E džuvľi la ružaha – portretos
kerdo: 07. 06. 2019 10:12 opre kerdo: 27. 11. 2020 01:47
O čitripen pro kaštuno phal le romane motivoha, oda o Jan Sajko kerel imar le beršestar 1986. Pre kada kidel o kašt, savo pes avri čhivel, nekh feder le bilačhe kotorenca, save determinen oda, so pes čitrinela. Nekh buter hine o motivi o muja, romane džuvľa the čhaja, o kheľiben, o lavutara. E technika savi kerel nekh buter hiňi e tempera pro phal.
Le beršestar 1986 kerel buťi pre Zakladno škola Jarovňicate, kaj sikhavel o čitripen.
O čitro hino pro phal baro 31 cm (buchľipen) x 31 cm (učipen) x 2,5 cm (buchľipen). Opruňi the teluňi sera hiňi čhinďi tel o 45 stpňi. O motivos hino o portretos, e džuvľi, e luluďi andro bala. Pre bangi sera, opral lakro phiko hine o khera. O čitro sa kerdo andro berš 2012.
e kategorija: čitratuňipen
o tagi: sekularno materialno esteticko 3D artefakt čitro Ján Sajko savorenge interno
E čhaj andro tradična gada
kerdo: 07. 06. 2019 10:04 opre kerdo: 27. 11. 2020 01:47
O čitripen pro kaštuno phal le romane motivoha, oda o Jan Sajko kerel imar le beršestar 1986. Pre kada kidel o kašt, savo pes avri čhivel, nekh feder le bilačhe kotorenca, save determinen oda, so pes čitrinela. Nekh buter hine o motivi o muja, romane džuvľa the čhaja, o kheľiben, o lavutara. E technika savi kerel nekh buter hiňi e tempera pro phal.
Le beršestar 1986 kerel buťi pre Zakladno škola Jarovňicate, kaj sikhavel o čitripen.
O čitripen hino pro phal, o baripen hino 22 cm (nek buchleder kotor) x 25,5 cm (učipen). O phal hino 2,5 cm buchlo. Pre bangi sera hiňi e kotor štruktura sar e morťhi. Aver seri hine čhinde jekh sar aver. O motivos pro čitro hiňi e čhaj andro romane gada avri pro čar. O čitro kerdo andro berš 2010.
e kategorija: čitratuňipen
o tagi: sekularno materialno esteticko 3D artefakt čitro Ján Sajko savorenge interno
Balvalfest
kerdo: 25. 03. 2019 08:22 opre kerdo: 27. 11. 2020 02:00
O video pal o 13. romano festivalos, kerdo andro berš 2013 andro gav Kokava nad Rimavicou. Pro festivalos pes prezentinel na ča o tradično romano bašaviben, sikhaven the o moderna žanri. O organizatora sako berš pro koncertos akharen le interpreten pal o Slovaťiko the andal o aver thema. O video sikhavel kotora andal o bašavibena (o tradično romano bašaviben, rom-pop), the o vakeriben le festivaloskre organizatoriha Vladimiroha Sendreioha.
e kategorija: bašaviben
o tagi: vokalno-inštrumentalno moderno mix originalno averestar slovaťiko romanes ungrika Vladimír Sendrei sakoneske interno
O Romane benga - o koncertos
kerdo: 25. 03. 2019 08:07 opre kerdo: 27. 11. 2020 02:00
O Romane benga sar e grupa kerďi le romane lavutarendar phenen, hoj sar e formacija chudle te bašavel andro berš 1991. Lengri zor hiňi andro bravurno, virtuozno interpretacija kana bašaven e romaňi muzika e foroskri, e klasicko lumakri muzika, no hin len the jekhetaňi buťi le akanutne giľavnenca the muzikantenca so hine prindžarde andre popularno muzika. O orchestros bašavel but koncerti pre Slovakija, sajekh sar andro aver thema, imar bašade pro pandž kontinenta. Pro koncertos andro Prešov savo sas 24.10.2013 andro kinos Scala bašade avka: o giľavipen the o violončelo – Silvia Šarköziová, e viola – Jozef Farkaš, o kontrabas – Tibor Lévai, o solo kontrabas – Alexander Mihok, e lavuta – Emil Hasala, e klarineta, o tarogato – Zoltán Grunza, e cimbalm – Ernest Šarközi, o primašis (e lavuta) – Štefan „Picur“ Banyák.
e kategorija: bašaviben
o tagi: vokalno-inštrumentalno klasicko akanutno orchestra folklorno romanes Cigánski Diabli sakoneske interno
Marco Pillo - Miro kamiben
kerdo: 25. 02. 2019 16:22 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos sikavel leskri interpretacija, e giľi hiňi Amor mio/Miro kamiben andal o albumos Volare khatar e romaňi grupa Gipsy Kings.
