Dorian 01
kerdo: 22. 05. 2020 10:37 opre kerdo: 27. 11. 2020 01:47
E kompozicija Dorian 01 hiňi e inštrumentalno kompozicija, o aranžmanos hino kerdo andro es dur, o inštrumenti pre save pes bašavel: hoboj, piano, kontrabas, lavuta. E kompozicija hiňi o kotor andro bašavibnaskro soundtrack kije audio dramatizacija Dorian Gray u leskro čitro, kerdo andro berš 2017.
E kompozicija kerďas Arpád Farkaš, savo aktivno bašavel džez pro piano, absolventos pal e Maškarutňi umelecko škola Kašate. Kana kerelas kadi kompozicija, sikhavelas pre Zakladno umelecko škola Rožňavate u pre Privatno konzervatorijum Dezideroskro Kardošiskro Perješiste. Arpád Farkaš bašavel pro koncerti u kerel peskre kompoziciji.
e kategorija: bašaviben
o tagi: inštrumentalno klasicko akanutno quartet original autoristar Arpád Farkaš savorenge interno
William Shakespeare - Romeo the Julia
kerdo: 22. 05. 2020 08:55 opre kerdo: 27. 11. 2020 01:47
William Shakespeare hino o autoris savo pisinďas e tragedija Rómeo the Júlia, savi avri diňas andro berš 1597. O tragicko vakeriben pal o duj terne so pen kamenas u sas andal o duj fameľiji, save pen marenas, oda andre moderno era ačhiľas sar e inšpiracija vaš o but originalna adaptaciji andro teatro the andro filmos, no the andro audijo kheľibena – o radijo kheľibena vaj audijo kňižki.
Originalno o kheľiben andro pandž kotora u chorus hino andre kadi dramatizacija kerdo sar o šelo, pro savo hine o dijalogi the monologi duj šerutne charakterendar. O chorus nane, pro oda than hiňi jekh džeňi sar vakerďi. E vakerďi phenel so duj the ekspozicija, the o paluno epilogos.
O scenaris kerďas Bc. Roman Goroľ romanes. Khelen e Dominika Badžová, Jaroslav Mačo u Petra Husárová. Originalno bašaviben, e kompozicija the keriben khatar e Mgr. art. Barbora Botošová.
e kategorija: drama
o tagi: teatros drama laveha audio adaptacia romanes savorenge interno
Zlatica Rusová - Paňeskeri kirajka
kerdo: 20. 04. 2020 13:37 opre kerdo: 27. 11. 2020 01:47
E inšpiracija khatar e romaňi lekhavňi Zlatica Rusová sas kerďi e audijo dramatizacija Paňeskeri kirajka. E audijodramatizacija sikhavel o charakteristicka kotora save hine andre paramisi, hin la lačhe the nalačhe manuša, magickakeribena, u o lačhipen marel o nalačhipen. E paramisi hiňi vaš o terneder the phureder študenta. Kerďi hiňi androduj čhiba, slovaťika the romanes. O res savo kamelas te resel o ŠVK PO_DICRK andro berš 2017 sas te anel eliteratura ki o resoskre manuša na sar o lekhaviben, aľe sar o verbalno keriben. Oda resľam prekal o audijodramatizaciji. O scenaris kerďas o Bc. Roman Goroľ, pedagogos u lekhavno. O roli khelde o romane študenta pal omaškarutne u uče školi.
e kategorija: drama
o tagi: teatros drama laveha audio adaptacia slovaťika čhavore the terne interno
Zlatica Rusová - Paňeskeri kirajka
kerdo: 20. 04. 2020 13:33 opre kerdo: 27. 11. 2020 01:47
E inšpiracija khatar e romaňi lekhavňi Zlatica Rusová sas kerďi e audijo dramatizacija Paňeskeri kirajka. E audijo dramatizacija sikhavel o charakteristicka kotora save hine andre paramisi, hin la lačhe the nalačhe manuša, magicka keribena, u o lačhipen marel o nalačhipen. E paramisi hiňi vaš o terneder the phureder študenta. Kerďi hiňi andro duj čhiba, slovaťika the romanes. O res savo kamelas te resel o ŠVK PO_DICRK andro berš 2017 sas te anel e literatura ki o resoskre manuša na sar o lekhaviben, aľe sar o verbalno keriben. Oda resľam prekal o audijo dramatizaciji. O scenaris kerďas o Bc. Roman Goroľ, pedagogos u lekhavno. O roli khelde o romane študenta pal o maškarutne u uče školi.
e kategorija: drama
o tagi: teatros drama laveha audio adaptacia romanes čhavore the terne interno
Oscar Wilde - Dorian Gray u leskero čitro
kerdo: 20. 04. 2020 13:30 opre kerdo: 27. 11. 2020 01:47
O romanos Portretos Dorianoskro Grayoskro savo lekhaďas Osca Wilde sas, sar nevo (1890) o kontroverzno lekhaviben,savestar paľis ačhiľas e inšpiracija vaš o filmi vaj teatroskre drami. Te anel e svetovo literatura paše ki o terne u bare džene, odisas e motivacija kaj pen te keren o audijo dramatizaciji andre romaňi čhib. O dominantno than andre dramatizacija ľikerel omagicko čitro, o portretos pro savo hino o protagonistas Dorian Gray. O šukar muj pro čitro pre peste lel, jekh pal aver, odžungale charakterova bilačhipena, ačhel lestar o demonos, savo hin o Dorian Gray andro realno dživipen. Kadi audijodramatizacija phirel maškar o hororova žanri, hiňi kerďi romanes. O res savo kamelas te resel o ŠVK PO_DICRK andro berš2017 sas te anel e literatura ki o resoskre manuša na sar o lekhaviben, aľe sar o verbalno keriben. Oda resľam prekal o audijodramatizaciji. O scenaris kerďas o Bc. Roman Goroľ, pedagogos u lekhavno. O roli khelde o romane študenta pal o maškarutneu uče školi.
