DIK - O Teatro inšpirovano Kristoha - O kamiben sar o rikono
kerdo: 18. 05. 2020 21:49 opre kerdo: 27. 11. 2020 02:00
O teatros inšpirovano Kristoha – DIK, vaj romane dik! O teatros sas tel o Grecko-katoľicko formačno centrum vaš o Roma le beršestar 2009 dži o berš 2018. O teatros hino autorsko, kerel o charne dramatizaciji u muzikala pal o khetaňibnaskre the personalna temi. Lengro principos hino o paťaben andro Del, o paťabnaskre motivi u o didakticka keribena. Andro skeč savo pes vičinel Láska ako pes (O kamiben sar rikono) khelen e Veronika Ďuďová, Jaroslav Mačo u Peter Ferenc.
O kheľiben sas dokumentimen prekal o narodno projektos Dokumentačno u informačno centrum vaš e romaňi kultura, andro Teatro Alexandroskro Duchnovičoskro andro Prešov, 18. septembroste 2014.
e kategorija: e drama
o tagi: teatros drama laveha pre scena originalos slovaťiko DIK sakoneske interno
DIK - O Teatro inšpirovano Kristoha - Bokheľori
kerdo: 18. 05. 2020 18:57 opre kerdo: 27. 11. 2020 02:00
O teatros inšpirovano Kristoha – DIK, vaj romane dik! O teatros sas tel o Grecko-katoľicko formačno centrum vaš o Roma le beršestar 2009 dži o berš 2018. O teatros hino autorsko, kerel o charne dramatizaciji u muzikala pal o khetaňibnaskre the personalna temi. Lengro principos hino o paťaben andro Del, o paťabnaskre motivi u o didakticka keribena. Andro skeč savo pes vičinel Koláčik (Bokheľori) khelen e Veronika Ďuďová u Viktória Jónyová.
O kheľiben sas dokumentimen prekal o narodno projektos Dokumentačno u informačno centrum vaš e romaňi kultura, andro Teatro Alexandroskro Duchnovičoskro andro Prešov, 18. septembroste 2014.
e kategorija: e drama
o tagi: teatros drama laveha pre scena originalos slovaťiko DIK sakoneske interno
Baro mariben
kerdo: 15. 05. 2020 12:56 opre kerdo: 27. 11. 2020 02:00
Veľká vojna pes romanes phenel Baro mariben. O charno dokumentarno filmos anel o vakeriben pal o perzekuciji u pharo dživipen so sas le Romen pre Slovaťiko andro dujto lumakro mariben. Sikhavel sar dživenas o Roma, save dikhle o dramaticka momenta prekal o mariben. Prekal o thana, kaj pen kerenas o perzekuciji vaj kaj murdarenas le manušen, o autora rodenas so ľikeren ande goďi o manuša adaďives. O filmos sikhavel e tema pal o romano holokaust pre Slovaťiko, savo andro adaďivesutno khetaňiben hino mekh frima prindžardo.
e kategorija: e drama
o tagi: filmos dokumentarno charno slovaťiko romanes OZ Jekhetane-Spolu sakoneske eksterno
O Igor Radič - O charťas Klenovcistar
kerdo: 13. 05. 2020 11:02 opre kerdo: 27. 11. 2020 02:00
Igor Radič uľiľlas andro berš 1960 andro Klenovec. Adaj dživel u kerel buťi dži akana. O charťipen kamelas te kerel imar kana sas terno čhavoro. Kana agorinďas e maškarutňi škola chudľas e buťi sar charťas andro Jekhetano agrikulturno jekhetaňipen Klenovciste, buťi kerelas vaš o themeskre veša. E buťi te kerel les sikhade o phure charťikane majstra. Andro berš 1995 kerďas peskri buťaripnaskri licencija, savi ľikerel dži akana. Hino o štatutaros andre themutnengri asocijacija Romano džaňibnaskro charťipen. Prekal odi organizacija kerel o charťikane kidipena. Kerel o industrijalno the esteticko charťipen. La buťaha leske del o phiko leskro čhavo, Igor Radič terneder (1984).
e kategorija: vakeriben
o tagi: leperiben biograficko monolog moderovano slovaťiko Igor Radič sakoneske interno
Romathan - e bašavibnaskri u giľavibnaskri voďi
kerdo: 27. 04. 2020 10:13 opre kerdo: 27. 11. 2020 02:00
O video sikhavel o kheľibnaskro sikhaviben, savo kerďas o Teatro Romathan, kerdo sas 18.9.2014 andro Teatro A. Duchnovičoskro andro Prešov, kana pes kerelas o Narodno projektos Dokumentačno u informačno centrum vaš e romaňi kultura. Orchestros andal o Teatro Romathan u o solista andal o teatro sikhaven lengro inštrumentalna u vokalno-inštrumentalna bašavibena u giľavibena.
