Ko pre luma nekhšukareder
kerdo: 19. 02. 2016 15:36 opre kerdo: 27. 11. 2020 01:47
E bašavibnaskri paramisi „Ko pre luma nekh šukareder”, pro motivi khatar e Daniela Hivešova-Šilanova kerďas o profesijonalno romano teatro Romathan andal o Košice. O teatro le didakticko resoha hino kerdo primarno vaš o čhavorikano dikhado u sas andro Teatro Romathan andro Košice.
e kategorija: drama
O džide pustika - Holokaust
kerdo: 17. 02. 2016 13:08 opre kerdo: 27. 11. 2020 01:47
O Džide biblioteki sar e metoda den le manušenge o šajipen te prindžarel o personalna dživipena le manušengre, save hine interesantna u le majoritakre dženenge aňi na prindžarde. O res hino pre jekh sera te vazdel e identita andre romaňi minorita, pre aver sera te sikavel la majoritake le Romen sar e minorita barvaľa kulturno tradicijaha. O dujto andale e serija kidipnaskri „O džide kňižki/pustika”, save kerel o Themeskro džaňibnaskro pustikengro kher andro Prešov sas andro Wave Club andro Prešov, 24. augustos 2015, e tema sas o romano holocaust. O akharde vakerde sas e etnologička Lucia Segľová u o romano manuš, o raj Ľudovít Petík, kaskro dad sas andro koncentračno taboris. O bašaldo akhardo sas o klaviristas Miroslav Rác u e giľavňi Žaneta Štipáková. Pro agor kidipnaskro o Miroslav Rác bašaďas leskri autorsko kompozicija le naveha Porraimos, so hino o romano holokaust.
e kategorija: vakeriben
O džide pustika - Eugen Vizváry
kerdo: 16. 02. 2016 15:52 opre kerdo: 27. 11. 2020 01:47
O Džide biblioteki sar e metoda den le manušenge o šajipen te prindžarel o personalna dživipena le manušengre, save hine interesantna u le majoritakre dženenge aňi na prindžarde. O res hino pre jekh sera te vazdel e identita andre romaňi minorita, pre aver sera te sikavel la majoritake le Romen sar e minorita barvaľa kulturno tradicijaha. O dujto andale e serija kidipnaskri „O džide kňižki/pustika”, save kerel o Themeskro džaňibnaskro pustikengro kher andro Prešov sas andro Wave Club andro Prešov, 22. junos 2015, e tema sas o romano bašaviben. O šerutno akhardo sas muzikakro producentos, o kompozitoris, klaviristas Eugen Vizváry, o prindžardo bašaldo pre Slovaťiko, kerel nekh buter o žanri: Jazz, Funky, Fusion, Rock, Pop, Hip-Hop, R&B, Country, Classic. O bašavibnaskre akharde sas e cimbalovo banda Ďusi Band andal o Prešov (Július Bandy phureder, Julius Bandy terneder, Peter Ferko, Kristián Bandy + Samko Bandy) u e giľavňi Žaneta Štipáková the e Vanessa Siváková.
e kategorija: bašaviben
O džide pustika: Lumakro Romano Ďives
kerdo: 09. 02. 2016 16:01 opre kerdo: 27. 11. 2020 01:47
O Themeskro džaňibnaskro kher andro Prešov, o dokumentačno the informačno centrum vaš e romaňi kultura andro berš 2015 kerďas štar kidipena prekal o projektos "O džide pustika (o lav - o čitro - o hangos)", savo chudľas o phiko khatar o Ministerstvos vaš e kultura SR. O res andro kidipena sas le manušenge te sikavel le Romen andal e kultura u šukar buťa, pal save pes andro khetaňiben but na vakerel. Pro jekhto kidipen, savo sas ki o Lumakro Romano Ďives (8. apriľis), sas le manušenge sikado o producentos so kerel o dokumentarna filmi, kamaramanos the režiseris Jozef Banyák. O bašavibnaskro akhardo sas e grupa Gipsy Kings Revival. O moderatorki pro kidipen sas e Erika Godlová the e Zuzana Paľuchová.
