O čirikloro vaj So vakerel o čirikloro
kerdo: 04. 05. 2021 08:17 opre kerdo: 14. 05. 2021 10:17
E teatroskri inscenacija „O čirikloro vaj So vakerel o čirikloro“ hiňi vaš o leperiben pre manušňi, savi vazdľas e čechiko romistika, pre raňi Milena Hübschmannová. E inscenacija hiňi e bašavibnaskri paramisi, savi sikhavel e romaňi kulturno tradicija, o lava the o goďaveripena purane Romendar u phučel, so hin o čačipen, soste šaj o manuš čačes te paťal.
E režija: David Tišer
E dramaturgija: Líza Zima Urbanová
O bašavibnaskro aranžmanos: Tibor Žida
E produkcija: Veronika Jíru, Ara Art, z.s.
e kategorija: vizualno čitratuňipen
o tagi: sekularno digitalno esteticko in persona fotografija Ara Art savorenge interno
David Tišer
kerdo: 03. 05. 2021 09:45 opre kerdo: 03. 05. 2021 10:00
O šerutno andre themutnengri organizacija Ara Art. E organizacija kerde andro berš 2013, kerel o kulturna kidipena the o teatroskre inscenaciji. David Tišer kerďas peskro kotor pre galerija Prahate, o Phundrado vudar. Kerel o temi pal e LGBT komunita. Kerelas e buťi pre dokumentarno buťi vaš e Čechiko televizija, vaš o kheľiben andre dokumentarno inscenacija andro Narodno Teatros Miro pašutno, miro rušlo, chudľas e nominacija vaš o Moľipena Alfredoskro Radokoskro andre kategorija Talent 2011. Andro berš 2018 sas o laureatos vaš o Moľipen le Muzeostar vaš e romaňi kultura.
O fotografiji sas kerde andro berš 2017 u 2020.
O informaciji khatar: amendar.cz/osobnost/bc-david-tiser/
e kategorija: vizualno čitratuňipen
o tagi: sekularno esteticko digitalno in persona fotografija savorenge interno
Žaneta Štipáková
kerdo: 03. 05. 2021 09:14 opre kerdo: 03. 05. 2021 09:14
E Žaneta Štipáková avri sikhľiľas pre Maškarutňi umelecko škola andro Košice, pro odboris muzikakro the dramaticko džaňiben. Odoj resľas o učeder maškarutno sikhľuviben. Kerelas buťi sar e hangoskri pedaogička pro Privatno konzervatorijum Prahate, the sar e sikhavnengri asistentka pre zakladno škola andro Košice.
Akana hiňe e dženi andro teatro Romathan. Odoj khelel o dramaticka roli, giľavel, no the kerel e režija u pisinel o dramaticka lekhavipena.
e kategorija: vizualno čitratuňipen
o tagi: sekularno digitalno esteticko in persona fotografija Žaneta Štipáková savorenge interno
Romano jilo
kerdo: 03. 05. 2021 08:53 opre kerdo: 03. 05. 2021 08:58
O avri ile fotografiji pal e prezentacija, savi kerďas o folklorno ansamblos vaš e dokumentacija pal o romano bašaviben.
O romano folklorno ansamblos Romano jilo pes kerďas andro berš 2008, o šerutno andro ansamblos hino o Peter Kačica. O ansamblos sas kerdo, kaj te ľikerel u vazdel o talentos le romane čhavorengro the ternengro. Khelen pro festivala pre Slovaťiko the andro aver thema.
e kategorija: vizualno čitratuňipen
o tagi: sekularno digitalno esteticko in persona fotografija Romano jilo savorenge interno
Džide kňižki - Ľoľi paradička
kerdo: 30. 04. 2021 12:45 opre kerdo: 30. 04. 2021 12:46
E Štatno vedecko kňižňica kerďas 15.11.2019 kerďas jekh andal e serija le phundrade kidipnengri paš o Lumakro ďives vaš e romaňi čhib. Pre kadi džiďi kňižka pes sikhavelas o filmos Ľoľi paradička, o manuša save les kerde, the e muzikakri kapela, savi kerďas o bašaviben andro filmos. O fotografiji hin avri ile andal oda kidipen. Pre lende hine: o režiseris the scenaristas Richard Staviarsky, e producentka Mária Staviarská, e folklorno banda Štefanoskri Cínoskri, e herečka savi khelďas e šerutňi rola andro filmos, la Veronka – e Kamila Mitrášová.
