Žaneta Štipáková - Khonik naj Devla kada sar Tu
kerdo: 09. 07. 2021 09:01 opre kerdo: 09. 07. 2021 09:04
E Žaneta Štipáková, e khelaďi the e giľavňi andal o Teatro Romathan, giľavel e giľi Khonik naj Devla, kada, sar Tu, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Žaneta Štipáková - Khangeri
kerdo: 09. 07. 2021 08:24 opre kerdo: 09. 07. 2021 08:41
E Žaneta Štipáková, e khelaďi the e giľavňi andal o Teatro Romathan, giľavel e giľi Khangeri, savi iľas andal o repertoaris savo phirel le rašajeske andal e londinsko romaňi khangeri (London Gypsy Church, United Kingdom: www.lgcuk.com), savo pes vičhinel Ricardo Kwiek. O lava len inšpiracija khatar o biblicko žalmos. E čhib hiňi romaňi, Kalderaš. Bašavel o avri sikhľardo klaviristas, o sikhavno pro zakladna umelecka školi, o kompozeris the o romano hip-hoperis Miroslav Rác, savo giľavel tel o umelecko pseudonimos BG. O video sas kerdo pro 24.08.2015 andro Prešov, prekal o kidipen E Džiďi kňižka: o lav - o čitro - o hangos, save kerďas e Štatno džaňibnskri kňižňica andro Prešov paš o leperibnaskro ďives pro romano holokaust.
e kategorija: bašaviben
o tagi: vokalno-inštrumentalno moderno rom-pop solo averestar romanes Žaneta Štipáková Miroslav Rác sakoneske interno
Gypsy Kubanec
kerdo: 08. 07. 2021 14:38 opre kerdo: 08. 07. 2021 14:58
Gypsy Kubanec, peskre naveha Viktor Paulovič, romano bašavno u giľado. Reprezentinel o akanutno rom-pop. Andro video vakeriben pes sikhavel sar o bašavno, savo rodel o drom sar te cirdel so nekhbuter manušen u sar te anel e loš le ritmicko bašavibnastar so nekhbuter manušenge. O vakeriben sas kerdo 25.4.2013 Myjavate.
e kategorija: vakeriben
o tagi: leperiben biograficko monolog moderovano slovaťiko sakoneske interno
Katarína Taikon Langhammer
kerdo: 08. 07. 2021 10:47 opre kerdo: 08. 07. 2021 10:50
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
KATARINA TAIKON LANGHAMMER
Uľiľas 29. juloste 1932, Almby, Švedsko. Sas e švediko romaňi aktivistka, e liderka andro mariben vaš o themutnengre čačipena, e lekhavňi the aktorka, sas andal o Roma Kalderaša. Lakri phen sas e rupeskri charťaňi Rosa Taikon. Te paruvel o stereotipna dikhipen maškar o majoritna manuša lake pomožinďas oda, hoj maškar o berš 1963 u 1980 lekhaďas u diňas avri 16 kotora čhavorikane kňižki pal e romaňi čhajori Katitzi. Lakre lekhavipena hine the akana but popularna u kerde lendar o filmi. Vaš o lakro politicko aktivizmus pal e Katarina Taikon phenen, hoj sas sar Martin Luther King. Muľas 30. decembroste 1995, Ytterhogdal, Švedsko.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Katarína Taikon savorenge interno
Cinka Panna
kerdo: 08. 07. 2021 10:30 opre kerdo: 08. 07. 2021 10:31
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
CINKA PANNA
Uľiľas andro berš 1711 andro Gemer, andro Ungriko thagaripen. E virtuozno lavutarka, multi inštrumentalistka, e primaška andre romaňi banda, e kompozerka, vičinenas la the "romaňi Sapfó". Uľiľas andre romaňi lavutarengri fameľija. Lakro tutoris sas o lokalno raj Lani, poťinelas lake bašavibnaskri škola andre Rožňava. Peskre romeha Dányiha, cikne bugošiha, kerďas e kapela, kaj sas e primaška the e kompozerka. Bašavelas andro muršikane gada, kaj o kotora sas andal e kurucko uniforma. Peskre giľa thoďas andre kňižka Ungriko kolekcija andro berš 1730. Kerelas o charne kompoziciji - halgató. Lakro dživipen, e bašavibnaskri karijera sas u the hiňi e inšpiracija but artikane dženenge, lavutarenge, čitratunenge, poetenge u filmarenge. Muľas 5. februariste 1772 andro Gemer, Ungriko thagaripen.
