Drahoslav Bango
kerdo: 29. 10. 2024 09:38 opre kerdo: 29. 10. 2024 09:39
Drahoslav Bango hino o absolventos andal o konzervatorijum Bratislavate the Janáčkovo akademija vaš o artikaňibena Brnoste. Paš o študijum phirďas u chudľas buter moľipena pro bare maškarthemutne kompeticiji sar hin o Liszt Ferenc maškarthemutno piano kompeticija andro Budapešť, e Maškarthemutňi Novákovo klavirno kompeticija, Danubia Talents andro Viedeň, the but aver. Pro koncerti bašavelas andro Izrael, Srbija, Rumuňija, Ungriko u andro aver thema. Bašavel e klasicko muzika, the jazz u world music. Akana sikhavel pro Bratislavsko konzervatorijum. O leperibnaskro vakeriben hino pal o jekhto uštara andro bašaviben, pal o študijum, klavirna kompeticiji the pal o leskri akanutňi bašavibnaskri the profesno buťi.
e kategorija: vakeriben
o tagi: leperiben biograficko monolog moderovano slovaťiko Drahoslav Bango sakoneske interno
Vojtech Bunda
kerdo: 29. 10. 2024 07:08 opre kerdo: 29. 10. 2024 09:22
Vojtech Bunda hino andal o foros Košice, andal e lavutarengri fameľija. Čhavorestar bašavel pre bari bugova. Bašavelas andro kapeli andro buter folklorna ansambli andro Košice (Železiar, Východniar, the aver). Bašavelas pre Slovaťiko the avri, kaj sikhľiľas sar te bašavel buter bašavibnaskre štili u žanri. Sas maškar o džene, save ačhade opre o teatro Romathan, the akana hino odoj o dženo. Bašavel the andre kapela Kaschauer Klezmer Band, the andro buter aver grupi.
e kategorija: bašaviben
o tagi: leperiben biograficko monolog moderovano slovaťiko Vojtech Bunda sakoneske interno
Marek Michael Konček
kerdo: 28. 10. 2024 07:54 opre kerdo: 28. 10. 2024 07:55
Marek Michael Konček hino andal e Končekovo fameľija lavutara andal o regijonos Turiec. Barolas Martinoste, o kamiben vaš e muzika bararelas ciknorestar. Phirelas pro konzervatorijum Ján Levoslav Beloskro Bansko Bystricate, o bakalarsko študijum kerďas pre Uči škola vaš o muzicka artikaňibena Bratislavate, o magistersko študijum pre Akademija vaš o artikaňiben Bansko Bystricate, o postgradualno študijum Krakovoste. Bašavel andro buter grupi u the vaš o Slovaťiko komorno teatro, Slovaťiko nacijonalno teatro, e Nová scéna, bašavel le artikane dženenca pre Slovaťiko the andal o Polťiko. Andro video vakerel pal e peskri fameľija, pal o dikhiben pre kultura, pro sikhľuviben the savo than phirel la kulturake andro manušikano dživipen, andro narodos. O video sas kerdo 11.10.023 andro dokumentačno the informačno centrum vaš e romaňi kultura.
e kategorija: vakeriben
o tagi: leperiben biograficko monolog moderovano slovaťiko Marek Michael Konček sakoneske interno
Kvetoslava Podhradská
kerdo: 21. 10. 2024 08:28 opre kerdo: 21. 10. 2024 08:29
Kvetoslava Podhradská uľiľas andro Ostrovany paš o Sabinov. Efta beršengri geľas la fameľijaha te bešel andre Ostrava-Poruba. Te pisinel chudľas mek kana phirelas pre maškarutňi škola. Hiňi e džeňi andro Klubos romane autorengro Paramisara, savo kerel e organizacija Slovo 21. Pisinďas buter charne lekhavibena, andro save thoďas o historicko prindžaripen peskra fameľijakro the lakro leperiben pro čhavoripen. Andro berš 2022 diňas avri e čhavorikaňi kňižka tel o nav O vakeriben paš o ľekvaris, savi chudľas buter moľipena. Andro leperibnaskro vakeriben leperel pro peskro čhavoripen pre Slovaťiko the pro dživipen andre Čechiko republika. Vakerel the pal e romaňi čhib, pal o romipen, the sar chudľas te pisinel u pal peskri literarno buťi.
