Originalno Američanos
kerdo: 20. 10. 2017 12:42 opre kerdo: 27. 11. 2020 01:47
Jozef Fečo hino o čitratuno, phirďas u agorinďas e Maškarutňi umelecko škola andro Prešov. Sikhľiľas andro odboris dizajn the e buťi le kašteha. Aktivno chudľas te kerel andro berš 2011, jekhto buťi ela o čitro Ježiš, pro pochtan. Andro berš 2015 kerďas vaš e Štatno džaňibnaskri kňižňica andro Prešov e serija 13 bare formatoskre portreta pal o lumakre prindžarde personaliti, save hin andal e romane komuniti. O čitro sas jekh maškar o čitre pre vistava savi pes vičhinel O na prindžarde farbi prindžarde manušen, savo andro berš 2016 (apriľis) kerďas e Štatno džaňibnaskri kňižňica andro Prešov. O čitro hino pro pochtan. E technika: - čitro - tempera, akryl.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Hugh Laurie
kerdo: 19. 10. 2017 21:45 opre kerdo: 27. 11. 2020 01:47
E Šarlota Bottová avri phirďas e Maškarutňi špecijalizovano škola andre Rimavsko Sobota, e profesija kozmetička. Te čitrinel chudľas kana sas pre maškarutňi škola, kana pro ori pal e estetika jekhtovar čitrinelas o portretos. Pal o čitratuňipen sakovar sikhľolas prekal o informaciji save sas pro internet the andre literatura. Lakri preferencija hine o grafitova penkala. Kaj sikavelas peskre portreta:
2017 - E kňižňica prof. Štefan Pasiar, Hnúšťa
2017 - Výmenník, Važecká uľica, Košice
2016 - E Galerija Phundrado vudar, Praha
O čitro hino o portretos pre savo hino o khelado Hugh Laurie, prindžardo andal o televizno serijalos Dr. House.
Materijalos: zoralo ľil, format A3
E technika: čitro - grafitovo penkalos
e kategorija: čitratuňipen
o tagi: sekularno materialno buťakro 2D artefakt čitripen Šarlota Bottová savorenge externo
Magicko harangocis
kerdo: 29. 09. 2017 15:38 opre kerdo: 27. 11. 2020 02:00
E originalno paramisi, inscenacija vaš o čhavore the terne. E 69. premijera andro Teatro Romathan, sikaďi 18.3.2016, 10:00 orendar andro than, kaj bešel o Teatro Romathan pre Štefanikovo uľica andro Košice. E paramisi sikavel, sar kampel te ľikerel e fameľija, o kamiben maškar e fameľija. E čhib: slovaťiko. E čhib andro giľa: slovaťika, romanes. Režia: Marián Balog. Scena: Juraj Vaňo. Bašaviben: Karel Adam. Choreografia: Eva Adamová. Gada: Lenka Adamová. Špecifikum: e choreografia hiňi kerďi sar o scenicko kheľiben, bi o tipicka romane kheľibnaskre elementi.
e kategorija: e drama
o tagi: teatros komedija giľaha pre scena adaptacija slovaťiko Romathan čhavore the terne interno
Milan Godla - Romathan u leskri misija
kerdo: 29. 09. 2017 15:22 opre kerdo: 27. 11. 2020 02:00
Milan Godla, hercos, giľave, prethovel, kerel o scenara u dramaturgija, kerďas o jekhto uštara andre peskri karijera andro amatersko suboris vaš o herci u o giľutne andro Prešov. Le beršestar 1992 hino andro teatro Romathan. Peskri kvalifikacija chudelas tel o dikhipen khatar e Daniela Hivešova-Šilanova, savi kerďas o teatro Romathan. Akana hino pro peskro than andro jekh profesijonalno romano teatro pre Slovaťiko. Milan Godla vakerel pal oda, sar sas kerdo o teatro, savi hiňi leskri misija u so anel andro khetaňiben.
e kategorija: vakeriben
o tagi: leperiben biograficko monolog moderovano Milan Godla slovaťiko sakoneske interno
Evidenciji
kerdo: 29. 09. 2017 14:06 opre kerdo: 27. 11. 2020 01:47
O čitro sas sikado pre čitrengri ekshibicija, savi pes vičhinelas O naprindžarde farbi prindžarde manušengre. Andro berš 2016 (aprilis) la kerďas o Themeskro džaňibnaskro pustikengro kher andro Prešov. O čitro hino pro zoralo ľil, formatos A2. E technika: o čitratuňipen - akvarel, akryl.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Kmeťoband - čačo romano bašaviben
kerdo: 04. 08. 2017 15:21 opre kerdo: 27. 11. 2020 02:00
Kmeťoband - e grupa, savi andro berš 1999 kerde o Igor Kmeťo phureder u o Igor Kmeťo terneder. O dad u o čhavo. O Igor Kmeťo phureder hino o manažeris vaš e grupa, o Igor Kmeťo terneder bašavel pro sintetizatoris, saksofonos, giľavel u kerel o bašavibnaskre aranžmani. E grupa lel o temi andal o dživipnaskre prindžaripena u sitaciji - o kamiben, o pharipen, o ternengro dživipen. Buchleder ačhile prindžarde maškar o šuňibnaskre džene le akanutňa popularna bašavibnaskre žanrengre kana lačhes kerenas jekhetane le prindžarde rapereha Rytmusoha. O giľa hine zorales temperamentna u emotivna. O žanros hino o rom-pop, nekh buter o kheľibnaskro bašaviben. O vakeriben hino pal oda, so o Igor Kmeťo phureder the Igor Kmeťo terneder personalno gindinen pal e romaňi muzika, pal o but formi so la hin, e historija, o vazdipen u pal o akanutne bašavibnaskre trendi.