e kategorija: vakeriben
Jozef Banyák
kerdo: 09. 02. 2016 15:48 opre kerdo: 27. 11. 2020 01:47
Jozef Banyák (1958) uľiľas andro Podunajska Biskupice. Andro berš 1982 chudľas pre Uči škola vaš o muzicka džaňibena andre Bratislava o magistersko titulos vaš e filmovo u televizno režija. Vakeres angľičaňika, ňemcika, ungrika, rusika u špaňijelika. Le beršestar 1981 dži o 1993 kerelas buťi andre Slovaťiko televizija sar o asistentos vaš e režija, režiseris the scenaristas. Andro eňavardešte berša pisinďas u e režija kerďas vaš o buter televizna paramisa, špecijalno kerelas o romane paramisa: PAL E ZORAĽI U DUJ PHRALA, PAL E ŠUKAR ČOHAŇI, O SOMNAKUNO HANGOS. Jozef Banyák kerel the o dokumenti. Vaš o STV (RTVS) kerďas but dokumentarna filmi, nekh buter pal o socijalna, narodnostna the kulturna temi: ČHAVORE BIDOŠALE, O KHEĽIBEN HINO DŽIVIPEN, RUDŇANATAR KE BRONX. Preko TV Markíza kerďas buter kotora vaš o dokumentarno ciklos V TIENI - ANDRE UČHAĽIN. Le beršestar 1991 sakovar kerel jekhetanes buťi le filmovo štabenca aver themendar - nekh buter andal o Hollywood - save avle pre Slovaťiko te kerel lengre filmi: DRAKOSKRO JILO I., II., LUCAS B., 32. OKTOBRIS, KULL O VITEZIS, OPRE UŠŤIBEN u aver. Prekal o berša 2008 - 2009 kerďas e 8 kotorengri serija dokumentengri pal e buťi so keren o slovaťika džande (scenaris, produkcija, režiseris, kameramanos) tel o nav DŽAŇIBNASKRO SPEKTRUM. Le beršestar 2009 kerel buťi korkoro sar o autoris. Hino o šerutno andro themutnengro khetaňiben OKNO. Aver buťa: 2010, 2011 - KINORAMA, kulturno magazinos STV pal e filmovo luma (scenaris, režija, kamera, produkcija) 2010 -VI O GRASTA KHELEN - 65 min. filmos vaš o čhavore (RTVS), tema, režija 2010 - OLÉ, ZÁPRAŽKA - 85 min. komedija (RTVS), tema, scenaris, režija 2011 - O UŠTAR PAL O UŠTAR (scenaris, režija, kamera, produkcija) - dokumentarno filmos pal o lačhe projekti vaš o lačharipen andro socijalno kovle romane komuniti Aver dokumentarna filmi pal e narodnostno tema: E ŠPECIJALNO INTEGRACIJA (2012), REPORTERIS (2013), ČAVALE (2013), O MARO THE O KHEĽIBEN (2014), BRATISLAVATAR RUDŇANATE U DUREDER (2014), ANDRO UTVARIS (2014). O LULUĎA THE RAT - o filmos pal o americko poetos le slovaťika rateha, James Ragan.
e kategorija: vakeriben
O planos vaš o centrum vaš e romaňi kultura andro themeskro džanibnaskro pustikengro kher andro Prešov kana kerela buťi andro berša 2015-2019
kerdo: 05. 02. 2016 14:42 opre kerdo: 27. 11. 2020 01:47
E vizija andre biblijoteka pal e romaňi kultura hin te vazdel o sanacijonalno centrum vaš o dokumenti, kulturna objekti the informaciji pal e romaňi kultura, the o centrum kaj ena informaciji pal e romaňi nacijonalno minorita, save buchles učharena o kulturno barvaľipen, socijalno the ekonomikano vazdipen, edukacija, džaňiben the rodipen andre Slovaťiko republika the pro maškarthemutno učipen. Andro dokumentos hino amaro planos sar te vazdel u buchľarel o centrum dži o berš 2019.
