Kvetoslava Podhradská
kerdo: 26. 06. 2025 11:45 opre kerdo: 26. 06. 2025 11:45
Kvetoslava Podhradská uľiľas Ostrovaňate paš o Sibiňis. Sar 7 beršengri geľas la fameľijaha te bešel andre Ostrava-Poruba. Te pisinel chudľas kana phirelas pre maškarutňi škola. Phirel andro Klubos vaš o romane autora Paramisara, tel e organizacija Slovo 21. Pisinďas buter charne lekhavipena, pal o historicko prindžaripen andre preskri fameľija the lakre leperibena pro čhavorikaňipen. Andro berš 2022 lake avri avľas e kňižka vaš o čhavore tel o nav Povídání u povidel/O vakeriben paš o lekvaris , savi chudľas imar buter moľipena. Andro leperibnaskro vakeriben leperel pro peskre čhavorikane berša pre Slovaťiko the pro dživipen andre Čechiko republika. Vakerel the pal e romaňi čhib, pal o romipen, the sar chudľas te pisinel, pal peskri literarno buťi. E fotografija sas kerďi prekal o vakeriben the video dokumentacija, 6.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Kvetoslava Podhradská savorenge interno
Richard "Ricco" Šarközi
kerdo: 26. 06. 2025 11:32 opre kerdo: 26. 06. 2025 11:33
Richard Šarközi – „Ricco“ hino o giľavno andal e lavutarengri fameľija, bešel andre Bratislava. Sikhľolas pro konzervatorijum Bratislavate o operno giľavipen. Andro berš 2009 pes leske ačhiľas e automobilovo havarija, olestar ačhiľas pro invalidno skamind. Sar o giľavno pes dochudľas pro anglune thana andro giľavipnaskre suťaži jekhetanes le Klaudiaha Farkašovaha pre Slovaťiko (2014) the andro Ungriko (2017). Sas o laureatos andre giľavipnaskri suťaž Kantilena, save pes kerelas te del paťiv le giľavneske Karoloske Duchoňoske. Andro videos vakerel pal e peskri lavutarengri fameľija, sar pes ľikerel ki o bašaviben, pal oda, so anel u sar vazdel e nacijakri kultura. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Richard "Ricco" Šarközi savorenge interno
Sendreiovci Gypsy Band - Roma aven
kerdo: 25. 06. 2025 12:22 opre kerdo: 25. 06. 2025 12:23
E kapela Sendreiovci Gypsy Band kerde o Vladimír Sendrei peskra romňaha Jana Sendreiovaha. E kapela kerde andro berš 2001 andro gav Kokava nad Rimavicou, o purano nav sas Kokavakere lavutara. Lengro bašaviben šunďas o Hans Zimmer, o prindžardo kompozeris savo kerel e filmovo muzika. Avka lengro bašaviben chudľas o than andro soundtrack ki o filmos Sherlock Holmes: O učhaľina khelen. E kapela bašavel the sar o soundtrack andro čechiko filmos Roming.
E Jana Sendreiovo doresľas baro personalno doresipen, kana andro berš 2005 jekhetanes avere solistenca giľaďas pro koncertos andro New York andre Carnegie Hall, bašavelas e romaňi kapela Anyalai Gypsy Band.
E gilľi Roma aven bašade u giľade 9.4.2024 prekal o kidipen andal o ciklos Džide kňižki, savo sas kerdo paš o Lumakro romano ďives andro RTVS, Baro študijos andro Slovaťiko radijo, Košice.
e kategorija: vakeriben
o tagi: vokalno-inštrumentalno moderno folklorno orchestra averestar romanes Sendreiovci Gypsy Band sakoneske interno
Jozef Ferko
kerdo: 24. 06. 2025 10:17 opre kerdo: 24. 06. 2025 10:17
Jozef Ferko avri phirďas e Maškarutňi artikaňi škola Kašate. Andro teatro Romathan hino le beršestar 1993 sar o aktoris the lavutaris. Bašavel buter kapelenca the artikane dženenca, kerel the peskre projekta. E fotografija sas kerďi 15.11.2023 prekal e dokumentacija pal e bašavibnaskri produkcija so kerel e Žaneta Štipáková la kapelaha, andre M Aréna andro Prešov.
e kategorija: čitratuňipen
o tagi: sekularno digitalno esteticko in persona fotografija Jozef Ferko savorenge interno
Miloš Rác
kerdo: 24. 06. 2025 10:01 opre kerdo: 24. 06. 2025 10:01
Miloš Rác hino o čitratuno the socharis. Nekbuter kerel o abstraktna čitre, pherdo farbenca, the o cikne dži o maškarutnes bare štilizovana plastiki. Vaš o berš 2015 chudľas o moľipen Roma Spirit andre kategorija Kultura, andro berš 2023 kerďas e plastika savi sar o moľipen del le laureatenge e inicijativa Roma Spirit. E fotografija sas kerďi prekal e video dokumentacija 21.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Miloš Rác akademicko interno
Rastislav Zubaj
kerdo: 23. 06. 2025 12:15 opre kerdo: 23. 06. 2025 12:15
Rastislav Zubaj kerel buťi andro Zorarde manušeskro kher rajipnastar SR vaš o romane komuniti sar o regijonalno koordinatoris andro nacijonalno projektos E terenno socijalno buťi the e terenno buťi andro gava kaj hine o marginalizovana romane komuniti. Andre leskri buťi dikhel nakbuter pro strategicka plani, le projektengri the politikengri implementacija, save kamen te lačharel o socijalna the ekonomicka situaciji vaš o Roma pre Slovaťiko. Leskri buťi hin te kerel e koordinacija maškar o inicijativi the programi save hine pal o sikhľuviben, buťariben, bešiben the sasťaripen andro romane komuniti. Leskro angažmanos hino andro vazdipen te realizacija ole uštarengri, save den phiko vaš o sajekh šajipena the o mariben angle diskriminacija. Aktivno kerel peskro vaš e inkluzija the integracija romane komunitengri andro khetaňiben.
