Emilia Lovas
kerdo: 24. 09. 2020 15:25 opre kerdo: 27. 11. 2020 01:47
Emília Lovas hiňi e teatroskri umelkiňa, e sikhavňi u e aktivistka. Andro berš 2009 sas pre Artistikaňi akademija Karavan, kaj pes arakhľas le teatroskro producentoha Rodrigóha Baloghoha u paľis chudľas e šerutňi rola andre drama Te kidel o pora, savo sikhavenas andro Slobodno ungriko teatro (The Independent Theater Hungary). Paľis agorinďas o študijum pro Pester – E ungriko teatroskri akademija. Le beršestar 2015 khelel andro buter teatri, na but angomis chudľas te kerel the o dabing u e režija. Maškar o lakre aver aktiviti hin, hoj sikhavel le čore čhavoren pal o artizmo, u kerel o aktiviti vaš o manušikane čačipena.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
O bijav
kerdo: 16. 09. 2020 20:28 opre kerdo: 27. 11. 2020 02:00
E vokalno-inštrumentalno giľa O bijav avka, sar la bašavel u giľavel e muzikakri grupa Sabrosa phirel kijo romano folklor. O lava andre giľi vakeren pal o bijav u lačhi voja le Romenge. E ritmika the o lava andre giľi hine tipicka vaš o bachtale giľa. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen. O lavutara: Július Hudi (e cimbalma), Alexander Bunda (e viola), Vojto Bunda (bari bugova), Miloš Goroľ (lavuta).
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Čhajori romaňi
kerdo: 10. 09. 2020 19:58 opre kerdo: 27. 11. 2020 02:00
Čhajori romaňi hiňi dža akana e himna vaš o slovaťika Roma. E giľi sas kerďi andro dujto lumakro mariben, hiňi pal o pharipena so tirinde o Roma andro buťakre u koncentračna tabora. E giľi hiňi lokhi, phare voďakri. E muzikakri grupa Sabrosa ľikerel e ritmika u o charakteris ola giľakro. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen.
e kategorija: bašaviben
o tagi: vokalno-inštrumentalno moderno folklorno duo originalno romanes Sabrosa sakoneske interno
Namaren man
kerdo: 10. 09. 2020 15:47 opre kerdo: 27. 11. 2020 02:00
E giľi Namaren man hiňi andal o repertoaris, savo giľavelas o romano giľavno andal e puraňi Jugoslavija, o Šaban Bajramovič (16.4.1936 – 8.6.2008), savo la giľavelas tel o nav Pira mange korkoro. E giľi hiňi komponovano andro špecificko štilos savo pes vičinel balkansko romano džez. Avka, sar la giľavel e Sabrosa, le melodicko varijacijenca u sikra aver lavenca, hiňi folklorizovano. E vokalno-inštrumentalno formacija Sabrosa hiňi andal o gav Raslavice andal o okresis Bardejov. Originalno andre formacija sas trin giľade u inštrumentalistki. Akana e Sabrosa hiňi sar o pheňengro duo: Aneta Duždová – e šerutňi giľavňi, Jana Duždová – gitara, giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Aneta Duždová
kerdo: 09. 09. 2020 13:47 opre kerdo: 27. 11. 2020 01:47
Aneta Duždová hiňi e šerutňi giľavňi andre vokalno-inštrumentalno grupa Sabrosa. E kapela pes kerďas andro gav Raslavice andro okres Bardejov, o šerutno sas o manažeris František Gall. Jekhto o džene sas trin giľavne u inštrumentalistki, andro lengro repertoaris sas nekhbuter o tradična romane giľa. Paľis o repertoaris buchľarde the moderno kompozicijenca khatar o prindžarde interpreta.
e kategorija: vizualno čitratuňipen
o tagi: sekularno digitalno esteticko in persona fotografija Aneta Duždová Sabrosa savorenge interno
Ma bisteren!
kerdo: 08. 09. 2020 10:44 opre kerdo: 21. 04. 2021 08:52
E themtunengri asocijacija In Minorita kerel o rodipen pal o romano holokaust pre Slovaťiko le beršestar 2005. Andro partnerstvo le Ministerstvoha vaš e kultura SR, Slovaťiko narodno muzeoha u le Etnologicko inštitutoha SAV kerďas o projektos Ma bisteren!. Paľikerdo le projektoske, maškar o berša 2005 – 2007 efta leperibnaskre thana the leperibnaskre tabli sas thode pro thana andre Slovaťiko republika. Andro berš 2019 thode imar ochtoto leperibnaskri tabla.
Andro kooperacija le Themutnengri asocijacijaha In Minorita, prekal o jekhto jepaš berš 2020 dokumentinďam o leperibnaskre thana u anďam len andre virtualno forma. Sako leperibnaskro than hino jekhetanes le pisimen informacijenca pal o autora, datumenca kana sas phundrado, the olenca pal o historicko keribena. O leperibnaskre thana hine žužes sikhade pre mapa kaj hino o Slovaťiko.
