Bare vešenca - Žaneta Štipáková, Jozef Ferko
kerdo: 12. 03. 2020 15:38 opre kerdo: 27. 11. 2020 01:47
Žaneta Štipáková, e solistka andro teatros Romathan giľavel e giľi Bare vešenca pro kidipen paš o Leperibnaskro ďives pro romano holokaust, pre gitara bašavel Jozef Ferko, o hercos u giľavno andro teatros Romathan. O lava the o bašaviben kerďas e Žaneta Štipáková. E giľi hiňi e lokhi giľi, o lava vakeren pal o historikanes prindžarde atributa save pen den le Romenge - kamen le grasten, o phirdo dživipen, priroda. E video dokumentacija sas kerď 24.08.2016 andro Hanušovce opral e Topľa.
e kategorija: bašaviben
o tagi: vokalno-inštrumentalno moderno rom-pop duo originalno romanes Žaneta Štipáková Jozef Ferko savorenge interno
Gelem, gelem - Žaneta Štipáková, Jozef Ferko
kerdo: 12. 03. 2020 15:31 opre kerdo: 27. 11. 2020 01:47
E video dokumentacija kadi konkretno verzija romaňi himna Gelelm gelem sas kerďi 24.08.2016 andro Hanušovce opral e Topľa, kana sas o phundrado kidipen paš o Leperibnaskro ďives pro romano holokaust. Giľavel e Žaneta Štipáková, e solistka andro teatros Romathan andro Košice, pre gitara bašavel Jozef Ferko, o dženo andro teatros Romathan.
Andro berš 1971 andro Orpington paš o Londyn andre Bari Britanija pro Jekhto lumakro romano kongresos sas kadi giľi akceptimen sar e oficijalno himna vaš o romano nipos. Kerďi sas prekal o motivi andal e puraňi balkansko kamibnaskri giľi, o lava hine pal o droma savenca gele o Roma u so tirinde andro Dujto lumakro mariben.
O lava irinďas u o bašavibnaskro aranžmanos kerďas o kompozeris Žarko Jovanovič, savo uľiľas andre Jugoslavija, andro berš 1949.
e kategorija: bašaviben
o tagi: vokalno-inštrumentalno moderno rom-pop duo averestar romanes Žaneta Štipáková Jozef Ferko savorenge interno
Ďusi Band - Vittorio Monti: Czardas (Čardašis)
kerdo: 12. 03. 2020 15:14 opre kerdo: 27. 11. 2020 01:47
Nekh buter prindžarďi kompozicija khatar o Vittorio Monti: Čardašis sas kerďi andro berš 1904 u paľis pes dochudľas andro bašavibnaskro repertoaris maškar o but romane kapeli. Pro audio la bašavel e cimbalovo kapela Július Bandyskri Perješistar. Andre kapela bašavel o Július Bandys u leskre trin čhave - Kristián, Július, Samuel. Andre kapela bašaven pre cimbalma, kontrabas, lavuta u brača. Bašaven o žanri klasicka the kheľibnaskre. E dokumentacija sas kerďi 10.4.2019 Perješiste.
e kategorija: bašaviben
o tagi: inštrumentalno klasicko akanutno orchestra averestar Ďusi Band savorenge interno
Ďusi Band - Čhajori romaňi
kerdo: 12. 03. 2020 15:06 opre kerdo: 27. 11. 2020 01:47
Čhajori romaňi hiňi dži akana vareso sar himna vaš o slovaťika Roma. E giľi hiňi andal o Dujto lumakro mariben, pal oda, sar o Roma tirinenas andro buťakre u koncentračna tabora. Lokhi, phari giľi, inštrumentalno bašaviben, e cimbalovo kapela Július Bandyskri Perješistar.
e kategorija: bašaviben
o tagi: inštrumentalno moderno folklorno orchestra averestar Ďusi Band savorenge interno
Ďusi Band - Grigoras Dinicu: Pacsirta (Čirikloro)
kerdo: 12. 03. 2020 14:55 opre kerdo: 27. 11. 2020 01:47
E inštrumentalno kompzicija Čirikloro savi pisinďas o Grigoras Dinicu bašavel e cimbalovo kapela Július Bandyskri Perješistar, e dokumentacija sas kerďi 10.4.2019. Andre kapela bašaven o da Július Bandy u leskre trin čhave Kristián, Július u Samuel. Andre kapela bašaven pro cimbal, kontrabas, lavuta the brača. O bašavibnaskre žanra save bašaven hine klasicka the kheľibnaskre žanra. Lengro repertoaris učharel slovaťiko the romano folklor, o bašaviben khatar aver minoriti - židovika, rusinska, rusika, bašaven the filmovo muzika.
e kategorija: bašaviben
o tagi: inštrumentalno klasicko romanticko orchestra averestar Ďusi Band savorenge interno
Michal Bársony - O tradična romane vastengre buťa
kerdo: 18. 02. 2020 10:07 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate.
e kategorija: vakeriben
o tagi: biograficko monolog moderovano slovaťiko Michal Bársony sakoneske interno
Black
kerdo: 12. 02. 2020 10:31 opre kerdo: 27. 11. 2020 01:47
E autorka le čitripnaskro hiňi e čitratuňi Šarlota Bottová Hnušťatar. Pro čitripen hino o naprindžardo phureder Afroameričanos. O čitripen sas kerdo grafitovo penkalenca pro zoralo ľil andro berš 2017.
e kategorija: čitratuňipen
o tagi: sekularno materialno esteticko 2D artefakt čitripen Šarlota Bottová savorenge interno
Phureder murš
kerdo: 12. 02. 2020 10:25 opre kerdo: 27. 11. 2020 01:47
E autorka le čitripnaskro hiňi e čitratuňi Šarlota Bottová Hnušťatar. Pro čitripen hino o portretos savo sikhavel phuredere manušes. O čitripen sas kerdo grafitovo penkalenca pro zoralo ľil andro 2019.
e kategorija: čitratuňipen
o tagi: sekularno materialno esteticko 2D artefakt čitripen Šarlota Bottová savorenge interno
Jason Statham
kerdo: 12. 02. 2020 10:09 opre kerdo: 27. 11. 2020 01:47
E autorka le čitroskri hiňi e čitratuňi Šarlota Bottová Hnušťatar. Pro čitripen hino o britsko hercos Jason Statham. O čitripen sas kerdo grafitovo penkalenca pro zoralo ľil andro berš 2016.
e kategorija: čitratuňipen
o tagi: sekularno materialno esteticko 2D artefakt čitripen Šarlota Bottová savorenge interno
Patrik Vrbovský
kerdo: 11. 02. 2020 17:16 opre kerdo: 27. 11. 2020 01:47
E autorka le čitroskri hiňi e čitratuňi Šarlota Bottova Hnustatar. Pro čitripen hino o romano rapperis Patrik Vrbovsky, savo giľavel tel o leskro artistikano nav Rytmus. O čitripen sas kerdo grafitovo penkalenca pro zoralo ľil andro berš 2016.
e kategorija: čitratuňipen
o tagi: sekularno materialno esteticko 2D artefakt čitripen Šarlota Bottová savorenge interno
