Věra Bílá
kerdo: 08. 07. 2021 09:51 opre kerdo: 08. 07. 2021 09:51
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
VĚRA BÍLÁ
Uľiľas 22. majoste 1954, Rokycany, Čechiko republika. Sas e giľavňi, bašavňi u aktorka. Sas andal e prindžarďi bašalďi fameľija Karoloskri Giňoskri. O unikatno hangos u špecificko vokalno prezentacija lake diňas o permanentno than pre bašavibnaskri scena khere the avri. Andro berš 1995 jekhetane le terne muzikantenca (Emil "Bišu" Miko, Emil "Pupa" Miko, Jan Dužda, Deziderius Lučka a Milan Kroka, paľis pro leskro than sas Marek Miko) kerde o bašavibnaskro fenomenos Věra Bílá a Kale. Kerde e definicija pal o žanros džando sar rom-pop: o sofistikovana vokalna harmoniji zorale disonancijenca andro romano folklor, pop u latino džez. Věra Bílá khelelas the andro duj filmi khatar o režiseris Dušan Hanák: Ružové sny/Lole sune (1976), Ja milujem, ty miluješ/Me kamav, tu kames (1980). Andro majos 1999 oj the o Kale bašavlas the giľavlas vaš o čechiko-americko publikum andro Washington, D.C. the andro New York, sar e nekhbareder giľavňi pro festivalos vaš e romaňi kultura andal o Čechiko. Buterval o bašavibnaskre kritika kerenas e komparacija maškar e Věra Bíla u americko kaľi diva Ella Fitzgerald. Muľas 12. marcoste 1954, Plzeň, Čechiko republika.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Věra Bílá savorenge interno
Johann Wilhelm Rukeli Trollmann
kerdo: 08. 07. 2021 09:41 opre kerdo: 08. 07. 2021 09:42
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
JOHANN WILHELM "RUKELI" TROLLMANN
Uľiľas 27. decembroste 1907 andro Wilsche andro Ňemciko. Leskro romano/sinto nav Rukkeli hin o kašt, vašoda, hoj sas učo u ľikerelas pes perfektno. Bariľas andro foros Hannover, jekhetanes les sas ochto phrala the pheňa. Sas o regijonalno šampijonos andro boks, paľis profesijonalno bokseris. Andro berš 1933 andalo bokserska klubi avri tradle savore športovo manušen save na sas arijska, the le Sinto Trollmann. Andro junos 1933 avri khelďas o ňemciko šampijonatos andro lokho pharipen, pal o ochto ďives leske ile o titulos. Phandle les andro buťakro taboris Hannover Ahlem, andro 1939 les ile andro Wehrmacht, sas pro vichodno frontos čhindo, u andro berš 1942 les phandle andro koncentračno taboris Neuengamme. Pal o bare maribena so chudelas les murdarde andro berš 1944 andro taboris andro Wittenberge.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Johann Wilhelm Rukeli Trollmann savorenge interno
Margita Reiznerová
kerdo: 08. 07. 2021 08:54 opre kerdo: 08. 07. 2021 08:54
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
MARGITA REIZNEROVÁ
Uľiľas 5. majoste 1945 andre Male Bukovce, e romaňi osada pre vichodno Slovaťiko, pal o mariben e fameľija geľas te bešel andre Praha. Andro 80. berša andro 20. šelberšipen lakri fameľija kerďas o ansamblos Perumov, kaj e Reiznerová sas e šerutňi u solo giľavňi. O ansamblos kerelas na ča folkloris, no the e drama. Andro 90. berša 20. šelberšipnaskre sas andro maškar le kulturno procesoskro, maškar o džene save kerde e Asocijacija vaš o romane lekhavne andre Čechoslovakija, u delas avri o romane perijodika, ľidžalas o publikačno kher Romaňi čhib. Andro jepaš 90. berša geľas andre emigracija andre Belgija vašoda, hoj sas sakovar buter rasovo mariben anglo Roma. Lakro lekhavipen sas nekhbuter e poezija u o autobijograficka, charne lekhavipena. Lakre buťa avenas avri andro buter romane magazinie, kolekciji the antologiji. Muľas 16. septembroste 2020 andro Lokeren andre Belgija.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Margita Reiznerová savorenge interno
