate o kher baro: O lamentos pal o Holokaust (Porrajmos), kana le Romen murdarenas. O autora so kerde e muzika the o lava nane prindžarde, e tradicija hiňi te sikhavel e giľi maškar o generaciji le terne dženen. E phari giľi andre ile jekhtovar andro berš 1960. Giľavelas la e Ružena Danielova khatar o Mutěnice andre Juhomoravsko regijonos andre Čechiko republika, savi prekal džidžiľas o Holokaust (Porrajmos).
O informaciji khatar: www.ushmm.org/information/exhibitions/online-features/collections-highlights/music-of-the-holocaust-highlights-from-the-collection/music-of-the-holocaust/auschwitz
e kategorija: bašaviben
o tagi: vokalno folk solo original autoristar romanes Albína Duždová savorenge interno
Milan Makula - vakeriben
kerdo: 18. 12. 2017 14:32 opre kerdo: 27. 11. 2020 01:47
O vakeriben sas kerdo 15.11.2013. Milan Makula (1969-) hino o terenno socijalno buťarno andro gav Kendice andro okres Prešov. Uľiľas u bariľas andre gavutňi romaňi fameľija andro gav Haniska paš o Prešov, savi dživelas integrovano dživipen, na andre varesavi bari romaňi komunita. Vakerel pal e fammeľija, o dživipnaskre prijority, buťakro dživipen u the pal oda, save hine o čače moľipena maškar o Roma andro Kendice.
e kategorija: vakeriben
o tagi: leperiben biograficko monolog moderovano romanes Milan Makula savorenge interno
Ľudovít Petík - vakeriben
kerdo: 18. 12. 2017 14:27 opre kerdo: 27. 11. 2020 01:47
O vakeriben sas 23.11.2013. Ľudovít Petík (1952-) uľiľas andro gav Ražňany, okres Sabinov, andre bari, klasicko lavutarengri romaňi fameľija, maškar o gavutne lavutara. The te ov korkoro kadi tradicija na ľidžalas dureder, leskre čhave u lengre čhave la ande pale u šukares la ľikeren. Vakerel pal e fameľija, pal o khetaňiben the o romane komuniti, pal o khetaňibnaskre paruvipena u sar dopele pro Roma. Leperel the pre oda, so pes ačhelas andro dujto lumakro mariben, oda hin baro kotor andro leskro vakeriben. Ola fakti sikhľiľas leskre dadestar, savo sas direktno andro mariben pre Slovaťiko the andro Ňemciko.
e kategorija: vakeriben
o tagi: leperiben biograficko monolog moderovano romanes Ľudovít Petík savorenge interno
Rinaldo Oláh - vakeriben
kerdo: 18. 12. 2017 14:20 opre kerdo: 27. 11. 2020 01:47
E Apoštolsko khangeri pre Slovaťiko hiňi e protestantsko khangeri, špecifikanes phirel maškar o evanjelikalna, letnično charizmaticka khangera. Hiňi maškar o lumakre khangera Assemblies of God (AoG), save jekhetanes avere letňično the charizmaticko khangerenca del o kher ki o 750 milijoni manušenge. Andre Europa phirel maškar o Letňično Europakro Khetaňiben (PEF), kaj hin 3,5 milijoni džene. O pastoris Rinaldo Oláh andro vakerel, sar lestar ačhiľas o manuš, so čačes paťal u hino aktivno andre leskri misija. Leskri primarno buťi hin te kerel paš e khangeri andro gav Kendice andro okres Prešov. O vakeriben sas 17.11.2013 Sibiňiste.
e kategorija: vakeriben
o tagi: leperiben biograficko monolog moderovano romanes Rinaldo Oláh savorenge interno
Roman Goroľ - vakeriben
kerdo: 04. 12. 2017 21:42 opre kerdo: 27. 11. 2020 01:47
O vakeriben le Bc. Romanoha Goroľiha sas kerdo andro berš 2013 andro Prešov, kerďas les Ing. Igor Dužda. Bc. Roman Goroľ uľiľas andro gav Čaklov andro okresis Vranov nad Topľou, kaj the bešel u kerel buťi sar o sikhľuvibnaskro asistentos pre lokalno zakladno škola. O temi pal save hino o vakeriben hine leskre motivaciji vaš o personalno vazdipen, o fameľijakre relaciji u oda, hoj bares kamel te genel e literatura, sar the leskri daj u dad kamenas, pal oda, savi hiňi e romaňi komunita Čaklovoste, pal leskri buťi u so kerel. Bc. Goroľ hino aktivno lekhavno, savo pisinel e poezija. O vakeriben hino romanes, ulado hino andro buter kapitoli avka, save hine o nekh bareder temi pal save vakerel.
