Žaneta Štipakovo - o vakeriben
kerdo: 19. 08. 2019 14:29 opre kerdo: 27. 11. 2020 02:00
E Žaneta Štipakovo avri phirďas o odboris o bašavibnaskro the dramaticko džaňiben pre Maškarutňi umelecko škola andro Košice, kaj resľas o učeder maškarutno sikhľuviben. Kerelas buťi sar e hangoskri pedagogička pro Privatno konzervatorijum Prahate, the sar e asistentka le sikhavnengri pre zakladno škola andro Košice.
Akana hiňi andro Teatro Romathan. Odoj khelel, giľavel, kerel e režija the pisinel peskre dramaticka buťa.
O vakeriben hino pal lakro personalno the buťakro dživipen the pal e romaňi kultura.
e kategorija: vakeriben
o tagi: leperiben biograficko monolog moderovano slovaťiko Žaneta Štipáková sakoneske interno
Balvalfest
kerdo: 25. 03. 2019 08:22 opre kerdo: 27. 11. 2020 02:00
O video pal o 13. romano festivalos, kerdo andro berš 2013 andro gav Kokava nad Rimavicou. Pro festivalos pes prezentinel na ča o tradično romano bašaviben, sikhaven the o moderna žanri. O organizatora sako berš pro koncertos akharen le interpreten pal o Slovaťiko the andal o aver thema. O video sikhavel kotora andal o bašavibena (o tradično romano bašaviben, rom-pop), the o vakeriben le festivaloskre organizatoriha Vladimiroha Sendreioha.
e kategorija: bašaviben
o tagi: vokalno-inštrumentalno moderno mix originalno averestar slovaťiko romanes ungrika Vladimír Sendrei sakoneske interno
O Romane benga - o koncertos
kerdo: 25. 03. 2019 08:07 opre kerdo: 27. 11. 2020 02:00
O Romane benga sar e grupa kerďi le romane lavutarendar phenen, hoj sar e formacija chudle te bašavel andro berš 1991. Lengri zor hiňi andro bravurno, virtuozno interpretacija kana bašaven e romaňi muzika e foroskri, e klasicko lumakri muzika, no hin len the jekhetaňi buťi le akanutne giľavnenca the muzikantenca so hine prindžarde andre popularno muzika. O orchestros bašavel but koncerti pre Slovakija, sajekh sar andro aver thema, imar bašade pro pandž kontinenta. Pro koncertos andro Prešov savo sas 24.10.2013 andro kinos Scala bašade avka: o giľavipen the o violončelo – Silvia Šarköziová, e viola – Jozef Farkaš, o kontrabas – Tibor Lévai, o solo kontrabas – Alexander Mihok, e lavuta – Emil Hasala, e klarineta, o tarogato – Zoltán Grunza, e cimbalm – Ernest Šarközi, o primašis (e lavuta) – Štefan „Picur“ Banyák.
e kategorija: bašaviben
o tagi: vokalno-inštrumentalno klasicko akanutno orchestra folklorno romanes Cigánski Diabli sakoneske interno
Marco Pillo - Miro kamiben
kerdo: 25. 02. 2019 16:22 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos sikavel leskri interpretacija, e giľi hiňi Amor mio/Miro kamiben andal o albumos Volare khatar e romaňi grupa Gipsy Kings.
e kategorija: bašaviben
o tagi: vokalno-inštrumentalno moderno flamenco solo averestar špaňijelska Marco Pillo sakoneske interno
O Bihariskro festivalos 2013
kerdo: 28. 01. 2019 09:26 opre kerdo: 27. 11. 2020 02:00
O Bihariskro festivalos hino o cyklus, o koncerti, save pen sako berš keren andre Dunajsko Streda. O organizatora hine e themutnengri asocijacija Dunajskostredsko romane lavutara the o Sikhavibnaskro kulturno centrum pro Žitno ostrovos. No o gindo the kerel ajso festivalos, a o nekh buter aktivno organizatoris hino o Štefan Banyák phureder, o romano lavutaris. Jánoš Bihari (21. 10. 1764 Veľké Blahovo, Slovakija – 26. 4.1827 Budapešť, Ungriko) sas maškar o nekh bareder lavutara andre puraňi Austrijsko-Ungriko monarchija, resľas the le kraľoskro kher. Sar o lavutaris the kompozeris peskra buťaha the muzikaha diňas e inšpiracija le kompozitorenge prindžarde andre luma, sar sas o Franz Liszt, vaj o Ludwig van Beethoven. O digitalno kulturno objektos sikavel o galaprogramos.