Ján Berky Mrenica
kerdo: 08. 07. 2021 08:24 opre kerdo: 08. 07. 2021 08:42
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
JÁN BERKY MRENICA PHUREDER
Uľiľas 11. majoste 1939 Očovate. Sas andre luma prindžarde lavutaris, virtuozos, kompozeris, rodelas pal o slovaťiko the romano folklor. Phirelas pro Themeskro konzervatorijum Bratislavate kijo profesoris Albín Vrteľ. Andro Slovaťiko folklorno-artikno kolektivos (SĽUK) sas 19 beršendar, andro berš 1980 kana o Rinaldo Oláh geľas, ačhiľas o koncertmajstros. Pal o berš 1990 kerďas peskro orchestros (Violin Orchestra Bratislava, paľis Bengaľi lavuta). Pal e poražka andro berš 1997 sikhľiľas te pisinel la baľogaha. Pisinďas trin kňižki: Nane oda lavutaris, Lošales lavutaha pal e luma, Roman giľa u goďaver lava, the buter partituri. Vaš peskri buťi chudľas but moľipena, nekhbareder hine Bičhado Slovakijatar (1995), Pribinaskro trušul (1997), Slovak Gold (1997). O moľipen Somnakuno CD chudľas vaš o 5000 bikende kotora albumostar Primašoskro šuno (1999). Muľas 12. oktobriste 2008 Očovate.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Ján Berky Mrenica savorenge interno
Ján Cibuľa
kerdo: 08. 07. 2021 08:05 opre kerdo: 08. 07. 2021 08:05
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
JÁN CIBUĽA
Uľiľas 1.1.1932 Klenovciste. Andro berš 1957 agorinďas e Medicinsko fakulta pre Univerzita Komenskiskri Bratislavate. Sas doktoris pre Slovaťiko, andre puraňi Ňemciko demokraticko republika u le beršestar 1968 andro Bern andro Švajčiarsko. Andro berš 1971 sas jekh organizatorendar vaš o kongresos le Romengro andro foros Orpington andre Bari Britanija, kerde e Internacijonalno Romani Unija, le beršestar 1978 sas buter berš lakro prezidentos. Sas o šerutno andre delegacija romane reprezentantengri andro OSN, kaj o IRU chudľas o štatutos sar o dikhado. Andro 1985 chudľas o Kulturno moľipen le forostar Bern, sar o dujto avrutno andre foroskri historija, o jekhto sas Albert Einstein. Andro berš 2008 sas o kandidatos vaš o Nobelovo moľipen vaš o smirom, sajekh beršeste e Slovaťiko republikatar chudľas O moľipen vaš o manušipen. Sar e personalita hino andro Ľil pal e slovaťiko eksilovo kultura. Sas romano doktoris andal e Slovaťiko, aktivistas vaš o Roma, jekh nekhbuter prindžardo manuš andal romaňi emancipacia. Muľas 18. augustoste 2013 andro Bern, Švajčiarsko.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Ján Cibuľa savorenge interno
Dezider Banga
kerdo: 07. 07. 2021 11:13 opre kerdo: 07. 07. 2021 11:13
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
DEZIDER BANGA
