Milan Oláh
kerdo: 03. 12. 2025 15:59 opre kerdo: 03. 12. 2025 16:00
Milan Oláh hino andal e lavutariko fameľija Klenovcistar. Bašavel pre kontrovo viola. Bašavel andre kapela Sendreiovci the andro fameľijakre kapeli andro Klenovec.
E fotografija sas kerďi andro berš 2024 pro kidipen E džiďi kňižka, paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Milan Oláh akademicko interno
Milan Deme
kerdo: 03. 12. 2025 14:45 opre kerdo: 03. 12. 2025 14:46
Milan Deme hino Klenovcistar, bašavel pre bari bugova. E fotografija sas kerďi, kana les sas 64 berša. Hino andal e lavutariko fameľija. Nane les o školi pro bašaviben, savoro sikhľiľas korkoro. Bašavel andre kapela Sendreiovci. Sar o lavutaris kerďas peskro kotor vaš o filmovo bašaviben andro filmos Sherlock Holmes 2.
E fotografija sas kerďi andro berš 2024 pro kidipen E džiďi kňižka, paš o Lumakro romanno ďives.
e kategorija: čitratuňipen
o tagi: sekularno digitalno esteticko in persona fotografija Milan Deme akademicko interno
Dávid Oláh
kerdo: 03. 12. 2025 14:29 opre kerdo: 03. 12. 2025 14:29
Dávid Oláh hino andal o gav Klenovec. Uľiľas andre lavutarengri fameľija. Avri phirďas o Konzervatorium Petroskro Dvorskýskro andro Košice. Bašavel pre lavuta. Bašavel andre kapela Sendreiovci, the andro fameľijakre kapeli andro Klenovec. Leskri buťi hiňi andro Armadno orchestros Bansko Bystricate - andre cimbalovo kapela Jánošík.
E fotografija sas kerďi andro berš 2024 pro kidipen E džiďi kňižka, paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Dávid Oláh akademicko interno
Dalibor Cibuľa
kerdo: 03. 12. 2025 14:19 opre kerdo: 03. 12. 2025 14:20
Dalibor Cibuľa hino andal o gav Klenovec. Uľiľas andre lavutariko fameľija. Agorinďas o Konzervatorijum Jánoskro Levoslavovsko Belloskro Bansko Bystricate, o študijum ľidžal angle andre Akademija vaš o artikaňibena Bansko Bystricate. Bašavel pre cimbalma. Bašavel andre kapela Sendreiovci, the andro aver fameľijakre kapeli Klenovcate.
E fotografija sas kerďi andro berš 2024 pro kidipen E džiďi kňižka, kerďi paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Dalibor Cibuľa akademicko interno
Jana Sendreiová
kerdo: 03. 12. 2025 11:22 opre kerdo: 03. 12. 2025 11:22
Andro berš 2005 giľaďas e Janka Sendreiová la kapelaha Anyalai Gipsy Band the aver solistenca andro Carnegie Hall, Manhattan andro New York. O koncertos resľas baro pozitivno dikhipen. O kompozeris savo kerel e filmovo muzika Hans Zimmer sar o kotor bašaviben andro filmos Sherlock Holmes 2: O khelade učhaľina, o režiseris sas Guy Ritchie, iľas duj romane bandi andal o Slovaťiko: jekh sas o Sendreiovci andal e Kokava nad Rimavica, e dujto sas o Romane barona Gelnicatar. E Janka Sendreiovo le romeha Vladoha Sendreioha keren e kapela Sendreiovci.
E fotografija sas kerďi andro berš 2024 pro kidipen E džiďi kňižka paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Jana Sendreiová akademicko interno
Sofiya Zahova
kerdo: 03. 12. 2025 11:14 opre kerdo: 03. 12. 2025 11:15
Sofiya Zahova hiňi e šerutňi andro Vigdís Maškarthemutno centrum vaš o multičhibakeriben the maškarkulturno achaľuviben pre Islandsko univerzita. O centrum kerel buťi tel o UNESCO u hino e paši organizacija ki o Vigdís Finnbogadóttir Inštitutos vaš o aver čhiba pre Islandsko univerzita. E Sofiya Zahova primarno kerel o rodipen pal e romaňi literatura andre Europa, hiňi e džeňi andre Bulgariko džaňibnaskri akademija. Akana bešel vaš o Islandos andre Šerutňi komisija vaš e Maškarthemutňi dekada vaš o purane čhiba 2022-2032.
