Ján Jóny
kerdo: 08. 03. 2023 14:34 opre kerdo: 30. 10. 2023 10:20
Ján Jóny dživel u kerel buťi andro Michalovce. Ciknorestar les sikhavenas te bašavel pre lavuta, no leskro formalno sikhľuviben sas te bašavel pro trastune inštrumenti, jekhto pro Armadno konzervatorijum andre Roudnice nad Labem andre Čechiko republika, kaj sikhľolas te bašavel pre tuba, paľis pro Konzervatorijum Kašate. Buter berša bašavelas andro Armadno orchestros andro Slovaťika armadna zora. Pal oda chudľas paľis te bašavel pre lavuta, u bašavel buter folklorno ansamblenca. Le beršestar 2014 sikhavel pre Privatno zakladno artikaňi škola Jurošík Michalovcate u bašavel the sar o dženo andre Folklorno kapela Štefan Cínoskri.
e kategorija: čitratuňipen
o tagi: sekularno digitalno esteticko in persona fotografija Ján Jóny savorenge interno
Štefan Cína
kerdo: 08. 03. 2023 14:33 opre kerdo: 30. 10. 2023 10:25
Mgr. Et Mgr.art. Štefan Cína uľiľas andro gav Hnilec, andre lavutarengri fameľija. Sikhľolas te bašavel pro akordeonos pro Jozef Adamovič Konzervatorijum Kašate, paľis sikhľolas pro bakalarsko učipen pre Prešovsko univerzita andro Prešov, e špecijalizacija O sikhavno vaš o bašavibnaskro artikaňiben u technika. O magistersko titulos resľas pre Katolicko univerzita Ružomberkoste, andre špecijalizacija Bašavibnaskro artikaňiben u khangerakri muzika, paľis sikhľolas pro akordeonos pre Ternopiľsko nacijonalno univerzita Volodymyr Hniatuk pre Ukrajina. Akana sikhavel o bašaviben pre Privatno elementarno artikaňi škola andro Odorín.
Andro berš 2007 kerďas e Folklorno kapela Štefan Cínoskri, jekhetanes kerde o CD Ja chlapec chudobni/Me som čhavo čororo. La kapelaha kerde the kotor bašaviben andro slovaťiko filmos Loli paradička, sajekh pro CD vaš o folklorno ansamblos Orgonina u folklorno gurpa Jamničan. Jekhetane la kapelaha sas andro buter bare TV programi, andro berš 2017 andro Zem spieva/E phuv giľavel, andro berš 2018 o Československo má talent/O talentos andro Čechoslovaťiko.
e kategorija: čitratuňipen
o tagi: sekularno digitalno esteticko in persona fotografija Štefan Cína savorenge interno
Peter Pavlík
kerdo: 08. 03. 2023 14:32 opre kerdo: 30. 10. 2023 10:15
Mgr. Peter Pavlík, PhD. hino andal e Spišsko Nová Ves. O bašaviben sikhľolas pre Prešovsko univerzita Perješiste, kaj resľas o titulis Mgr. andre špecijalizacija O sikhavno vaš o bašavibnaskro artikaňiben u technika. O postgradualno študijum kerďas pre Univerzita Matej Beloskri andre Bansko Bystrica, e špecijalizacija pre angle školakri u elementarno pedagogika. Le beršestar 2021 leskri profesija hiňi o sikhavno pre Privatno zakladno artikaňi škola Quo Vadis andro Zvolen. Le beršestar 2014 bašavel andre Folklorno kapela Štefan Cínoskri, jekhetanes kerde o CD Ja chlapec chudobni/Me som čhavo čororo. La kapelaha kerde the kotor bašaviben andro slovaťiko filmos Loli paradička, sajekh pro CD vaš o folklorno ansamblos Orgonina u folklorno grupa Jamničan. Jekhetanes la kapelaha sas andro buter bare TV programi, andro berš 2017 andro Zem spieva/E phuv giľavel, andro berš 2018 o Československo má talent/O talentos andro Čechoslovaťiko.
e kategorija: čitratuňipen
o tagi: sekularno digitalno esteticko in persona fotografija Peter Pavlík savorenge interno
Jozef Červeňák
kerdo: 23. 02. 2023 13:12 opre kerdo: 16. 03. 2023 08:27
PhDr. Jozef Červeňák uľiľas andre Dobšiná andro okres Rožňava. Sas o absolventos andal e Fakulta vaš o socijalna džaňibena pre Univerzita Konštantín Filozofoskri andre Ňitra. Le beršestar 1993 kerelas buťi andro Komunitno centrum Romengro andre Rožňava, andro berša 1998 - 2004 kerelas buťi andre sikhľuvibnaskri u kulturno organizacija Roma Gemer. Paľis sas o šerutno andro Foroskro kotor Luník IX andro Košice (2006 - 2007) u o narodno koordinatoris andro narodna projekta kerde le lovendar andal e Europakri unija (Metodicko-pedagogicko centrum Prešov). Muľas andre pandemija koronavirus Covid-19, andro novembros 2021 andro gav Roštár, kaj hino the paruno. O vakeriben sas kerdo prekal o projektos Art Society s.r.o.: O Roma 30 berš pal o... savo chudľas e dotacija andal o Fondos vaš e minoritno kultura andro berš 2018.