e kategorija: bašaviben
o tagi: vokalno-inštrumentalno moderno mix orchestra originalno Biháriho orchester sakoneske interno
Roman Goroľ - Šilalo čalaviben našade tosarastar
kerdo: 14. 12. 2018 13:25 opre kerdo: 27. 11. 2020 02:00
Roman Goroľ uľiľas 15.8.1969 andro Vranov nad Topľou. Hin les romňi, trin čhave a kerel buťi sar o sikhavnengro asistentos pre zakladno škola andro gav Čaklov, kaj the bešel. Roman Goroľ phirelas pre Pedagogicko fakulta pre Prešovsko univerzita andro Prešov, kaj agorinďas o bakalarsko učipen. Roman Goroľ bares kamel e literatura, poezija the e proza. Imar kana sas ča terno čhavo, pisinelas o charne giľutne pal o dživipen, emociji, pal o kamiben. Leskro literarno džaňiben pes sikavel andre poeticko kňižka, Šilalo čalavipen našade tosarastar, savi avri diňas e Štatno džaňibnaskri kňižňica andro Prešov andro berš 2016, o ilustraciji kerďas o Martin Kaleja Januv. Štar giľutne andre romaňi the angľičaňiko čhib prethoďas Erika Godlová. O video kerdo pro 1.12.2016 sikavel o autoris, savo pisinďas ola giľutne, sikavel varesave leskre giľutne, o vakeriben hino the pal o ilustratoris Martin Kaleja Januv, leskro džaňibnaskro talentos šaj dikhen pro video. František Godla the o Dušan Onody sar Duo Farsa buchľarde o programos peskre bašavibnaha. (Khatar: Roman Goroľ, Šilalo čalavipen našade tosarastar, personalno rodipen).
e kategorija: vakeriben
o tagi: leperiben biograficko dialog korkoro slovaťiko romanes Roman Goroľ František Godla Dušan Onody sakoneske interno
Duo Farsa, Marco Pillo - E raťi andre Ankara
kerdo: 13. 12. 2018 10:10 opre kerdo: 27. 11. 2020 02:00
E inštrumentalno kompozicija E raťi andre Ankara hiňi e autorsko kompozicija, savi kerďas o gitarovo duo František Godla the Dušan Onody - Duo Farsa. E kompozicija kerde, kana oda gitarovo duo sas andre Turkija. Duo Farsa bašavel peskre autorska, emotivna kompoziciji andal o buter žanri, nekh buter o špaňijelika ritmi, the o flamenco. Bašavel lenca o Marco Pillo (o bašaldo, o giľavno, o kompozitoris), bašavel pro cajon. O video sas kerdo 31.3.2014 andro Teatro Jonaš Zaborsky pre Cikňi scena, kana o Dušan Onody prezentinelas peskri kňižka giľutnenca: Tuke, ča tuke.
e kategorija: bašaviben
o tagi: inštrumentalno moderno flamenco trio original autoristar Duo Farsa Marco Pillo sakoneske interno
Stanislav Cina - O rezbaris
kerdo: 11. 12. 2018 12:00 opre kerdo: 27. 11. 2020 02:00
O charno vakeriben, o Stanislav Cina vakerel pal e rezbarsko buťi le kašteha andro pastoračno centrum andro gav Čičava. O Romano pastoračno centrum učharel e formačno the misijno buťi andro romane komuniti nekh buter andal o vranovsko okresis. Prekal e organizacija O kerado timos kerde andro berš 2012 o projektos vaš o arakhipnaskro buťakro kher, kaj ile andre buťi le hendikepovana Romen so bešen paš o Vranov nad Topľou. Andro kada arakhipnaskro buťakro than kerenas o rezbarska buťa le kašteha, save ľidžalas o Milan Krajniak. Nekh buter kerenas o sakralna temi.
e kategorija: vastengre buťa
o tagi: džide tradična artistikano kašta čhiňiben slovaťiko Stanislav Cina - O rezbaris sakoneske interno
E Šarlota Bottová - e čitratuňako portretos
kerdo: 11. 12. 2018 10:31 opre kerdo: 27. 11. 2020 02:00
E Šarlota Bottová (1989-) hiňi e čitrtuňi andre Rimavsko Baňa, peskri buťi kerel andre Hnúšťa. Agorinďas e Maškarutňi džanibnaskri škola andre Rimavsko Sobota sar e kozmetička. Andro čitratuňipen lake nekh pašeder hine o portreta, o čitripen le linijenca. Peskre buťa e Šarlota Botová sikavelas Prahate (2016) andre galerija Phundrado vudar, pro sikaviben vaš o amatersta romane čitratune AraArt, andro Košice (2017) andro Vymennikos Važecká, andre Hnúšťa (2017) andre Knižnica prof. Štefanoskri Pasiaroskri the andre Rimavsko Baňa. O čitrimen portretos sikavel le britsko aktoris, o bašaldo the lekhado James Hugh Calum Laurie.
e kategorija: čitratuňipen
o tagi: sekularno materialno artistikano in persona čitripen slovaťiko Šarlota Bottová sakoneske interno
Adela Orgovánová - o leperibnaskro vakeriben
kerdo: 09. 12. 2018 16:30 opre kerdo: 27. 11. 2020 02:00
E Adela Orgovánová (1936-) hiňi Perješistar, kaj dživel savoro lakro dživipen. Ochto beršengri predžidžiľas e raťi, kana o Sovijeta bombardinde o Prešov. O bombi pro foros čhide 20.12.1944, perenas buter sar 70 minuti. Na džanel pes, keci manušen murdarde, oficijalno Perješiste parude 140 dženen. O bombi save čhivenas, prindžarde the sar o Stalinoskre momeľa, phagerde baro kotor khera andro foros. E Adela Orgovanovo peske leperel, sar oj la fameľijaha ola bombi predžidžile. Leperel pro dživipen andro Prešov andro Dujto lumakro mariben the pal o mariben - vakerel pal peskri fameľija, pal o čhavorikaňipen, pal o peskre terne berša, e buťi, the pal o mangipena, čoripen, amaľipen the pal o moľipena.
e kategorija: vakeriben
o tagi: leperiben biograficko monolog moderovano slovaťiko sakoneske interno