e kategorija: bašaviben
o tagi: vokalno-inštrumentalno moderno flamenco solo averestar špaňijelska Marco Pillo sakoneske interno
Helena Červeňakovo - o leperibnaskro vakeriben
kerdo: 22. 02. 2019 14:41 opre kerdo: 27. 11. 2020 01:47
O vakeriben sas kerdo andro septembros 2013 andro gav Roštar andro okres Rožňava. Vakerel e Helena Červeňakovo. Uľiľas sar Lalikovo, andro berš 1963 andro foros Moravská Třebová. Paľis lakri fameľija avľas pale pre Slovaťiko, andro gav kaj uľiľas. H. Červeňáková sas maškar o šerutne manuša save vazdenas e romaňi kultura, o themutnengre the jekhetane aktiviti pro Gemer. Lakre literarna lekhavibena hine pisimen romanes, konkretno, jekh but unikatno dijalektoha, saveha pes vakerel ča paš e Rožňava. O vakeriben hino lakro leperiben pro peskro dživipen, pal oda, so pes ačhelas andre romaňi komunita pro Gemer the andro aver thana. O vakeriben hino andre slovaťiko čhib.
e kategorija: vakeriben
o tagi: leperiben biograficko monolog moderovano slovaťika Helena Červeňáková savorenge interno
Kvetoslava Berkyovo - o leperibnaskro vakeriben
kerdo: 28. 01. 2019 09:53 opre kerdo: 27. 11. 2020 01:47
O vakeriben sas kerdo 31.7.2014. E Kvetoslava Berkyovo buter sar tranda berša kerel buťi la romaňa komunitaha andro Rudňany. Odoj uľiľas u dži akana odoj bešel. Sar e buťarňi andro terenos the e aktivistka, kerel buťi le čhavorenca the le ternenca andro komunitno centrum, kaj lenca prikerel o teatro, o bašaviben the o kheľiben. Varekana lekhavelas the e poezija.
e kategorija: vakeriben
o tagi: leperiben biograficko monolog moderovano slovaťika Kvetoslava Berkyová savorenge interno
O Bihariskro festivalos 2013
kerdo: 28. 01. 2019 09:26 opre kerdo: 27. 11. 2020 02:00
O Bihariskro festivalos hino o cyklus, o koncerti, save pen sako berš keren andre Dunajsko Streda. O organizatora hine e themutnengri asocijacija Dunajskostredsko romane lavutara the o Sikhavibnaskro kulturno centrum pro Žitno ostrovos. No o gindo the kerel ajso festivalos, a o nekh buter aktivno organizatoris hino o Štefan Banyák phureder, o romano lavutaris. Jánoš Bihari (21. 10. 1764 Veľké Blahovo, Slovakija – 26. 4.1827 Budapešť, Ungriko) sas maškar o nekh bareder lavutara andre puraňi Austrijsko-Ungriko monarchija, resľas the le kraľoskro kher. Sar o lavutaris the kompozeris peskra buťaha the muzikaha diňas e inšpiracija le kompozitorenge prindžarde andre luma, sar sas o Franz Liszt, vaj o Ludwig van Beethoven. O digitalno kulturno objektos sikavel o galaprogramos.
e kategorija: bašaviben
o tagi: vokalno-inštrumentalno moderno mix orchestra originalno Biháriho orchester sakoneske interno
Karol Bari - o leperibnaskro vakeriben
kerdo: 04. 01. 2019 15:42 opre kerdo: 27. 11. 2020 01:47
Karol Bari vakerelas andro septemberos 2013 andro gav Cakov, okresis Rimavsko Sobota. Karol Bari uľiľas andro berš 1941 andro kada gav, kaj predžidžiľas peskro savoro dživipen. Hino andal e bari fameľija, kaj sas šov phrala. Ov jekh lendar savoro dživipen kerel o sevľa. Andro vakeriben phenel pal oda, sar sikhľiľas te kerel o sevľa, save tradična procesi sas, kana pen kerenas. O vakeriben hino andre slovaťiko čhib a del o informaciji pal o dživipen le manušeskro, savo kerel e tradično romaňi buťi.
e kategorija: vastengre buťa
o tagi: džide tradična buťakre naturalna košikárstvo slovaťika Karol Bari savorenge interno
Adrian Balog - o bašavibnaskro sikhavno vakerel
kerdo: 04. 01. 2019 15:15 opre kerdo: 27. 11. 2020 01:47
A. Balog sas, kana sas kerdo o vakeriben, o tranda beršengro avri sikhado sikhavno vaš o bašaviben. Uľiľas andro Košice, bešel andro foros Fiľakovo, savo mekh angle e kriza andro berš 2008 sas o foros, kaj sas bari koncentracija Roma andal o savoro Slovaťiko. A. Balog hino a prindžardo sikhavno pre lokalno Zakladno umelecko škola. Bi oda sikhľol o operno giľavipen pro Sukromno dramaticko the bašavibnaskro konzervatorijum andre Hnušťa. Vakerel pal e peskri kapela, the pal o fameľijakre tradiciji - o papus Zoltán Balog the leskri cimbalovo kapela bašavelas andro Gemer the Malohont. Adrian Balog peskre vakeribnaha buchľarel o džaňiben pal e regijonalno kultura andro Gemer, Malohont the Novohrad.
e kategorija: vakeriben
o tagi: leperiben faktograficko monolog moderovano slovaťika Adrián Balog savorenge interno