e kategorija: vakeriben
o tagi: leperiben biograficko monolog moderovano čechika romanes Kvetoslava Podhradská sakoneske interno
Peter Balogh phureder, Peter Balogh terneder
kerdo: 18. 10. 2024 09:04 opre kerdo: 18. 10. 2024 09:05
Peter Balogh phureder the Peter Balogh terneder hine o dad the o čhavo, so duj džene bašaven pre lavuta. Hine Kašatar. Jekhetanes vakeren o leperibena, pal e fameľijakri historija, sar chudle te bašavel pre lavuta, kaj sikhľonas u savi sas lengri bašavibnaskri karijera. Vakeren pal o romano bašaviben varekana the akana u sajekh pal peskre plani vaš o avipen.
e kategorija: bašaviben
o tagi: leperiben biograficko monolog moderovano slovaťiko Peter Balogh Peter Balogh ml. sakoneske interno
Ábel Ravasz - O kher zorarde manušeskro rajipnastar Slovaťiko republikakro vaš o romane komuniti
kerdo: 02. 07. 2024 09:46 opre kerdo: 02. 07. 2024 09:46
Ábel Ravasz hino socijologos u politikos, savo nekbuter kerel o temi pal minoriti u regijoni. Sikhľolas pro univerziti andro Ungriko the USA, resľas o titulos andre politologija, ekonomija the socijologija. Kerelas buťi sar o konzultantos vaš e sera Most-Híd, andal e sera chudľas e nominacija pre pozicija sar o zorardo manuš rajipnastar SR vaš o romane komuniti, pre savi sas andro berša 2016-2020. Hino maškar o džene so kerde e organizacija Purt, savi anel jekhetanes le romane, ungriko the slovaťiko aktivisten u aktivistken. Sajekh sas o eksekutivno šerutno andro Inštitutos Matej Beloskro. Andro vakeriben vakerel pal e peskri buťi andro Kher zorarde manušeskro rajipnastar SR vaš o romane komuniti, pal o leskre aktiviti u prijoriti, pal oda, so resle te kerel, vaj so nadoresle.
e kategorija: vakeriben
o tagi: leperiben džaňiben biograficko faktograficko monolog moderovano slovaťiko Ábel Ravasz sakoneske interno
Ábel Ravasz
kerdo: 02. 07. 2024 09:28 opre kerdo: 02. 07. 2024 09:28
Ábel Ravasz hino socijologos u politikos, savo nekbuter kerel o temi pal minoriti u regijoni. Sikhľolas pro univerziti andro Ungriko the USA, resľas o titulos andre politologija, ekonomija the socijologija. Kerelas buťi sar o konzultantos vaš e sera Most-Híd, andal e sera chudľas e nominacija pre pozicija sar o zorardo manuš rajipnastar SR vaš o romane komuniti, pre savi sas andro berša 2016-2020. Hino maškar o džene so kerde e organizacija Purt, savi anel jekhetanes le romane, ungriko the slovaťiko aktivisten u aktivistken. Sajekh sas o eksekutivno šerutno andro Inštitutos Matej Beloskro. O vakeriben hino pal o temi sar ekstremizmus, čoripen, segregacija vaj o internetnicka dikhipena. Vakerel pal e aktivno participacija le minoritengri pre Slovaťiko the pal e misija u e buťi savi kerel o Inštitutos Matej Beloskro.
e kategorija: vakeriben
o tagi: leperiben džaňiben biograficko faktograficko monolog moderovano slovaťiko Ábel Ravasz sakoneske interno
Júlia Kozáková
kerdo: 27. 06. 2024 13:10 opre kerdo: 27. 06. 2024 13:11
Andre kapela Manuša bašaven o profesijonalna lavutara. O projektos avel khatar e inicijativa savi kerďas e slovaťiko giľavňi Júlia Kozáková, bašaven o Ľubomír Gašpar pre cimbalma, o Viliam Didiáš pre lavuta, Vojtech „Bélu“ Botoš pre vijola, Ján Rigo pre bari bugova. Andro berš 2022, le pomožipnaha khatar o Fondos vaš o nacijakre minoritengri kultura SR u Bratislavsko samospravno regijonos kerde o albumos, savo pes vičinel Manuša. Pro albumos hine 10 giľa – o tradična romane giľa andro lengre aranžmana.
