Milo Suchomel Orchestra - Jazz in The City 1.
kerdo: 21. 10. 2021 11:27 opre kerdo: 21. 10. 2021 11:31
Milo Suchomel sikhavel o bašaviben u hino aktivno bašaldo (pro saksofonos), savo kerel primarno o džezova žanri. Andro berša 1989 – 1995 phirelas pro Štatno konzervatorijum Žilinate, andro berša 1997 – 2000 phirelas pro Konzervatorijum Bratislavate. Andro berš 2001 sas jekh berš pro študijum pre Univerzita andro Louisville andro štatos Kentucky, USA. Buterval bašavel andro buter bašavibnaskre ansambli, kerel o koncertna kompoziciji the filmovo bašaviben, chudľas vaš peskri buťi buter moľipena. O video sikhavel o koncertos savo pes vičinel Jazz in the City u leskre akharde, sas andro klubos Babylon Bratislavate. Pro koncertos bašade o inštrumentalna bašavibena, solo bašavibena le akharde dženendar u giľade kompoziciji. O video hino e charňarďi verzija originalno koncertostar – o jekhto kotor savo sas sikhado andro RTVS andro berš 2021.
e kategorija: bašaviben
o tagi: vokalno-inštrumentalno moderno rom-jazz orchestra averestar čhiba Milo Suchomel sakoneske interno
Milan Polhoš
kerdo: 04. 10. 2021 09:25 opre kerdo: 04. 10. 2021 09:27
Milan Polhoš andro peskro vakeriben vakerel pal o peskro dživipnaskro kamiben, o bašaviben. Milan Polhoš hino o dženo andre grupa Lomnické čháve, andal e Veľká Lomnica. Milan Polhoš hino o kapelňikos, bašavel pro saksofonos u giľavel. Hino o absolventos pal e uči škola, kaj chudľas o titulos sar magistros andre socijalno buťi.
e kategorija: vakeriben
o tagi: leperiben biograficko monolog moderovano slovaťiko Milan Polhoš sakoneske interno
E chameleonka
kerdo: 14. 09. 2021 08:45 opre kerdo: 27. 06. 2022 16:33
E monodrama khatar o The Independent Theater Hungary/O Slobodno teatro Ungriko. Scenaris: Marton Illés, režija: Tomás Szegedi, herečka: Emília Lovas. E inscenacija pal e romaňi čhaj, savi barol andre luma, savi kerel lakri fameľija, e škola, o džene paš late. E čhaj sava hine o špecijalna džaňibena šaj genel u džanel oda, save ginde the leperibena hin le manušen paš late. Nakamel te kerel ča oda, so aver džene, kamel te dživel peskro dživipen.
E inscenacija pal e super manušňi hiňi kerďi realno dživipnendar save dživen o romane terne the le thanendar, khatar ola terne hine. O vakeribena sas vakerde pro workshopi save kerďas o Slobodno teatro Ungriko u save pen vičinenas "Roma Heroes". O video sas kerdo: 28.02.2020, Wave club - o centrum vaš e slobodno kultura, Prešov.
e kategorija: e drama
o tagi: teatros drama iné pre scena originalos ungrika The Independent Theatre Hungary sakoneske interno
Ondrej Gadžor - O plastiki
kerdo: 10. 09. 2021 10:56 opre kerdo: 10. 09. 2021 11:00
O videos pal e vistava, kaj sas sikhade o rezbarska buťa save kerelas o baro romano rezbaris u socharis Ondrej Gadžor. E vistava sas 25.4.2014 sar o leperiben pro Ondrej Gadžor, savo andro berš 2013 muľas. Varesave buťa pre vistava diňas o Muzeum Vojtech Loffleroskro andro Košice.