e kategorija: vizualno čitratuňipen
o tagi: sekularno digitalno esteticko in persona fotografija Ľoľi paradička savorenge interno
E Folklorno banda Štefanoskri Cínoskri
kerdo: 30. 04. 2021 12:27 opre kerdo: 30. 04. 2021 12:28
E Folklorno banda Štefanoskri Cínoskri hiňi e muzikakri kapela, kaj hine štar džene, save bašaven. E kapela sas kerďi andro berš 2007. E kapela kerďas o Štefan Cína senior. Adaďives andre kapela bašaven: Martina Ďuriková Cínová (e lavuta, o giľaviben), Štefan Cína junior (o akordeonos, e gitara, o giľaviben), Štefan Vansač (e cimbalma, o giľaviben) the o Peter Pavlík (e bari bugova, o giľaviben). O repertoaris savo bašavel e Folklorno banda Štefanoskri Cínoskri hino kerdo le tradična giľendar pal o savoro Vichodno Slovaťiko, no bašaven the o giľa pal o maškarutno the zapadno Slovaťiko. . O fotografiji sas kerde 15.11.2019 pro jekh anda e kidipnengri serija, save kerel o Štatno vedecko knižnica andro Prešov tel o nav „Džide kňižki“.
e kategorija: vizualno čitratuňipen
o tagi: sekularno digitalno esteticko in persona fotografija E folklorno banda Štefanoskri Cínoskri savorenge interno
Kamila Mitrášová
kerdo: 30. 04. 2021 10:54 opre kerdo: 30. 04. 2021 10:57
E Kamila Mitrášová hiňi e herečka. Hiňi pal o gav Bystré andro okres Vranov nad Topľou. Lakro debut sas andro filmos, savo kerďas o Viťo Staviarský – Ľoľi paradička, kaj khelelas e šerutňi rola, e Veronka Rigová. Kadi herecko rola latar kerďas e prindžarďa manušňa andro slovaťiko the čechiko jekhetaňiben. Andro jekh lakro vakeriben peske leperel, hoj pro konkurzos ando oda filmos la anďas lakri daj. O fotografiji sas kerde 15.11.2019 pro jekh anda e kidipnengri serija, save kerel o Štatno vedecko knižnica andro Prešov tel o nav „Džide kňižki“.
e kategorija: vizualno čitratuňipen
o tagi: sekularno digitalno esteticko in persona fotografija Kamila Mitrášová savorenge interno
O rezbara Čičavatar Juraj Goroľ
kerdo: 25. 03. 2021 20:25 opre kerdo: 01. 06. 2021 08:22
O charno vakeriben khatar o amatersko rezbaris Juraj Goroľ, pal o leskro drom kijo čhiňiben kaštestar.
Juraj Goroľ hino andal o gav Hlinné. Avri phirďas o dujeberšengri agrikulturno škola. Andro video zorarel, hoj kampel o učeder u kvalitno sikhľuviben. Vakerel pal oda, sar pes andro kada arakhipnaskro buťakro kher dochudľas. Kana dikhľas e buťi so kerelas o rezbaris Milan Krajňák, but oda kamelas, u the ov kamelas oda te zumavel. Nekhbuter kerel o buťa le kresťansko tematikaha, buterval o Ježišoskro muj vaj o trušula.
O vakeriben sas kerdo andro berš 2013, kana pes dokumentinelas e buťi andre vastengre buťakro kher ROMA ART Čičava. O arakhipnaskro buťakro kher sas kerdo andro berš 2012, o iniciajtoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben slovaťiko sakoneske interno
Trast trasteha
kerdo: 18. 03. 2021 12:29 opre kerdo: 18. 03. 2021 12:30
E fotografija sikhavel o charťikano artefaktos savo pes vičinel Trast trasteha. Ola hine duj trastune kotora, save hine charťimen jekhetanes. O autoris hino o artikano charťas Ivan Šarközy le gavestar Dunajská Lužná. O fotografiji sar kerde pro kidipen Europakro romano charťikano simpozijum andro berš 2014. E inšpiracija vaš oda artefaktos avľas andal o pheňiben, hoj o trast pes avri marel le trasteha. Ivan Šarközy hino pal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Avrisikhado hino o mechanikos pro loďi, no odi buťi na kerelas. Kerel o charťipen, the o džaňibnaskro charťipen. Leskre jileske pašo hin te kerel o sochi trastestar, savo imar ňikaske na kampel.
e kategorija: E vastengri buťi
o tagi: džide moderna esteticko trast charťipen Ivan Šarközy savorenge interno
O čiriklo
kerdo: 18. 03. 2021 12:17 opre kerdo: 05. 05. 2021 07:43
Pre fotografija hino o čiriklo kerdo le purane trastestar. O autoris hino o artikano charťas Ivan Šarközy andal o gav Dunajská Lužná. O fotografiji sas kerde pro kidipen savo pes vičinel Europakro romano charťikano simpozijum andro berš 2014. O artikano charťas rodelas, so te kerel le purane trastune kotorenca. E jekhto maketa kerďas le kartonostar. O charťas kerel le avri čhide purane trastune kotorendar buter ajse artefakti.
Ivan Šarközy hino pal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Avrisikhado hino o mechanikos pro loďi, no odi buťi na kerelas. Kerel o charťipen, the o džaňibnaskro charťipen. Leskre jileske pašo hin te kerel o sochi trastestar, savo imar ňikaske na kampel.
e kategorija: E vastengri buťi
o tagi: džide moderna esteticko trast charťipen Ivan Šarközy savorenge interno