e kategorija: vakeriben
o tagi: leperiben faktograficko monolog moderovano slovaťiko Igor Kmeťo st. Igor Kmeťo ml. sakoneske interno
Martin Kaleja - o čitratuňipen
kerdo: 04. 08. 2017 11:14 opre kerdo: 27. 11. 2020 02:00
Martina Kaleja-Januv (1984-) uľiľas andre romaňi osada Jarovňicate, kaj bešel. Ki o čitratuňipen peske arakhľas o drom kana sas pre zakladno škola, kaj les sikhavelas Ján Sajko, o sikhavno pro čitratuňipen. Paľis phirelas pre Maškarutňi umelecko škola andro Prešov, pre špecijalizacija dizajn u buťi le kašteha. Čitrinel u čhinel avri le kaštestar. Andro' da leskri nekh bareder tema hiňi sakralno - o paťaben andro Del. O dokumentos sikavel, sar pes kerel o čitro - o čitro le angaroha. Buťi kerel sar o asistentos le sikhavneskro pre Zakladno škola Jarovňicate.
e kategorija: čitratuňipen
o tagi: sekularno materialno artistikano 2D artefakt čitro slovaťiko Martin Kaleja sakoneske interno
Bengalo čapašis
kerdo: 03. 08. 2017 15:19 opre kerdo: 27. 11. 2020 02:00
E teatroskri premijera Bengalo čapašis sikavel le terne čhavoren, sar oda hin andre škola, andro than, kana phirena, kana musaj imar te sikhľol. Paľis sikhavel e luma, kaj hiňi le bengen lengri škola, u kaj chuden laťhe znamki kana aven andre škola na sig, chuden pandž the aver... O charakteri hine eksplicitna čitrinde, terďon jekh anglo aver, hine pozitivna the negativna u avka andre kada teatros le giľenca sikaven, sar pes kampel te ľikerel andre škola the pro aver thana. O žanros: o teatros le giľenca, e paramisakre motivi, e čhib: slovaťiko: scena: klasicko, rekvizitarno, o teatros hino interaktivno.
e kategorija: e drama
o tagi: teatros komedija giľaha pre scena originalos slovaťiko Romathan čhavore the terne interno
Jozef Fečo - o čitratuňipen
kerdo: 03. 08. 2017 15:14 opre kerdo: 27. 11. 2020 02:00
Jozef Fečo čitrinel o portretos. O video dokumentos sikavel, sar čitrinel o portretos. O manuš pro portretos hino Joaquín Cortés, khelel (balet, flamenco, kheľibnaskri fuzija), uľiľas andro berš 1969 andro Španielsko, hino prindžardo the olestar, hoj buterval khelelas le prindžarde manušendar andal e lumakri pop kultura. O portretos hino 120 cm buchlo, 100 cm učo. O materijalos telal: sadrokarton. Technika: čitripen, kalo - sivo - parno spektrum. Štilos: pop-art. O čitro hino jekh maškar o dešutrin portreta, pre save hine o lumakre prindžarde džene so sas/hine Roma, kerdo sas prekal o prijoritno projektos khatar o MK SR, savo pes vičhinelas Džide kňižki: o lav - o čitro - o hangos, maškar o 04/2015 - 05/2015. Jozef Fečo čitrinel o portretos. O video dokumentos sikavel, sar čitrinel o portretos. O manuš pro portretos hino Joaquín Cortés, khelel (balet, flamenco, kheľibnaskri fuzija), uľiľas andro berš 1969 andro Španielsko, hino prindžardo the olestar, hoj buterval khelelas le prindžarde manušendar andal e lumakri pop kultura. O portretos hino 120 cm buchlo, 100 cm učo. O materijalos telal: sadrokarton. Technika: čitripen, kalo - sivo - parno spektrum. Štilos: pop-art. O čitro hino jekh maškar o dešutrin portreta, pre save hine o lumakre prindžarde džene so sas/hine Roma, kerdo sas prekal o prijoritno projektos khatar o MK SR, savo pes vičhinelas Džide kňižki: o lav - o čitro - o hangos, maškar o 04/2015 - 05/2015.
e kategorija: čitratuňipen
o tagi: sekularno materialno artistikano 2D artefakt čitro slovaťiko Jozef Fečo sakoneske interno
Duj ďives paš o Tibor Oláh
kerdo: 19. 05. 2017 16:14 opre kerdo: 27. 11. 2020 02:00
Tibor Oláh hino o amateriko čitratuno, savo dživel u kerel buťi andro gav Plešivec. Uľiľas andre Detva u hino 8 čhavendar. Ki o čitratuňipen les anďas leskro phral Dušan Oláh. Nekh buter čitrinel o temi sar e priroda - o phuva the o gava. Leskre buťa hine kerde zorale farbenca. Čitrinel pro pochtan the sololit. Sar phenel, čitrinel oda, so les hin andre goďi cikňipnastar. E inšpiracija rodel the andre priroda, sostar kerel e dokumentacija pro video. Kada digitalno objektos sikavel, sar čitrinel e romaňi osada Pastovník andre Detva, kaj bariľas. O čitro kerďas sar e ilustracija, savi avela avri andro Romano nevo ľil.
e kategorija: čitratuňipen
o tagi: Tibor Oláh