Ondrej Gadžor (9.7.1956-19.10.2013) - uľiľlas andre Krásna nad Hornádom, kaj chudľas te čhingerel imar kana sas 24 beršengro. Kerelas buťi butere materijalneca - le bareha, the le šingenca, mušľenca, nekh buter le kašteha. Opre vazdľas peskro unikatno plastikengro štilos, kaj but sikhľiľas khatar o akademicko socharis Vojtech Löffler, andro leskro buťakro kher kerelas buťi dešujekh berša. O subtilno charakteros khatar o cikne buťa cirdel the andro monumentalna bare buťa, save kerelas andro plenera. Leskri buťi prastal dur khatar e normalno produkcija so keren o na sikhade sochara. O charňipen the abstrakcija hiňi buchleder sar andre normalno nipengre buťa u e finalno forma hiňi varekaj maškar o moderno socharstvo u africka nipengre cikne soški. Leskre buťa sar te našaven o pharipen u diťhon lokhe. leskri zor hin andre žuže liniji u kheľiben le kašteha u leskre čitroha, savi andro peskre buťa rafinovanes thovel. Jekh maškar o nekh bareder temi hiňi e džuvľi. Sas les buter individualno ekshibiciji, regulerno phirelas pro socharska plenera. Sikaďas pes pro buter individualna ekshibiciji pre Slovaťiko the andro aver thema. Leskre buťa, bi o aver thana, hine sikade andro Los Angeles, vaj andro Vatikan u but lendar hine andro muzealna fondi pre Slovaťiko, vaj andro Čechiko (Vichodoslovaťiko muzeum andro Košice, SNM - Muzeum vaš e romaňi kultura pre Slovaťiko andro Martina, Muzeum vaš o Vojtech Löffler andro Košice, Muzeum vaš e romaňi kultura andro Brno).
e kategorija: vastengre buťa
o tagi: džide tradična artistikano kašta čhiňiben Ondrej Gadžor sakoneske interno
Roman Eštočák
kerdo: 10. 09. 2021 10:31 opre kerdo: 10. 09. 2021 10:34
O Roman Eštočak hino maškar o Roma pre Slovaťiko, saven hino o univerzitno sikhľuviben. Hino o absolventos pal e Univerzita Konštantinoskri Filozofoskri Nitrate, kaj avri phirďas e socijalno buťi. Kerelas buťi sar projektovo manažeris. Akana kerel buťi andro Kher zorarde manušeskro Slovaťiko republikatar vaš o romane komuniti. Hin les romňi u jekh čhavo.
e kategorija: vakeriben
o tagi: biograficko monolog moderovano slovaťiko Roman Eštočák sakoneske interno
Arpád Farkaš - rozprávanie
kerdo: 10. 09. 2021 08:49 opre kerdo: 08. 05. 2023 20:08
Arpád Farkaš, hudobník, klavirista, absolvent Strednej umeleckej školy v Košiciach, v súčasnosti učiteľ hudby na Základnej umeleckej škole v Rožňave a Súkromnom konzervatóriu Dezidera Kardoša v Prešove. Arpád Farkaš je aktívnym hudobníkom, hrá na klavíri a pôsobí v niekoľkých hudobných zoskupeniach, medzi nimi aj Arpád Farkaš Kvartet. Špecializuje sa na džez a vystupuje na džezových festivaloch, v kluboch či na recepciách. Jeho repertoár tvoria jeho vlastné skladby ako aj nasledujúce džezové štandardy: Wayne Shorter: Footprints (1967); Miles Davis: So What (1959); George Gershwin: Summertime (1934); Jerome Kern: All The Things You Are (1944); Miles Davis: Solar (1954); Duke Ellington: Solitude (1934), a ďalšie.
