Marilyn Monroe
kerdo: 21. 05. 2015 10:11 opre kerdo: 27. 11. 2020 01:47
O čitro – Marilyn Monroe khatar o romano artisto Jozef Fečo sas pre ekshibicija Romane čercheňa, savi kerďa e Themutnengri asocijacija Nová cesta (Nevo drom), Michalovce the o Zemplinsko edukativno centrum, Michalovce andro marcos 2014. O čitro hino pro zoralo ľil, baro – A2, e technika: angaroro, o berš kana sas kerdo: 2013.
Marilyn Monroe, originalno naveha Norma Jeane Mortenson (* 1. junos 1926, Los Angeles, Kalifornia, USA – † 5. augustos 1962, Los Angeles) sas e americko filmovo herečka, the modelka.
e kategorija: čitratuňipen
E Romaňi paleta
kerdo: 20. 05. 2015 13:44 opre kerdo: 27. 11. 2020 01:47
E Romaňi paleta hiňi pro sasto Slovaťiko e čitrengri kompeticija vaš o romane čhavore pro elementarna školi, špecijalna elementarna školi u elementarna artistikane školi. E kompeticija sakovar kerel o Podtatransko edukativno centrum (POS), Sobotské námestie 1729/4, 058 01 Poprad. O resandre kompeticija hino te chudel u te vazdel o kreativno čitratuňipen andro romane čhavore, te del le romane čhavorenge aver šajipena so te kerel, te aven kreativna, jekhetane averenca. O čitra save chudle o moľipen hine andal o berš 2013. E tema andre kompeticija: CIRKUS. E evaluacija pre kompeticija sas 20.09.2013 andro kher POS andro Poprad. Andre kompeticija ile o kotor 93 školi andre 1. kategorija u 114 školi andre 2. kategorija andal o savoro Slovaťiko. Savore buťa so dikhľas e komisija sas 338 buťa andre 1. kategorija u 669 buťa andre 2. kategorija. E kompeticija pes phundravel sako berš le beršestar 1991.
e kategorija: čitratuňipen
O prezidentos
kerdo: 20. 05. 2015 13:17 opre kerdo: 27. 11. 2020 01:47
O čitro, portretos kaj hino o prezidentos SR Andrej Kiska, kerďas o čitratuno Jozef Fečo prekal o mangipen khatar e redakcija Romano nevo ľil sar e ilustracija ki o artiklos pal o alosaripen vaš o prezidentos SR. O čitro sas kerdo khatar e fotografija pre savi sas o Andrej Kiska. o čitro hino pro sadrokartonos, baripen . 35 cm (u)x 71cm (b), čitroskri technika: maľimen, o berš kana sas kerdo: 2014
e kategorija: čitratuňipen
Róbert Rigó - Leskri charťikaňi buťi
kerdo: 18. 05. 2015 14:11 opre kerdo: 27. 11. 2020 01:47
E inštalacija savi sikavel e charťikaňi buťi, e ekshibicija kerďi vaš o Lumakro Romengro Ďives, kerďas o Urados Zorardo manuš kharar o rajipen SR vaš o romane komuniti. O than: o historikano kher Narodno Rada SR andre Bratislava.
e kategorija: vakeriben
Alexander Berki - Oceán, Opus g.25, etuda g. 12 c moll (Fryderyk Chopin)
kerdo: 18. 05. 2015 12:40 opre kerdo: 27. 11. 2020 01:47
O interpretos Alexander Berki, o študentos andro 3. berš pro Privatno bašavibnaskro the dramatikano konzervatorijum andre Hnušťa, bašavel pre zongora o bašavibnaskro kotor khatar o Fryderyk Chopin: Oceán, Opus g.25, etuda g. 12 c moll.
e kategorija: bašaviben
o tagi: Alexander Berki
Bohémiens - Czardas (Vittorio Monti)
kerdo: 18. 05. 2015 12:24 opre kerdo: 27. 11. 2020 01:47
O kotor bašaviben khatar o Vittorio Monti - Čardašis, savi bašavel e romaňi banda Bohémiens, sas kerďi pro video kana e banda bašavelas pro koncertos andro Grand hotel Bellevue andro Horný Smokovec, 19.4.2014, u kaj bašade: 1. lavuta - Barbora Botošová, bari bugova - Tomáš Gašpierik, gitara - Roman Horváth, cimbalma - Vladimír Homola, 2. lavuta - Marek Konček
e kategorija: bašaviben
o tagi: Barbora Botošová Tomáš Gašpierik
Miroslav Rác - Na dara
kerdo: 15. 05. 2015 10:38 opre kerdo: 27. 11. 2020 01:47
E giľi hiňi andro subžanros romano hip-hop. E muzika kerďas o Miroslav Rác. O lava kerde jekhetanes e Jarmila Vaňova the o Miroslav Rác. O videoklipos kerďas e režija, e kamera the o čhiňiben o Vojtech Sloboda. E giľi sas kerďi andro berš 2010 sar jekh kotor andre motivacija hoj o Roma te phenen phundrades pal e peskri romaňi nacijonalita andro cenzus andre Slovaťiko republika. O čitro, o hangos the o lava hine kerde prekal o oficijalno videoklipos. O džide verziji šaj te aven aver - andro bašaviben, technikanes vaj andro lava avka, savi hiňi e autoreskri licencija.
e kategorija: bašaviben
Miroslav Rác - Khonik naj Devla kada sar Tu
kerdo: 15. 05. 2015 10:16 opre kerdo: 27. 11. 2020 01:47
E giľi hiňi andal o repertoaris savo giľavel o giľado the o rašaj andre Romaňi khangeri andre London (London Gypsy Church, United Kingdom: www.lgcuk.com) o Ricardo Kwiek. O lava andre giľi len e inšpiracija andal o bilblicko žalmos. E interpretacija le giľakri kerel o Miroslav Rác. E čhib andre giľi hiňi romaňi, dijalektos Kalderaš.
e kategorija: bašaviben
o tagi: Miroslav Rác
Miroslav Rác - Sunto Del
kerdo: 14. 05. 2015 15:56 opre kerdo: 27. 11. 2020 01:47
E muzika the o lava andre giľi kerďas o Miroslav Rác. O videoklipos ki e giľi sas kerdo andre synagoga andro Levice u andre khangeri sunto Michal andro Levice. O videoklipos kerďas o Rastislav Dobrovolný - THEREMIN WÜNDERBAR RECORDS, Horná Seč. E giľi lel e inšpiracija andal o žalmi, o originalna lava hine andre slovaťiko the romaňi čhib.
e kategorija: bašaviben
o tagi: Miroslav Rác
Miroslav Rác - Sunto Del
kerdo: 13. 05. 2015 19:55 opre kerdo: 27. 11. 2020 01:47
Sunto Del - e originalno autorsko vokalno the inštrumentalno kompozicija /Miroslav Rác/, giľavel, klaviris - Miroslav Rác, e basgitara - Anton Bukai, o bubni - Miroslav Talpáš. E kompozicija sas kerďi e dokumentacija andro džezovo koncertos and Želiezovce. E džiďi verzija la giľakri lel aver lava sar andro oficijalno videoklipos. E khangerakri giľi, o mangipen ki o Del.
e kategorija: bašaviben