e kategorija: drama
o tagi: teatros drama laveha audio adaptacia romanes savorenge interno
Roma Devlestar - Žaneta Štipáková, Jozef Ferko
kerdo: 18. 03. 2020 14:38 opre kerdo: 27. 11. 2020 01:47
E kompozicija, e romaňi giľi Roma Devlestar kerďas Ondrej Ferko. E giľi Roma Devlestar hiňi andal o lokhe giľa, rom-pop žanros. Žaneta Štipáková giľaďas kadi giľi u pre gitara lake bašavelas Jozef Ferko pro kidipen paš o Lumakro ďives vaš o romano holokaust, kerdo prekal o projektos Džiďi kňižka, savo kerďas e Themeskri džaňibnaskri kňižňica Perješistar pro 24.8.2016 andro Vlastivedno muzeum andro Hanušovce nad Topľou.
e kategorija: bašaviben
o tagi: vokalno-inštrumentalno moderno rom-pop duo originalno romanes Žaneta Štipáková Jozef Ferko savorenge interno
Kaľi čercheň - Žaneta Štipáková, Jozef Ferko
kerdo: 18. 03. 2020 14:36 opre kerdo: 27. 11. 2020 01:47
E kompozicija, e romaňi balada Kaľi čercheň kerďas e Žaneta Štipáková, e giľavňi, e herečka andro Teatro Romathan. Kaľi čercheň hiňi lokhi giľi, žanros hino rom-pop. E giľi hiňi pro CD Kaj te džav la bandatar Kaľi Čercheň, andre savi e autorka giľavelas sar e akharďi džeňi, kana oda CD kerenas (decembros 2007). Žaneta Štipáková kadi giľi giľaďas, bašaďas Jozef Ferko pro kidipen paš o Lumakro ďives vaš o romano holokaust, savo kerďas o Themeskro džaňibnaskro pustikengro them prekal o projektos Džiďi kňižka, 24.08.2016 andro Vlastivedno muzeum andro Hanušovce nad Topľou.
e kategorija: bašaviben
o tagi: vokalno-inštrumentalno moderno rom-pop duo originalno romanes Žaneta Štipáková Jozef Ferko savorenge interno
Bare vešenca - Žaneta Štipáková, Jozef Ferko
kerdo: 12. 03. 2020 15:38 opre kerdo: 27. 11. 2020 01:47
Žaneta Štipáková, e solistka andro teatros Romathan giľavel e giľi Bare vešenca pro kidipen paš o Leperibnaskro ďives pro romano holokaust, pre gitara bašavel Jozef Ferko, o hercos u giľavno andro teatros Romathan. O lava the o bašaviben kerďas e Žaneta Štipáková. E giľi hiňi e lokhi giľi, o lava vakeren pal o historikanes prindžarde atributa save pen den le Romenge - kamen le grasten, o phirdo dživipen, priroda. E video dokumentacija sas kerď 24.08.2016 andro Hanušovce opral e Topľa.
e kategorija: bašaviben
o tagi: vokalno-inštrumentalno moderno rom-pop duo originalno romanes Žaneta Štipáková Jozef Ferko savorenge interno
Gelem, gelem - Žaneta Štipáková, Jozef Ferko
kerdo: 12. 03. 2020 15:31 opre kerdo: 27. 11. 2020 01:47
E video dokumentacija kadi konkretno verzija romaňi himna Gelelm gelem sas kerďi 24.08.2016 andro Hanušovce opral e Topľa, kana sas o phundrado kidipen paš o Leperibnaskro ďives pro romano holokaust. Giľavel e Žaneta Štipáková, e solistka andro teatros Romathan andro Košice, pre gitara bašavel Jozef Ferko, o dženo andro teatros Romathan.
Andro berš 1971 andro Orpington paš o Londyn andre Bari Britanija pro Jekhto lumakro romano kongresos sas kadi giľi akceptimen sar e oficijalno himna vaš o romano nipos. Kerďi sas prekal o motivi andal e puraňi balkansko kamibnaskri giľi, o lava hine pal o droma savenca gele o Roma u so tirinde andro Dujto lumakro mariben.
O lava irinďas u o bašavibnaskro aranžmanos kerďas o kompozeris Žarko Jovanovič, savo uľiľas andre Jugoslavija, andro berš 1949.
e kategorija: bašaviben
o tagi: vokalno-inštrumentalno moderno rom-pop duo averestar romanes Žaneta Štipáková Jozef Ferko savorenge interno
Ďusi Band - Vittorio Monti: Czardas (Čardašis)
kerdo: 12. 03. 2020 15:14 opre kerdo: 27. 11. 2020 01:47
Nekh buter prindžarďi kompozicija khatar o Vittorio Monti: Čardašis sas kerďi andro berš 1904 u paľis pes dochudľas andro bašavibnaskro repertoaris maškar o but romane kapeli. Pro audio la bašavel e cimbalovo kapela Július Bandyskri Perješistar. Andre kapela bašavel o Július Bandys u leskre trin čhave - Kristián, Július, Samuel. Andre kapela bašaven pre cimbalma, kontrabas, lavuta u brača. Bašaven o žanri klasicka the kheľibnaskre. E dokumentacija sas kerďi 10.4.2019 Perješiste.
e kategorija: bašaviben
o tagi: inštrumentalno klasicko akanutno orchestra averestar Ďusi Band savorenge interno