e kategorija: vizualno čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Tera Fabianová
kerdo: 08. 07. 2021 10:11 opre kerdo: 08. 07. 2021 10:12
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
TERA FABIANOVÁ
Uľiľlas 15. oktobriste 1930 andro Žiharec pre Slovaťiko. Hiňi andre phureder generacija romane lekhavnengri. Lakro talentos arakhľas e čechiko romistka Milena Hübschmannová, savi sas lakri motivacija te pisinel romanes. O debutos kerďas andro Romano ľil andro 60. berša 20. šelberšipnaskre, charne lekhavipenca. Lakri kňižka Čavargoš (1991) andal o fantasy žanros kamenas but džene andro Čechiko, vaš o Čechiko radijo la genďas Vlastimil Brodský. Nekhfedeer latar hiňi e autobijografija Sar me phiravas andre škola (1992), pal e goďaver romaňi čhajori andre škula andro dujto lumakro mariben. Andro berš 2006 chudľas o Literarno moľipen Milenakro Hübschmannovakro vaš o sadživipnaskro lekhavipen. Muľas 22. marcoste 2007 Prahate, andre Čechiko republika.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Tera Fabianová savorenge interno
Věra Bílá
kerdo: 08. 07. 2021 09:51 opre kerdo: 08. 07. 2021 09:51
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
VĚRA BÍLÁ
Uľiľas 22. majoste 1954, Rokycany, Čechiko republika. Sas e giľavňi, bašavňi u aktorka. Sas andal e prindžarďi bašalďi fameľija Karoloskri Giňoskri. O unikatno hangos u špecificko vokalno prezentacija lake diňas o permanentno than pre bašavibnaskri scena khere the avri. Andro berš 1995 jekhetane le terne muzikantenca (Emil "Bišu" Miko, Emil "Pupa" Miko, Jan Dužda, Deziderius Lučka a Milan Kroka, paľis pro leskro than sas Marek Miko) kerde o bašavibnaskro fenomenos Věra Bílá a Kale. Kerde e definicija pal o žanros džando sar rom-pop: o sofistikovana vokalna harmoniji zorale disonancijenca andro romano folklor, pop u latino džez. Věra Bílá khelelas the andro duj filmi khatar o režiseris Dušan Hanák: Ružové sny/Lole sune (1976), Ja milujem, ty miluješ/Me kamav, tu kames (1980). Andro majos 1999 oj the o Kale bašavlas the giľavlas vaš o čechiko-americko publikum andro Washington, D.C. the andro New York, sar e nekhbareder giľavňi pro festivalos vaš e romaňi kultura andal o Čechiko. Buterval o bašavibnaskre kritika kerenas e komparacija maškar e Věra Bíla u americko kaľi diva Ella Fitzgerald. Muľas 12. marcoste 1954, Plzeň, Čechiko republika.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Věra Bílá savorenge interno
Johann Wilhelm Rukeli Trollmann
kerdo: 08. 07. 2021 09:41 opre kerdo: 08. 07. 2021 09:42
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
JOHANN WILHELM "RUKELI" TROLLMANN
Uľiľas 27. decembroste 1907 andro Wilsche andro Ňemciko. Leskro romano/sinto nav Rukkeli hin o kašt, vašoda, hoj sas učo u ľikerelas pes perfektno. Bariľas andro foros Hannover, jekhetanes les sas ochto phrala the pheňa. Sas o regijonalno šampijonos andro boks, paľis profesijonalno bokseris. Andro berš 1933 andalo bokserska klubi avri tradle savore športovo manušen save na sas arijska, the le Sinto Trollmann. Andro junos 1933 avri khelďas o ňemciko šampijonatos andro lokho pharipen, pal o ochto ďives leske ile o titulos. Phandle les andro buťakro taboris Hannover Ahlem, andro 1939 les ile andro Wehrmacht, sas pro vichodno frontos čhindo, u andro berš 1942 les phandle andro koncentračno taboris Neuengamme. Pal o bare maribena so chudelas les murdarde andro berš 1944 andro taboris andro Wittenberge.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Johann Wilhelm Rukeli Trollmann savorenge interno