Uľiľas 24.8.1939 andro gav Hradište, okresis Partizánske. Pre uči škola phirelas pre Univerzita Komenskiskri Bratislavate, pre Filozoficko fakulta, e špecijalizacija e slovaťiko čhib the e historija. Šov berš sikhavelas pro gimnazijum andro Trebišov, deš berš paľis sas o dramaturgos andre Literarno redakcija andre Slovaťiko televizija andro Košice. Le beršestar 1979 sas Bratislavate o redakoris andro čhoneskro ľil Nová cesta (Nevo drom), le beršestar 1986 dži o 1990 o šefredaktoris. Paľis, sar o šerutno andre themutnengri asocijacija Romani kultura sas o šefredaktoris andro čhoneskro ľil Roma u čhavorikano magazinos Luluďi. Andro berš 2009 chudľas e Medaila Ľudovitoskri Šturoskri, III. učipen vaš o bare doresipena andre kultura, špecijalno andre romaňi literatura.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Dezider Banga savorenge interno
Rinaldo Oláh
kerdo: 07. 07. 2021 11:00 opre kerdo: 07. 07. 2021 11:11
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
RINALDO OLÁH
Uľiľas 13. januariste 1929 andre Zvolensko Slaťina pre Slovaťiko. O talentimen virtuozis pre lavuta u kompozeris, vičinenas les slovaťiko Paganini. Andro berš 1949 sas maškar o džene, so kerde o Slovaťiko folklorno umelecko ansamblos (SĽUK), kaj prekal o 32 berša, dži o berš 1981 sas o koncertmajstros. Nasas les formalno bašavibnaskro sikhľuviben, bijo zakladno u nabut čhona pro štipendijum so chudľas pre konzervatorijum Prahate. Leskre aranžmana sas vareso, so angomis o slovaťiko folkloris naprindžarelas, sas pal lende bari diskusija. Kana bašavelas, leskri technika sas bijo doš, o tonos u o bašaviben but špecificko. Leskre kompoziciji dži akana ňiko avka lačhes nabašaďas, sar ov. Andro berš 2000 chudľas o moľipen le ministrostar vaš e kultura SR. O leperiben the paťiv leske den pro kompeticija maškar o primaša savi keren andre Zvolensko Slatina. Muľas 1. junoste 2006 Bratislavate.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Rinaldo Oláh savorenge interno
E fameľija
kerdo: 25. 06. 2021 08:39 opre kerdo: 25. 06. 2021 08:44
E čitrimen fameľija. O čitro kerďas o Patrik Bolvan pal e Zakladno škola andro Jarovnice, g. 192. O čitro hino pro zoralo ľil formatos A3, kerdo andro berš 2017. Pro čitro hine e daj, o dad, e čhaj the e mačka. Pro čitro hine dominantna o geometricka formi. Pre paluňi sera pro ľil hine o identifikačna informaciji pal e škola, pal o autoris u o čitroskro nav andre angľicko čhib.
E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
e kategorija: čitratuňipen
o tagi: sekularno materialno esteticko 2D artefakt čitro Patrik Bolvan savorenge interno
O asado graj
kerdo: 25. 06. 2021 08:23 opre kerdo: 25. 06. 2021 08:29
O čitro, o grajeskro šero. O čitro kerďas o Patrik Bolvan pal e Zakladno škola andro Jarovnice g. 192. O čitro hino pro zoralo ľil formatos A3, kerdo andro berš 2017. Pro čitro hino o grajeskro šero, savo asal. Pre paluňi sera pro ľil hine o identifikačna informaciji pal e škola, pal o autoris u o čitroskro nav andre angľicko čhib.
E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
e kategorija: čitratuňipen
o tagi: sekularno materialno esteticko 2D artefakt čitro Patrik Bolvan savorenge interno
E džuvľi khelel
kerdo: 24. 06. 2021 11:11 opre kerdo: 24. 06. 2021 11:12
E čitrimen džuvľi khelel. O čitro kerďas o Lukáš Husár pal e Zakladno škola Jarovnice, g. 192. O čitro hino pro zoralo ľil formatos A3, kerdo andro berš 2018. Pre paluňi sera pro ľil hine o identifikačna informacijenca pal e škola, pal o autoris u o čitroskro nav andre angľicko čhib.
E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
e kategorija: čitratuňipen
o tagi: sekularno materialno esteticko 2D artefakt čitro Lukáš Husár savorenge interno