e kategorija: vakeriben
o tagi: leperiben biograficko monolog moderovano romanes Roman Goroľ savorenge interno
Zoltán Duda - vakeriben
kerdo: 04. 12. 2017 21:35 opre kerdo: 27. 11. 2020 01:47
O vakeriben sas kerdo andro berš 2013 andro Prešov, kerelas les Ing. Igor Dužda. Vakerel o raj Zoltan Duda, savo uľiľas andro berš 1940 andro Sabinov. Zoltán Duda, prekal o leskre aktualna berša, phirel maškar o manuša, save leperen pro purane berša. O vakeriben hino pal oda, so leperel u so predžidžiľas kana pes paruvela o khetaňiben pal o berš 1945, adaj e forma hin o leperibena leskre phurendar, la datar the le dadestar - so pes ačhelas andre romaňi komunita kana sas o Dujto lumakro mariben. O vakeriben pal o khetaňibnaskre paruvipena pal o berš 1989 hine personalna. Zoltán Duda adaj del o informaciji sar o dženo andal e romaňi komunita andro Sabinov no the sar but beršengro poslancos andro Foroskro parlaments, angomis o poslancos andro Lokalno narodno viboris. O vakeriben hino kerdo romanes, ulado hino andro buter kapitoli avka, pal savi tema pes vakerel.
e kategorija: vakeriben
o tagi: leperiben biograficko monolog moderovano romanes Zoltán Duda savorenge interno
Ladislav Duda - vakeriben
kerdo: 04. 12. 2017 21:27 opre kerdo: 27. 11. 2020 01:47
O vakeriben le Mgr. Ladislavoha Dudaha sas kerdo andro berš 2013, kerďas les o Ing. Igor Dužda. Mgr. Ladislav Duda uľiľas andro berš 1982 andro Sabinov. Jekhto kotor vakeriben hino nekh buter pal o temi, save hine pal o leskro personalno vazdipen, sikhľuviben, motivaciji u o relaciji direktno andre romaňi komunita. Aver kotora vakeriben hine pal e buťi savi kerel o Mgr. Duda andro foros pal o socijalna buťa, nekh buter leskri buťi sar o socijalno terenno buťarno. Andro paluno kotor o vakeriben hino buter pal e akanutňi situacija andre romaňi komunita andro Sabinov, o kulturno vazdipen u sar pen ľikeren o tradiciji, na bisterel aňi pro buchlo religijozno dživipen, savo hino andre komunita. O vakeriben hino kerdo romanes, hino ulado andro kapitoli avka, sar džan o temi pal save pes vakerel.
e kategorija: vakeriben
o tagi: leperiben biograficko monolog moderovano romanes Ladislav Duda savorenge interno
Monika Duždová - vakeriben
kerdo: 06. 11. 2017 17:53 opre kerdo: 27. 11. 2020 01:47
O vakeriben sas kerdo 18.11.2013 andro Prešov, kerďas les Ing. Igor Dužda. Vakerel Mgr. Monika Duždova, angleder Rakašová, uľiľas andro berš 1968 andro Šarišské Michaľani, okres Sabinov. Kana sas o vakeriben kerdo mekh kerelas sar sikhľardengri asistentka pre Zakladno škola andro Šarišské Michaľani, u phirelas pro magistersko učipen, e socijalno buťi pre Uči škola st. Alžbeta. O sikhľuviben agorinďas andro berš 2014. Septembrostar 2014 hiňi e sikhľardengri asistentka pro Hartsdown Academy andro foros Margate, andro grofiko regijonos Kent andre Bari Britanija. Bi e slovaťiko vakerel mekh romanes, angľicki the rusika. O vakeriben hino kerdo sar o leperibnaskro the faktograficko vakeriben pal peste, pal e fameľija, e lokalita, pal o sikhľuviben the buťi.
e kategorija: vakeriben
o tagi: leperiben biograficko monolog moderovano romanes Monika Duždová savorenge interno