e kategorija: bašaviben
o tagi: vokalno-inštrumentalno moderno mix orchestra originalno romanes Romathan sakoneske interno
Tomáš Hrustič - Kale-parne sveti
kerdo: 23. 03. 2020 14:03 opre kerdo: 27. 11. 2020 02:00
Tomáš Hrustič andal o Inštitutos vaš e etnologija u socijalno antropologija andre Slovaťiko džaňibnaskri akademija Bratislavate vakerel pal e publikacija Kale-parne sveti/O Roma andro majoritno khetaňibe pre Slovaťiko. Duj naroda, sako aver, duj aver dikhipena, duj sveti. Duj sveti, sako aver, save hine jekh paš o aver. O Roma u ola aver džene. The ole faktendar sas kerdo o nav pre publikacija Kale-parne sveti. O eksperta pro romane študiji kherestar the lumatar dikhle andro ola sveti u anen o prindžaripena andal o lengre rodipena. O džaňibnaskre recenzenta pre publikacija sas: Martin Fotta, PhD., PhDr. Michal Vašečka, PhD., Kimmo Granqvist, PhD., Prof. Mgr. Milan Kováč, PhD. Avri diňas: VEDA, Publikačno kher SAV, Ústav etnológie SAV, Avri dino beršeste: 2015, Seri: 595
Video hino ulado andro buter kotora. Sako kotor hino o vakeriben pal o jekh kotor andre publikacija. O kotora hine ulade titulkoha.
e kategorija: vakeriben
o tagi: džaňiben faktograficko dialog humanitno slovaťiko romanes Tomáš Hrustič akademicko interno
Michal Bársony - O tradična romane vastengre buťa
kerdo: 18. 02. 2020 10:07 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate.
e kategorija: vakeriben
o tagi: biograficko monolog moderovano slovaťiko Michal Bársony sakoneske interno
Albert Kováč
kerdo: 10. 02. 2020 19:59 opre kerdo: 27. 11. 2020 02:00
Albert Kováč (1978) bariľas andro gav Šárovce paš o Levice. O gymnazijum agorinďas andro Želiezovce. Pre uči škola sas andre Nitra, pre Univerzita Konštantinoskri Filozofoskri kaj avri phirďas e socijalno buťi. Leskri dajakri čhib hiňi ungriko. But mište vakerel slovaťika, angľicki the ňemcika. Romanes achaľol. Angleder kerelas buťi sar medijatoris. Le beršestar 2004 hino o projektovo konzultantos andro Kher zorarde manušeskro rajipnastar Slovaťiko republikakro vaš o romane komuniti andre Rimavsko Sobota.
e kategorija: vakeriben
o tagi: leperiben biograficko monolog moderovano slovaťiko Albert Kováč sakoneske interno
Romathan - Našado kamiben
kerdo: 10. 02. 2020 19:52 opre kerdo: 27. 11. 2020 02:00
E teatroskri inscenacija vaš o bare manuša. Sikhaďi sar 74. premijera andro Teatro Romathan. Thoďi hiňi andro historicka berša, kana chudľas o 19. šelberšipen. O šerutno motivos hino o na domukhlo kamiben maškar o gavutno raj the e romaňi džuvľi. E inscenacija sikhavel, so šaj užaren ajse manuša, sikhavel o konfliktos, u dikhel savo dživipen hino la čha, savi ole manušendar uľiľas.
e kategorija: e drama
o tagi: teatros drama giľaha originalos romanes Romathan sakoneske interno
Cigansko boxeris - o teatro
kerdo: 10. 02. 2020 19:48 opre kerdo: 27. 11. 2020 02:00
Cigansko boxeris – e monodrama savi sikhavel sar dživelas o ňemciko bokseris savo sas romano manuš, o Johann Wilhelm Trollman, saves vičinenas „Rukeli“. Andro nacisticko Ňemciko o Rukeli sas o majstros andro jepašpharo pharipen. Paľis leske o titulis ile vaš oda, hoj sas Sinto. Johann Trollmanes bičhade andro berš 1943 andro koncentračno taboris Neuengamme, kaj les murdarde.
Autorka: Rike Reiniger
Translacija: Lucie Ceralová
Režija: Gabriela Krečmerová
Khelel: Filip Teller
e kategorija: e drama
o tagi: teatros drama laveha pre scena originalos čechika Filip Teller sakoneske interno