O dokumentačno the informačno centrum vaš e romaňi kultura chudľas andro berš 2022 te kerel e dokumentacija pal o romane cimbalova kapeli, nekbuter ola, save ľikeren e tradicija andre fameľija.
E Júlia Kozáková giľavel u hiňi e šerutňi andro bašavibnaskro projektos Manuša. Lakro študijum sas etnomuzikologija the socijalno antropologija. Kerel the o sikhavibnaskre aktiviti vaš o čhavore u terne manuša pal o bašavipen the giľavipen. O profilovo vakeriben.
e kategorija: vakeriben
o tagi: leperiben biograficko monolog moderovano slovaťiko Júlia Kozáková interno sakoneske
Miroslav Pollák
kerdo: 27. 06. 2024 07:19 opre kerdo: 27. 06. 2024 07:22
RNDr. Miroslav Pollák - e romaňi tema kerel le beršestar 1998 jekhetanes buter birajipnaskre biprofitoskre organizacijenca. Peskre rodipnaskre aktiviti kerel andre socijalno ekonomika, komunitno vazdipen, o čoripen u o sistemova lačharipena vaš e socijalno pozicija savi phirel le marginalizovano grupenge. Andro berša 2010 - 2012 sas o zorardo manuš rajipnastar SR vaš o romane komuniti. But berša kerel o aktiviti vaš o manušikane čačipena. Sar o aktivistas u o šerutno andre themutnengri organizacija Krásny Spiš (Šukar Spiš) kerel o projekti save roden pal o maribena u nasloboda andro 20. šelberšipen. Kerďas buter deša ekshibiciji pal o eksodi u pal o naciji pre Slovaťiko. Leskri sas e inicijativa te ačhavel o leperibnaskro than le manušenge save tirinde andro eksodi pre Slovaťiko, diňas avri buter kňižki pal o manušikane čačipena. O angažovana kulturna aktiviti save paruven savoro jekhetaňiben kerel the prekal e asocijacija Živákultúra (E džiďi kultura).
e kategorija: vakeriben
o tagi: biograficko monolog moderovano slovaťiko Miroslav Pollák sakoneske interno
Ľubomír Gašpar
kerdo: 26. 06. 2024 09:59 opre kerdo: 26. 06. 2024 10:56
Mgr. art Ľubomír Gašpar hino andal e Detva, akana bešel Bratislavate. Te bašavel pre cimbalma sikhľolas andro Konzervatorijum Ján Levoslav Belloskro Bansko Bystricate, paľis andre Bašavibnaskri the artikaňi akademija Ján Albrechtoskri andre Bansko Štiavnica. Akana sikhľol andro JAMU andro Brno. Bijo oda, hoj hino o profesijonalno bašaldo, sikhavel o bašaviben the pro Privatno konzervatorijum Dezider Kardošiskro andro Topoľčany. Leskro bašavibnaskro drom hino multižanrovo, kerel e fuzija maškar o elemenat andal o folkloris, klasicko bašaviben vaj džez. Bašavel andro buter grupi, sar o SOLE, Ľubomír Gašpar Cimbal Project, saveha kerďas duj albumi: The Point of Vieľ, savo andro berš 2017 chudľas o moľipen Radio Head vaš o nekfeder albumos andre kategorija World Music the o Ľubozvuk (2021). Hin les o permanentno than andre grupa Manuša, savenca avri diňas sajekh naveha o albumos andro berš 2022.
e kategorija: vakeriben
o tagi: leperiben biograficko monolog moderovano slovaťiko Ľubomír Gašpar sakoneske interno