e kategorija: e literatura
Ondrej Gadžor
kerdo: 27. 01. 2016 12:08 opre kerdo: 27. 11. 2020 01:47
O buťakro than savo phirel le prindžarde romane čhinutneske the sochareske Ondrej Gadžor pro fotografiji. Ondrej Gadžor (9. 7. 1956 - 19.10.2013) - khatar e Krásna opral o Hornád, chudľas te čhinel andal o kašt kana les sas 24 berš. Lelas buter materijala - o bara, the o šinga, mušľi, nekh buter o kašta. Andre leskre buťa mukhelas o originalno peskro dikhiben, but sikhľiľas andre škola khatar o akademicko socharis Vojtech Löfller, andro leskro buťakro than kerelas dešujekh berš. Jekh maškar o leskre nekh bareder temi hiňi e džuvľi. Sas les buter individualno ekshibiciji, sakovar džalas pro socharska plenera. Sikaďas pes the pro buter individualna ekshibiciji pre Slovaťiko the avri themestar. Leksre buťa hine sikade the andro Los Angeles, vaj andro Vatikan u but lendar hine andro fondos andro muzei pre Slovaťiko vaj andro Čechiko (Vichodoslovaťiko muzeum andro Košice, Muzeum Vojtech Löflleriskro andro Košice, Muzeum vaš e romaňi kultura andro Brno).
e kategorija: vastengri buťi
Duo Farsa - Johanka
kerdo: 26. 01. 2016 10:11 opre kerdo: 27. 11. 2020 01:54
Pro video hino o koncertos vaš o manuša, so bašavelas o gitarengro duo, Duo Farsa. O gitarengro duo bašavel peskre emotivna kompoziciji butere žanrendar, nekh buter hine o špaňijelika ritmi, flamenco. Andro duo hine duj virtuozna romane bašalde, o František Godla u o Dušan Onody andal o Sabinov. Kadi autorsko kompozicija pes vičhinel prekal o lava, save vaš lake sas angleder pisinde. O lava ile inšpiracija khatar e paramisi pal e Johanka andal o Arkos u o bašalde la bašaven sar o dujto kotor pro lengre koncerti.
e kategorija: bašaviben
Duo Farsa - Milonga
kerdo: 26. 01. 2016 10:08 opre kerdo: 27. 11. 2020 01:47
Pro video hino o koncertos, kaj bašavel o gitaroskro duo, Duo Farsa. O gitarovo duo bašavel pengre emotivna bašavibena buter žanrendar, nekh buter hine o špaňijelika ritmi, flamenco. Andro duo bašaven duj virtuozna romane bašalde, František Godla u Dušan Onody andal o Sabinov. E inšpiracija vaš o bašaviben sas o kotor khatar o Jorge Cardos - Milonga. O charakteros hino emotivno. O interpreta ole bašavibnaha chuden sako lengro koncertos u avka den paťiv le dajenge the dadenge, the pengre phurenge.
e kategorija: bašaviben
Miroslav Rác - E čhaj andal e Ipanema
kerdo: 26. 01. 2016 09:58 opre kerdo: 27. 11. 2020 01:47
E kompozicija sas kerďi pro jazzovo koncertos andro Želiezovce. E inštrumentalno kompozicija. O bašaviben kerďas Antônio Carlos Jobim. E kompozicija pes vičhinel Garota de Ipanema (E čhaj andal e Ipanema), džezovo štandardos. Bašaven: Miroslav Rác - o klaviris, Anton Bukai - e bas gitara, Miroslav Talpáš - o marde
e kategorija: bašaviben
o tagi: Miroslav Rác