e kategorija: vakeriben
o tagi: leperiben biograficko monolog moderovano slovaťiko Jozef Červeňák sakoneske interno
Alexander Daško a Vladimír Sendrei
kerdo: 15. 02. 2023 15:00 opre kerdo: 16. 03. 2023 08:29
Vladimír Sendrei, o giľavno u šerutno andre kapela Sendreiovci u Kokavakere lavutara. Hino o šerutno andre organizacija Lačho drom u šerutno vaš o bašavibnaskro festivalos Balval Fest.
Alexander Daško hino andal o Čierny Balog. O lavutaris, saves la kapelaha prindžaren na ča pre Slovaťiko. Sikhľolas pro konzervatorijum andre Žilina, paľis pre Pedagogciko fakulta pre Univerzita Matejoskri Beloskri. Andre Bansko Bystrica imar but berša kerel o festivalos Cigansky oheň (Romaňi jag) u ľidžal peskri bašavibnaskri škola.
E nekbareder tema andro vakeriben hin lengri buťi le lavutarenca andal o aver thema - Vladimír Sendrei u Hans Zimmer, savo iľas avri lengri kapela te bašavel andro filmos Sherlock Holmes 2: Učhaľinengro kheľiben.
Alexander daško vakerel pal o Goran Bregovič u lengro jekhetano koncertos andre Bansko Bystrica. Aver temi pro vakeriben sas o romano bašaviben pre Slovaťiko andro akanutne berša, o inšpiraciji vaj o plani vaš o avipen.
e kategorija: vakeriben
o tagi: leperiben biograficko dialog moderovano slovaťiko Alexander Daško Vladimír Sendrei Hans Zimmer Goran Bregovič sakoneske
Lenka Goroľová
kerdo: 15. 02. 2023 14:50 opre kerdo: 31. 03. 2023 13:52
Lenka Goroľová bešel andro gav Hlinné andro okresis Vranov nad Topľou. Pre zakladno škola phirelas andro gav Hlinné u andro pašo gav Soľ. O maškarutno sikhľuviben chudľas andro Vranov nad Topľou pre Themeskro gymnazium (akana o Cyril Daxneroskro Gymnazium). Agorinďas o študijum slovaťiko čhib the literatura andre kombinacija la filozofijaha pre Katolicko univerzita Ružomberkoste, o pedagogicko študijum. Pal oda chudľas te kerel e buťi sar e terenno socijalno buťarňi andro Hlinné, paľis sar e sikhavneskri asistentka pre Zakladno škola andro gav Soľ, paľis sikhavelas e slovaťiko the romaňi čhib pre Privatno maškarutňi pedagogicko u socijalno akademija andro Košice. Akana sikhavel e romaňi čhib pre Prešovsko univerzita andro Prešov, andro Inštitutos vaš o romane študiji.
E tema hin o vakeriben pal o lakro personalno, študijno u profesijonalno džvipen prekal o čhavorikane berša dži akana. O vakeriben sas kerdo 6.7.2021 andro študijno kher andre Themeskri džaňibnaskri kňižňica Perješiste.
e kategorija: vakeriben
o tagi: leperiben biograficko monolog moderovano slovaťiko romanes Lenka Goroľová sakoneske interno
Jaroslav Cicko - o skulpturi
kerdo: 01. 02. 2023 13:28 opre kerdo: 01. 02. 2023 13:29
E archivno fotografija khatar e organizacija Jekhetane-Spolu, savi sikhavel le romane skulptoris u rezbaris Jaroslav Cicko.
O fotografijakro autoris hino Jozef Ferenc, o fotografiji sas kerde andro gav Horná Štubňa, kaj o rezbaris u skulptoris bešelas. O fotografiji sikhaven leskre skulpturi, no the o momentos, kana pes arakhľas ov the e Daniela Hivešová-Šilanová. O datumos kana sas kerďi e fotografija nane pro filmos.
Jaroslav Cicko hino o prindžardo romano čitratuno, kerel the o plastiki, save kerel nekhbuter kaštestar, no the barestar.
Uľiľas 25.3.1939 andro Martin u muľas 18.11.2010 andre Horná Štubňa andro okres Turčianske Teplice.
Andre Fabrika vaš o phare mašini andro Martin kerelas buťi sar inštrumentaris, andro martinsko Štúdio vaš o naprofesijonalna čitratune kerelas peskre buťa kaštestar. Sas o lektoris pro simpoziji vaš o naprofesijonalna čitratune.
Andro berš 2000 sikhavelas peskre buťa u save buter dromenca len kerel andro Ňemciko, Čechiko, Španielsko, Francuziko u Talianiko.
