Zlatica Rusová - Paňeskeri kirajka
kerdo: 20. 04. 2020 13:37 opre kerdo: 27. 11. 2020 01:47
E inšpiracija khatar e romaňi lekhavňi Zlatica Rusová sas kerďi e audijo dramatizacija Paňeskeri kirajka. E audijodramatizacija sikhavel o charakteristicka kotora save hine andre paramisi, hin la lačhe the nalačhe manuša, magickakeribena, u o lačhipen marel o nalačhipen. E paramisi hiňi vaš o terneder the phureder študenta. Kerďi hiňi androduj čhiba, slovaťika the romanes. O res savo kamelas te resel o ŠVK PO_DICRK andro berš 2017 sas te anel eliteratura ki o resoskre manuša na sar o lekhaviben, aľe sar o verbalno keriben. Oda resľam prekal o audijodramatizaciji. O scenaris kerďas o Bc. Roman Goroľ, pedagogos u lekhavno. O roli khelde o romane študenta pal omaškarutne u uče školi.
e kategorija: drama
o tagi: teatros drama laveha audio adaptacia slovaťika čhavore the terne interno
Helena Červeňakovo - o leperibnaskro vakeriben
kerdo: 22. 02. 2019 14:41 opre kerdo: 27. 11. 2020 01:47
O vakeriben sas kerdo andro septembros 2013 andro gav Roštar andro okres Rožňava. Vakerel e Helena Červeňakovo. Uľiľas sar Lalikovo, andro berš 1963 andro foros Moravská Třebová. Paľis lakri fameľija avľas pale pre Slovaťiko, andro gav kaj uľiľas. H. Červeňáková sas maškar o šerutne manuša save vazdenas e romaňi kultura, o themutnengre the jekhetane aktiviti pro Gemer. Lakre literarna lekhavibena hine pisimen romanes, konkretno, jekh but unikatno dijalektoha, saveha pes vakerel ča paš e Rožňava. O vakeriben hino lakro leperiben pro peskro dživipen, pal oda, so pes ačhelas andre romaňi komunita pro Gemer the andro aver thana. O vakeriben hino andre slovaťiko čhib.
e kategorija: vakeriben
o tagi: leperiben biograficko monolog moderovano slovaťika Helena Červeňáková savorenge interno
Kvetoslava Berkyovo - o leperibnaskro vakeriben
kerdo: 28. 01. 2019 09:53 opre kerdo: 27. 11. 2020 01:47
O vakeriben sas kerdo 31.7.2014. E Kvetoslava Berkyovo buter sar tranda berša kerel buťi la romaňa komunitaha andro Rudňany. Odoj uľiľas u dži akana odoj bešel. Sar e buťarňi andro terenos the e aktivistka, kerel buťi le čhavorenca the le ternenca andro komunitno centrum, kaj lenca prikerel o teatro, o bašaviben the o kheľiben. Varekana lekhavelas the e poezija.
e kategorija: vakeriben
o tagi: leperiben biograficko monolog moderovano slovaťika Kvetoslava Berkyová savorenge interno
Karol Bari - o leperibnaskro vakeriben
kerdo: 04. 01. 2019 15:42 opre kerdo: 27. 11. 2020 01:47
Karol Bari vakerelas andro septemberos 2013 andro gav Cakov, okresis Rimavsko Sobota. Karol Bari uľiľas andro berš 1941 andro kada gav, kaj predžidžiľas peskro savoro dživipen. Hino andal e bari fameľija, kaj sas šov phrala. Ov jekh lendar savoro dživipen kerel o sevľa. Andro vakeriben phenel pal oda, sar sikhľiľas te kerel o sevľa, save tradična procesi sas, kana pen kerenas. O vakeriben hino andre slovaťiko čhib a del o informaciji pal o dživipen le manušeskro, savo kerel e tradično romaňi buťi.
e kategorija: vastengre buťa
o tagi: džide tradična buťakre naturalna košikárstvo slovaťika Karol Bari savorenge interno
Adrian Balog - o bašavibnaskro sikhavno vakerel
kerdo: 04. 01. 2019 15:15 opre kerdo: 27. 11. 2020 01:47
A. Balog sas, kana sas kerdo o vakeriben, o tranda beršengro avri sikhado sikhavno vaš o bašaviben. Uľiľas andro Košice, bešel andro foros Fiľakovo, savo mekh angle e kriza andro berš 2008 sas o foros, kaj sas bari koncentracija Roma andal o savoro Slovaťiko. A. Balog hino a prindžardo sikhavno pre lokalno Zakladno umelecko škola. Bi oda sikhľol o operno giľavipen pro Sukromno dramaticko the bašavibnaskro konzervatorijum andre Hnušťa. Vakerel pal e peskri kapela, the pal o fameľijakre tradiciji - o papus Zoltán Balog the leskri cimbalovo kapela bašavelas andro Gemer the Malohont. Adrian Balog peskre vakeribnaha buchľarel o džaňiben pal e regijonalno kultura andro Gemer, Malohont the Novohrad.
e kategorija: vakeriben
o tagi: leperiben faktograficko monolog moderovano slovaťika Adrián Balog savorenge interno
Gizela Bikarova - o leperibnaskro vakeriben
kerdo: 11. 12. 2018 10:40 opre kerdo: 27. 11. 2020 01:47
O vakeriben, e Gizela Bikarovo vakerelas a e dokumentacija sas kerďi andro julos 2014. E G. Bikarovo uľiľas andro berš 1930 andro gav Helcmanovce andro okresis Gelňica. Lakro vakeriben hino pal oda, sar leperel pro Dujto lumakro mariben a pal o mariben. O vakeriben hino andro dijalektos khatar o teluno Spiš.
e kategorija: vakeriben
o tagi: leperiben biograficko monolog moderovano slovaťika Gizela Bikárová savorenge interno
Miroslav Rác - Sal miro dživipen
kerdo: 19. 07. 2018 10:56 opre kerdo: 27. 11. 2020 01:47
O Miroslav Rác hino o terno romano klaviristas, giľavel, hino raperis, korepetitoris, kerel e muzika. Leskro artistikano nav hino BG (bí dží). Leskro štilos hino gangster romano hip-hop. E giľi "Sal miro dživipen" hiňi leskri autorsko. Giľavel, bašavel - Miroslav Rác. O audijonahravka kerďas o Rastislav Dobrovolný - THEREMIN WÜNDERBAR RECORDS, Horná Seč.
e kategorija: bašaviben
o tagi: vokalno-inštrumentalno moderno rom-pop solo original autoristar slovaťika Miroslav Rác savorenge interno
Ján Oláh
kerdo: 10. 05. 2018 15:50 opre kerdo: 27. 11. 2020 01:47
O leperibnaskro vakeriben, so vakerďas o Ján Oláh pal o Romengro dživipen angle the pal e revolucija andro berš 1989, pal e fameľija the o fameľijakre moľipena le Romengre, the pal e buťi u diskriminacija, savaha pes arakhel andro sakoďivesutno dživipen. O Vakeriben sas kerdo pro 24.8.2013 andro Klenovec, okresis Rimavsko Sobota.
e kategorija: vakeriben
o tagi: leperiben biograficko monolog moderovano slovaťika Ján Oláh savorenge interno
