Adela Orgovánová - o leperibnaskro vakeriben
kerdo: 09. 12. 2018 16:30 opre kerdo: 27. 11. 2020 02:00
E Adela Orgovánová (1936-) hiňi Perješistar, kaj dživel savoro lakro dživipen. Ochto beršengri predžidžiľas e raťi, kana o Sovijeta bombardinde o Prešov. O bombi pro foros čhide 20.12.1944, perenas buter sar 70 minuti. Na džanel pes, keci manušen murdarde, oficijalno Perješiste parude 140 dženen. O bombi save čhivenas, prindžarde the sar o Stalinoskre momeľa, phagerde baro kotor khera andro foros. E Adela Orgovanovo peske leperel, sar oj la fameľijaha ola bombi predžidžile. Leperel pro dživipen andro Prešov andro Dujto lumakro mariben the pal o mariben - vakerel pal peskri fameľija, pal o čhavorikaňipen, pal o peskre terne berša, e buťi, the pal o mangipena, čoripen, amaľipen the pal o moľipena.
e kategorija: vakeriben
o tagi: leperiben biograficko monolog moderovano slovaťiko sakoneske interno
Marco Pillo - Enamorado soy
kerdo: 09. 12. 2018 16:28 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos sikavel leskri interpretacija, e giľi hiňi Enamorado soy (Som kamado), savi kerďas o Canut Reyes (peskre naveha Francois Reyes) andro berš 1989 vaš o leskro jekhto solo albumos ole beršestar, Bolero. Ola giľaha kamelas te del paťiv bare kompozitoriske Maurice Raveloske.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
Marco Pillo - Bulería
kerdo: 09. 12. 2018 16:25 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos hino o video, pre savo giľavel e Bulería. E bulería hiňi nekh buter charakteristicko flamenco štilos, andal o foros Jerez de la Frontera (o foros, kaj uľiľas o flamenco, Andaluzia, Španielsko). Nekh buter e kompozicija hiňi trine vaj štare ochto slabično veršendar. Ada bašaviben phirel maškar o nekh buter kompleksna kheľibnaskre the gitarova štili: džido, bachtalo the baro. E bulería pes normalno bašavel pro kheľiben kana agorinel e flamenco party.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
E garuďi luma u o zarale
kerdo: 07. 12. 2018 21:14 opre kerdo: 27. 11. 2020 01:47
E premijera vaš o teatroskro kheľiben "E garuďi luma u o zarale" vaš o čhavore khelďas o Teatro Romathan. E inscenačno paramisi del le manušenge o dikhipen pre imaginativno luma andro vešeskro thagaripen, kaj e thagarňi hiňi e "Bachtaľori". Andre paramisi o cikno čhavoro arakhel, kaj pes garuvel o lačhipen the o kamiben maškar o bilačhipen the intrigi save pen ačhen the andre Garuďi luma, the andre manušengri luma. Žanros: o kheľiben le giľenca pro paramisakre motivi, e čhib andro kheľiben: primarno slovaťiko, romanes sekundarno, e scena: klasicko rekvizitarno, o kheľiben nane interaktivno, aľe performativno. Khelen: Karel Adam, Oto Bunda, Milan Godla, Marián Balog the aver džene.
e kategorija: čitratuňipen
o tagi: sekularno digitalno esteticko fotografija Romathan savorenge interno
Romathan ando nevo uraviben
kerdo: 06. 12. 2018 22:58 opre kerdo: 27. 11. 2020 01:47
E 65.-to premijera khatar o Teatro Romathan pes ľidžalas andro "neve gada". O bašavibnaskro the kheľibnaskro performancija, pherdo tradična romane halgatovenca the kheľibnaha, prekal save pes sikavel o zoralo gindo pal o romano andruno šuňiben the jekhetaňiben, anen le manušen andre romaňi luma /kaj pes bašavel, khelel u giľavel/. O orchestralno kotor andre performancija kerel peskre sikavibena u kotora, andre save sikavel, so hin pašo maškar o manuša andre Europa u savi hiňi lengri multikulturalita.
e kategorija: čitratuňipen
o tagi: sekularno digitalno esteticko fotografija Romathan savorenge interno
Romathan - O magicko harangocis
kerdo: 06. 12. 2018 22:47 opre kerdo: 27. 11. 2020 01:47
O fotografiji andal e originalno romaňi inscenacija vaš o čhavore the terne. E inscenacija sikavel, sar kampel te ľikerel e fameľija the lačhipen maškar o džene. E choreografija kerďas Eva Adamova, o bašaviben kerďas Karel Adam, e režija Marian Balog. E inscenacija sas e 69. premijera, savi sas andro teatro 18.3.2016.
e kategorija: čitratuňipen
o tagi: sekularno digitalno esteticko fotografija Romathan savorenge interno
Romathan - Našado kamiben
kerdo: 06. 12. 2018 10:36 opre kerdo: 27. 11. 2020 01:47
O fotografiji andal o inscenacija tel o nav Našado kamiben. E inscenacija hiňi pal o berša andro 19. šelberšipen, andre Rumuňija a sikavel e interakcija maškar o phirde Roma the o grofos. A autorka the režiserka hiňi e Žaneta Štipáková, e solistka andro teatro Romathan. E inscenacija sas e 74 premijera, savi sas andro teatro 20.4.2018.
e kategorija: čitratuňipen
o tagi: sekularno digitalno esteticko fotografija Romathan savorenge interno
Michal Bársony - O čitripen
kerdo: 05. 12. 2018 20:20 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate.
e kategorija: vakeriben
o tagi: biograficko monolog moderovano slovaťiko Michal Bársony sakoneske interno
Marco Pillo - Soledad
kerdo: 05. 12. 2018 20:16 opre kerdo: 27. 11. 2020 02:00
O kompozeris, o giľavno, gitaristas the cimbalistas Marco Pillo giľavelas pre prezentacija vaš e giľutnengri kňižka khatar o Dušan Onody, savi pes vičhinel Tuke, ča Tuke, pro 31.03.2014 pre Cikňi scena andro Teatro Jonaš Zaborsky, kaj pes the kerďas kadi dokumentacija. E giľi Soledad - Korkoripen hiňi e špaňielsko giľil. E laudativno giľi Soledad hiňi e lokhi flamenco giľi.
e kategorija: bašaviben
o tagi: vokalno-inštrumentalno moderno flamenco trio Marco Pillo Duo Farsa sakoneske interno
E šuki ruža
kerdo: 29. 11. 2018 16:28 opre kerdo: 27. 11. 2020 01:47
O teatroskro bulletin diňas avri o Abovsko kulturno centrum - Teatro Romathan, Košice. Pre paťarďi hiňi e ilustracija (bi o autoroskro nav). Bulletin del o zakladna informaciji pal e balada savi pes vičhinel E šuki ruža (15. premijera), pal o autora the herci. E teatroskri sezona 1996/1997. Technicka informaciji: učipen: 210 mm, buchľipen: 149 mm, materijalos: ľil bľištaco, gendo le ľilengro: 10, farba: kalo-parno, Phandlo: 2x spona.
e kategorija: čitratuňipen
o tagi: sekularno materialno buťakro 2D artefakt grafika slovaťika Jekhetane-Spolu savorenge interno