Kas interesinel e tema pal o romano holokaust šaj kherestar te phirel pal e virtualno realita u te džal pro savore leperibnaskre thana u avka te chudel dosta informaciji pal o maribnaskre keribena.
Andre virtualno prezentacija hin the o kvizi vaš o čhavore pro zakladna u maškarutne školi, save kerďam jekhetane le Metodicko-pedagogicko centroha andro Prešov.
O virtualno phiriben arakhena andre slovaťiko, romaňi the angľičaňiko čhib.
Andro digitalno kulturno objektos sikhavas o fotografiji pre save hine o leperibnaskre thana.
Aven te dikhel o leperibnaskre thana pro romano holokaust.
Te genen o QR kodos prekal o tumaro mobilno aparatos, chudena tumen direktno andro virtualno phiriben pal o leperibnaskre thana vaš o romano holokaust.
e kategorija: vizualno čitratuňipen
o tagi: sekularno digitalno esteticko fotografija Ma bisteren! savorenge interno
Eva Adamová
kerdo: 07. 09. 2020 09:26 opre kerdo: 27. 11. 2020 01:47
Eva Adamová sas andro Teatro Romathan le beršestar 2002. Jekhto sas e džeňi andro kheľibnaskro kotor andro teatro, paľis geľas andro herecko u giľavibnaskro kotor. Bijo kheľiben andro teatroskre dramatizaciji kerel buťi the sar eksterno sikhavňi andro Privatno bašavibnaskro u dramaticko konzervatorijum andro Košice, kaj sikhavel terne hercen te khelel.
e kategorija: vizualno čitratuňipen
o tagi: sekularno digitalno esteticko fotografija Romathan savorenge interno
Roman Godla
kerdo: 07. 09. 2020 09:19 opre kerdo: 27. 11. 2020 01:47
Avri ile fotografiji sikhaven le solistas pal o Teatro Romathan Roman Godla. Kerel e činohra, khelel o šerutne the serakre charaktera andro inscenaciji vaš čhavore the vaš o bare manuša. Bi o kheľiben kerel buťi the andre kheľibnaskri sekcija andro teatro sar choreografos. Andro Teatro Romathan avľas andro berš 1994 jekhvarestar kana agorinďas o slugaďipen. Dži o berš 2002 sas o aktoris the giľavno.
e kategorija: vizualno čitratuňipen
o tagi: sekularno digitalno esteticko fotografija Roman Godla Romathan savorenge interno
Marián Balog
kerdo: 07. 09. 2020 09:06 opre kerdo: 27. 11. 2020 01:47
O fotografiji le teatrostar, kaj hino o solistas andal o Romathan Marián Balog, kerde andro dokumentačno the informačno centrum vaš e romaňi kultura andro berša 2013 dži o 2018.
Andro teatros hino le beršestar 1992. Le beršestar 2009 andro teatros bijo kheľiben kerel the e dramaturgija u režija. E teatroskri buťi prindžarlas imar anglo berš 1992, khelelas andro Teatros Jonaš Záborský andro Prešov. Bijo teatros kerelas the andro filmos. Andro berš 2000 sas jekh maškar o šerutne charaktera andro filmos (e produkcija: Čechiko, Slovaťiko, Francuziko) savo pes vičinlas Sar gele pro drom o študenta Peter u Jakub. Andro berš 1995 chudľas vaš peskri buťi o moľipen khatar e Asocijacija teatroskre manušengri pre Slovaťiko u the khatar o Slovaťiko literarno fondos.
Aver moľipena:
2006 – O literarno fondos – o moľipen vaš e bari umelecko u režijno kontribucija andre inscenacija E chochaďi fameľija.
2007 – O moľipen forostar Košice vaš e bari buťi savi kerďas kana pes phundravelas o teatros Romathan, but beršengri buťi andro teatros u vaš e talentovano režijno buťi, savi akana hiňi nekhbareder vaš o teatroskro repertoaris.
2016 – O literarno fondos – o beršeskro moľipen vaš e režija le originalno romaňi paramisakri bašavibnaha O magicko harangoro.
e kategorija: vizualno čitratuňipen
o tagi: sekularno digitalno esteticko in persona fotografija Marián Balog Romathan savorenge interno
Milan Godla
kerdo: 07. 09. 2020 08:54 opre kerdo: 27. 11. 2020 01:47
E selekcija kaj hine o fotografiji andal o kheľibena andre save khelelas o Milan Godla, o hercos, giľavno, translatoris, scenaristas u dramaturgos. Peskri karijera chudľas te kerel andro amatersko suboris, kaj sas o giľavne u o herci andro Prešov, e šerutňi sas e Daniela Hivešová Šilanová. Le beršestar 1992 sas andro Teatro Romathan. Andro teatro agorinďas andro berš 2017. Godla sas o integralno kotor andro teatros. Andro berš 2004 chudľas o moľipen khatar o primatoris andro foros Košice vaš o keribena andre kultura.
e kategorija: vizualno čitratuňipen
o tagi: sekularno digitalno esteticko in persona fotografija Romathan savorenge interno