Nekhbuter sas leskro motivos e džuvľi andro savore lakre formi.
e kategorija: čitratuňipen
o tagi: sekularno materialno digitalno esteticko in persona fotografija Jaroslav Cicko savorenge interno
Ján Šándor - khere
kerdo: 01. 02. 2023 13:12 opre kerdo: 01. 02. 2023 13:13
E archivno fotografija khatar e organizacija Jekhetane-Spolu, savi sikhavel le romane lekhavnes Ján Šándor andal e Prievidza.
O autoris la fotografijakro hino Jozef Ferenc, o fotografiji sas kerde andro kher, kaj o lekhavno bešelas, kana ke leste avľas e Daniela Hivešová-Šilanová, andro berš 1998. O datumos, kana sas kerďi e fotografija nane thodo pro filmos.
Uľiľas andro berš 1948 andro Brno (puraňi Čechoslovakia, akana Čechiko republika). Peskre 16 beršendar dži kana namuľas bešelas andre Prievidza. Savoro dživipen sas buťarno.
Leskre lekhavipena sas le beršestar 1979 andro magazina Železničiar, Bosorka, Smer dnes, Prieboj, Romano nevo ľil, Sam adaj, Romano džaniben. Leskro kňižno debutos sas o paramisa the o charne lekhavibena tel o nav Romano suno (2004). Andro berš 2008 e asocijacija Jekhetane-Spolu diňas avri e kňižka paramisenca savi pes vičinelas Kaľi ruža, slovaťika the romanes. Jekhetanes diňas avri 10 kňižki.
Sas o dženo andro Slovaťiko lekhavnengri asocijacija.
Andro berš 2017 leske In memoriam dine o moľipen Roma Spirit vaš o savoro dživipnaskro literarno keriben u vazdipen la romaňa kulturakro.
e kategorija: čitratuňipen
o tagi: sekularno digitalno esteticko in persona fotografija Ján Šándor savorenge interno
Ivan Berky Dušík
kerdo: 19. 01. 2023 11:51 opre kerdo: 08. 02. 2024 11:30
E fotografija andal o archivos OZ Jekhetane-Spolu, savi sikhavel le čitratunes u rezbaris Ivan Berky Dušík.
O than, o datumos u autoris la fotografijakro nane paš o analogovo filmos pisimen. Olestar so sikhaven o fotografiji pro filmos šaj phenas, hoj sas kerde andro berš 1998. O fotografiji sikhaven e buťi savi kerel o Ivan Berky Dušík andro leskro buťakro kher, kana čhinel e kaštuňi plastika.
Ivan Berky Dušík hino andal e Zvolensko Slatina, kaj bešel u kerel e buťi. Leskri artikaňi buťi hiňi pro gavutno kher andro leskro gav. Andro Romano nevo ľil buter berša delas peskre čitre.
Andro berš 2003 avri khelďas e kompeticija andro Muzeum vaš e romaňi kultura andro Brno, paľis kerďas o kaštune plastiki savenge diňas o nav Pieta (O pharipen), save hine o permanentno kotor andro muzeum andre ekspozicija pre tema holokaust. Leskri bari inšpiracija sas o prindžardo slovaťiko socharis Ján Kulich, savo uľiľas andre Zvolensko Slatina. Ivan Berky Dušík pes but interesinel pal e sakralno tema, no kerel the o kaštune plastiki pal o dživipen le Romengro.
e kategorija: čitratuňipen
o tagi: sekularno digitalno esteticko in persona fotografija Ivan Berky Dušík savorenge interno
Vincent Danihel
kerdo: 17. 01. 2023 14:43 opre kerdo: 08. 02. 2024 11:28
E archivno fotografija andal e organizacija Jekhetane-Spolu sikhavel le Vincent Danihel, savo ačhiľas prindžardo kana sas andre funkcija sar o zorardo manuš rajipnastar SR vaš o lačharipen le problemengro andre romaňi minorita, savi kerelas andro berša 1991 – 2000.
O than, o datumos u o autoris la fotografijakro paš o analogovo filmos nane pisimen. Prekal oda, so hino pro fotografiji pes šaj gondoľinel, hoj sas kerde andro berš 1998, vaš oda, hoj pro fotografiji hino the o jekhto romano šerutno andro foroskro kotor Luník IX andro Košice.
JUDr. Vincent Danihel uľiľas andro gav Kuklov andro okresis Malacky andre bareder romaňi fameľija. O pravňicko sikhaviben chudľas pre Pravňicko fakulta pre Komensko Univerzita Bratislavate. Andro berš 1990 sas o šerutno redaktoris andro jekhto romano magazinos andre puraňi Čechoslovakija savo pes vičinelas Lačho lav, paľis pes paruďas pro Amaro lav.
Andro berša 1990 – 1992 sas o poslancos andro Federalno kidipen Čechiko the Slovaťiko Federativno Republika (ČSFR), o kotor Manušengro kidipen. Sas o kandidatos vaš e politikaňi sera Komunisticko sera Slovaťiko (KSS), paľis vaš e Sera demokraticko bangi (SDĽ).
e kategorija: čitratuňipen
o tagi: sekularno digitalno esteticko in persona fotografija Vincent Danihel savorenge interno