E fotografija sas kerďi prekal e video dokumentacija 21.9.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Rastislav Zubaj savorenge interno
Vojtech Bunda
kerdo: 23. 06. 2025 12:13 opre kerdo: 23. 06. 2025 12:14
Vojtech Bunda hino andal e lavutarengri fameľija Kašatar. Pre bari bugova bašavel čhavorestar. Bašavelas andro buter folklorna ansambli (sar o Železiar) pre Slovaťiko the avri, andro teatro Romathan bašavel kanastar sas kerdo. Bašavel the andre kapela Kaschauer Klezmer Band. E fotografija sas kerďi 15.11.2023 prekal e video dokumentacija pal e bašavibnaskri produkcija khatar e cimbalovo kapela.
e kategorija: čitratuňipen
o tagi: sekularno digitalno esteticko in persona fotografija Vojtech Bunda savorenge interno
Arnold Sási
kerdo: 23. 06. 2025 12:12 opre kerdo: 23. 06. 2025 12:13
Arnold Sási phirďas pre Maškarutňi artikaňi škola Kašate, o bašaviben pre lavuta. Akana bašavel andro orchestros andro teatro Romathan, sajekh the andre fameľijakri kapela, savi ľidžal leskro dad o Alexander Sási, andre swingovo kapela Žaneta Štipákovakri the andre aver grupi. E fotografija sas kerďi 15.11.2023 andre M Aréna andro Prešov.
e kategorija: čitratuňipen
o tagi: sekularno digitalno esteticko in persona fotografija Arnold Sási savorenge interno
Sendreiovci Gypsy Band - A me ajsi rakľori
kerdo: 23. 06. 2025 08:32 opre kerdo: 23. 06. 2025 08:34
E kapela Sendreiovci Gypsy Band kerde o Vladimír Sendrei peskra romňaha Jana Sendreiovaha. E kapela kerde andro berš 2001 andro gav Kokava nad Rimavicou, o purano nav sas Kokavakere lavutara. Lengro bašaviben šunďas o Hans Zimmer, o prindžardo kompozeris savo kerel e filmovo muzika. Avka lengro bašaviben chudľas o than andro soundtrack ki o filmos Sherlock Holmes: O učhaľina khelen. E kapela bašavel the sar o soundtrack andro čechiko filmos Roming.
E Jana Sendreiovo doresľas baro personalno doresipen, kana andro berš 2005 jekhetanes avere solistenca giľaďas pro koncertos andro New York andre Carnegie Hall, bašavelas e romaňi kapela Anyalai Gypsy Band.
E gilľi A me ajsi rakľori bašade u giľade 9.4.2024 prekal o kidipen andal o ciklos Džide kňižki, savo sas kerdo paš o Lumakro romano ďives andro RTVS, Baro študijos andro Slovaťiko radijo, Košice.
e kategorija: bašaviben
o tagi: vokalno-inštrumentalno moderno folklorno orchestra averestar romanes Sendreiovci Gypsy Band sakoneske interno
Sendreiovci Gypsy Band - Hej, Romale
kerdo: 19. 06. 2025 11:08 opre kerdo: 19. 06. 2025 11:09
E kapela Sendreiovci Gypsy Band kerde o Vladimír Sendrei peskra romňaha Jana Sendreiovaha. E kapela kerde andro berš 2001 andro gav Kokava nad Rimavicou, o purano nav sas Kokavakere lavutara. Lengro bašaviben šunďas o Hans Zimmer, o prindžardo kompozeris savo kerel e filmovo muzika. Avka lengro bašaviben chudľas o than andro soundtrack ki o filmos Sherlock Holmes: O učhaľina khelen. E kapela bašavel the sar o soundtrack andro čechiko filmos Roming.
E Jana Sendreiovo doresľas baro personalno doresipen, kana andro berš 2005 jekhetanes avere solistenca giľaďas pro koncertos andro New York andre Carnegie Hall, bašavelas e romaňi kapela Anyalai Gypsy Band.
E gilľi Hej, Romale bašade u giľade 9.4.2024 prekal o kidipen andal o ciklos Džide kňižki, savo sas kerdo paš o Lumakro romano ďives andro RTVS, Baro študijos andro Slovaťiko radijo, Košice.
e kategorija: bašaviben
o tagi: vokalno-inštrumentalno moderno folklorno orchestra averestar romanes Sendreiovci Gypsy Band sakoneske interno