Margita Reiznerová
kerdo: 08. 07. 2021 08:54 opre kerdo: 08. 07. 2021 08:54
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
MARGITA REIZNEROVÁ
Uľiľas 5. majoste 1945 andre Male Bukovce, e romaňi osada pre vichodno Slovaťiko, pal o mariben e fameľija geľas te bešel andre Praha. Andro 80. berša andro 20. šelberšipen lakri fameľija kerďas o ansamblos Perumov, kaj e Reiznerová sas e šerutňi u solo giľavňi. O ansamblos kerelas na ča folkloris, no the e drama. Andro 90. berša 20. šelberšipnaskre sas andro maškar le kulturno procesoskro, maškar o džene save kerde e Asocijacija vaš o romane lekhavne andre Čechoslovakija, u delas avri o romane perijodika, ľidžalas o publikačno kher Romaňi čhib. Andro jepaš 90. berša geľas andre emigracija andre Belgija vašoda, hoj sas sakovar buter rasovo mariben anglo Roma. Lakro lekhavipen sas nekhbuter e poezija u o autobijograficka, charne lekhavipena. Lakre buťa avenas avri andro buter romane magazinie, kolekciji the antologiji. Muľas 16. septembroste 2020 andro Lokeren andre Belgija.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Margita Reiznerová savorenge interno
Ján Berky Mrenica
kerdo: 08. 07. 2021 08:24 opre kerdo: 08. 07. 2021 08:42
O autoris, savo čitrinďas o portretos hino o romano čitratuno Jozef Fečo. O portretos sas kerdo prekal o projektos Romano teatro – o garude moľipena andre nekhbareder minorita andro Vyšehradsko regijonos / Roma Theater – Secret Values of the Largest Minority in the Visegrad Region (2020), savo chudľas o financiji andal o Maškarthemutno vyšehradsko fondos. O materijalos pro savo hino o čitro hino o pochtan, o portretos phirel andro žanros street art. O čitro hino baro 100 cm x 120 cm. O čitro hino andro ramos.
JÁN BERKY MRENICA PHUREDER
Uľiľas 11. majoste 1939 Očovate. Sas andre luma prindžarde lavutaris, virtuozos, kompozeris, rodelas pal o slovaťiko the romano folklor. Phirelas pro Themeskro konzervatorijum Bratislavate kijo profesoris Albín Vrteľ. Andro Slovaťiko folklorno-artikno kolektivos (SĽUK) sas 19 beršendar, andro berš 1980 kana o Rinaldo Oláh geľas, ačhiľas o koncertmajstros. Pal o berš 1990 kerďas peskro orchestros (Violin Orchestra Bratislava, paľis Bengaľi lavuta). Pal e poražka andro berš 1997 sikhľiľas te pisinel la baľogaha. Pisinďas trin kňižki: Nane oda lavutaris, Lošales lavutaha pal e luma, Roman giľa u goďaver lava, the buter partituri. Vaš peskri buťi chudľas but moľipena, nekhbareder hine Bičhado Slovakijatar (1995), Pribinaskro trušul (1997), Slovak Gold (1997). O moľipen Somnakuno CD chudľas vaš o 5000 bikende kotora albumostar Primašoskro šuno (1999). Muľas 12. oktobriste 2008 Očovate.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo Ján Berky Mrenica savorenge interno