Videozáznam ponúka rozprávanie Arpáda Farkaša o džezovej scéne na Slovensku, o hudobníckej rodine, z ktorej pochádza a rómskej hudbe na Slovensku. Záznam vznikol 11.7.2013.
e kategorija: vakeriben
o tagi: leperiben biograficko monolog moderovano slovaťiko Arpád Farkaš sakoneske interno
O naprindžarde farbi le manušengre
kerdo: 25. 08. 2021 08:51 opre kerdo: 25. 08. 2021 08:54
O dokumentos pal e vernisaž la ekshibicijakri le čitrengri, vičinďi O naprindžarde farbi le manušengre, kerďi pro Lumakro romano ďives andro Krajsko muzeum andro Prešov. Pro 13 bare formatoskre potreta hine čitrimen o manuša prindžarde andre luma u hin len e romaňi etnicita. Andro video hino o vakeriben maškar e kuratorka pre ekshibicija, e Júlia Fričová u o čitrengro autoris Jozef Fečo pal e tema: o prindžarde romane manuša, pal e čitratuňipnaskri technika u pal o aver plani so hin le čitratunes. Andro video hiňi the e charňi evaluacija pal o čitre, vakeren e kuratorka Júlia Fričová u o pedagogos pre maškarutňi škola o Juraj Mandel.
e kategorija: čitratuňipen
o tagi: sekularno materialno artistikano 2D artefakt čitro Jozef Fečo sakoneske interno
Jozef Patkaň
kerdo: 16. 08. 2021 08:58 opre kerdo: 10. 02. 2022 10:02
Jozef Patkaň hino jekh maškar o nekh bareder romane biznismena pre Slovaťiko. Peskro biznis kerel the andre Čechiko republika, Slovenija, Rakusko the Ňemciko. Leskri buťi hiňi andre kaštuňi produkcija the ačhaviben. Del buťi the le Romenge. Hin les univerzita u o sikhľuviben vaš o romane čhavore dikhel sar but važno. Ov korkoro hino andal e bari romaňi fameľija. Leskro dad sas charťas. Eňa čhavorendar, save ačhile džide efta dženen hine uče školi.
e kategorija: vakeriben
o tagi: leperiben biograficko monolog moderovano slovaťiko Jozef Patkaň sakoneske interno
Rezbári Čičava Lukáš Jarka
kerdo: 06. 08. 2021 09:46 opre kerdo: 06. 08. 2021 09:48
O charno vakeriben khatar o amatersko rezbaris Lukáš Jarka pal o leskro drom kijo čhiňipen le kaštestar.
Lukáš Jarka hino andal o gav Čičava. Andro čhiňibnaskre buťakro kher pes dochudľas prekal o peskro dad, savo odoj kerelas sar o majstros, vašoda hoj sas avri sikhado stoľaris. Vakerel pal e komparacija maškar peskri buťi the le dadeskri buťi. Phenel, hoj ov buter džal pal o detaila, sar leskro dad. Andro video phenel the sar pen keren o konkretna čhiňibnaskre buťa.
O vakeriben sas kerdo andro berš 2013, kana pes kerelas e dokumentacija pal o vastengre buťakro kher ROMA ART Čičava. O arakhado buťakro kher sas kerdo andro berš 2012, o inicijatoris sas o Martin Mekel.
e kategorija: vastengre buťa
o tagi: džide tradična artistikano kašta čhiňiben romanes Lukáš Jarka sakoneske interno
Sabrosa
kerdo: 05. 08. 2021 10:09 opre kerdo: 08. 12. 2021 23:37
E vokalno-inštrumentalna grupa Sabrosa sas kerďi andro gav Raslavice andro okres Bardejov, lengro manažeris sas František Gál. Originalno andre grupa sas trin giľade u inštrumentalistki, andro lengro repertoaris sas nekhbuter o tradična romane giľa. Paľis o repertoaris buchľarde le moderno giľenca prindžarde interpretendar. Kana sas kerdo o video, e formacija Sabrosa sas o pheňengro duo: Aneta Duždová – e šerutňi giľavňi, Jana Duždová – e gitara, o giľavipen, u e Júlia Cvoreňová - e gitara, o giľavipen.
e kategorija: bašaviben