e kategorija: čitratuňipen
o tagi: sekularno digitalno esteticko in persona fotografija Sofiya Zahova akademicko interno
Monika Rigó
kerdo: 03. 12. 2025 11:05 opre kerdo: 03. 12. 2025 11:06
Monika Rigó (o originalno nav Monika Šipošová), e giľavňi andal o Šamorín, hiňi andal e lavutariko fameľija, imar sar cikňi čhajori chudľas te giľavel. Jekhto giľavelas andre khangeri andro zboros, paľis the o moderna no the o klasicka giľa. Lakro dživipnaskro baro momentos sas, kana arkhľas, so giľavel e Margit Bangó, savi sas laki inšpiracija vaš o romane giľa. O nekbareder doresipen andre lakri karijera sas o koncertos le Šeldženengro romano orchestros andre Budapešť. Andro berš 2007 lake e Margit Bangó diňas e koruna sar la thagarňake vaš o romane giľa. E fotografija sas kerďi sar e dokumentacija pre na phundraďi nahravka andro berš 2023.
e kategorija: čitratuňipen
o tagi: sekularno digitalno esteticko in persona fotografija Monika Rigó akademicko interno
Milan Berky
kerdo: 14. 11. 2025 07:41 opre kerdo: 14. 11. 2025 07:41
Milan Berky (1961-) hino Lučencostar a bareder kotor dživipen kerelas buťi pro trastuno drom sar o vozmajstros. Ki e buter intenzivno artikaňi buťi pes dochudľas imar kana našaďas o buťaktro than, pal o 35 berša. Kada paruvipen andro dživipen leske diňas o than te buchľarel peskro kamiben kanastar sas cikno - o čitripen. Leskre čitra hine nekbuter o portreta, save kerel ekstremno detailenca the but realistikanes. Čitrinel nekbuter le angaroreha, saveha doresel o kontrastos the pherďaripen andro parne-kale buťa, save diťhon sar o fotografiji. Maškar leskre buťa phiren o portreta kaj hine o prindžarde manuša, no the o portreta le sako ďivesutne manušengre, kaj hine o Roma the o Romňa andal o kulturno the khetaňibnaskro the športovo dživipen. Milan Berky chudľas o rešpektos na ča pre Slovaťiko, no the avri, the te les nane o formalno artikano sikhľuviben. Chudľas buter moľipena, maškar lende o jekhto than andre kategorija portreta pro maškarthemutno baro marketos vaš o čitratune artikaňibena andro České Budějovice (2017) the o moľipen Inspirace vaš oda, so anďas andre kultura (2022). Leskro čitro - o portretos kaj hino o štatňikos andal o Irak - thode andro berš 2023 pre poštovo znamka andro Irak.
e kategorija: čitratuňipen
o tagi: sekularno digitalno esteticko in persona fotografija Milan Berky akademicko interno
Petra Kurutzová
kerdo: 14. 11. 2025 07:29 opre kerdo: 14. 11. 2025 07:30
Luník IX - o leperibena le podtitulenca Geto? O nekšukareder sidliskos? Vakeras pal e unikatno kolekcija 12 vakeribena le 15 dženenca, save penge leperen u pro jekhto dikhiben len nane ňič jekhetanes. But lendar pen ňikana aňi na arakhle. Ča jekh hin maškar lende sakoneskro: bešen vaj bešenas pro nekbuter prindžardo slovaťiko sidliskos Luník IX. Pal e publikacija vakerelas e autorka Klára Kohoutová the e džeňi, savi avri kidľas o ilustraciji, e Petra Kurutzová, e diskusia ľidžalas Erika Godlová. E fotografija sas kerďi 8.9.2023 andro café Libresso andro foros Prešov.
e kategorija: čitratuňipen
o tagi: sekularno digitalno esteticko in persona fotografija Petra Kurutzová savorenge interno
Klara Kohoutová
kerdo: 14. 11. 2025 07:20 opre kerdo: 14. 11. 2025 07:22
Luník IX - o leperibena le podtitulenca Geto? O nekšukareder sidliskos? Vakeras pal e unikatno kolekcija 12 vakeribena le 15 dženenca, save penge leperen u pro jekhto dikhiben len nane ňič jekhetanes. But lendar pen ňikana aňi na arakhle. Ča jekh hin maškar lende sakoneskro: bešen vaj bešenas pro nekbuter prindžardo slovaťiko sidliskos Luník IX. Pal e publikacija vakerelas e autorka Klara Kohoutová the e džeňi, savi avri kidľas o ilustraciji, e Petra Kurutzová, e diskusia ľidžalas Erika Godlová. E fotografija kerďi 8.9.2023 andro café Libresso andro foros Prešov.
e kategorija: čitratuňipen
o tagi: sekularno digitalno esteticko in persona fotografija Klara Kohoutová savorenge interno
