Romengro phiriben Bielcza
kerdo: 31. 01. 2020 15:29 opre kerdo: 27. 11. 2020 02:00
Andro berš 1942 andre Bielcza andro Polťiko o Ňemci murdarde 41 Romen andal e Kwiekovo fameľija. Oda sas o phirde Roma, Kalderaša. Paš o lengro jekhetano hrobos but šukares keren o lokalna manuša.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
Romengro phiriben Borzęcin
kerdo: 31. 01. 2020 15:25 opre kerdo: 27. 11. 2020 02:00
Andro Polťiko, andro gav Borzęcin pre lokalno mulaňi bar hino o leperibnaskro than vaš o 29 Roma, pal lengri ekshumacija, saven andro 1942 ľivinde o Ňemci. O leperibnaskro than sas kerdo the andro pašo veš, pro than, kaj ole Romen o nacista murdarde.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
Romengro phiriben Szczurowa
kerdo: 31. 01. 2020 14:26 opre kerdo: 27. 11. 2020 02:00
Andro Dujto lumakro mariben, konkretno 3.7.1943 andro gav Szczurowa andro Polťiko o fašista murdarde 93 lokalna Romen. Kadi tragedija amenge leperel o leperibnaskro bar, savo hino o jekhto maškar o leperibnaskre bara vaš o romano holokaust pre luma.
e kategorija: vakeriben
o tagi: džaňiben faktograficko monolog humanitno polťiko Adam Bartosz sakoneske interno
Róbert Rigó - o charťikano simpozijum
kerdo: 20. 10. 2019 19:00 opre kerdo: 27. 11. 2020 02:00
Róbert Rigó (1953) hino o umelecko charťas andal e Dunajsko Lužná. Leskra charťaňatar u andal e charťaňi Hefaiston hine o vasteha charťimen buťa. Le cikne momeľengrendar prekal o bare zabradlija či ki o dominantna vudara. Šaj len arakhen pre sasťi Slovakija the andro but thema andre luma. Róbert Rigó nekh buter kerel e tradično buťi u zumavel te ľikerel o purane romane charťipnaskre motiva the techniki.
Róbert Rigó hino o šerutno andre asocijacija Charťikano, save 2018 beršeste kerďas imar 15. var o Europakro romano charťipnaskro simpozijum, u savo andre Charťipnaskri galerija sikhavel e barvaľi buťi le majstrendar charťendar andal e Dunajsko Lužná.
E Dunajsko Lužná angomis vičinenas Trastuno gav. O charťipen adaj hin sar buter sar 300 šel berša tradicija u dži adaďives adaj hin nekh buter charťane pre Slovakija.
e kategorija: vakeriben
o tagi: leperiben faktograficko monolog moderovano slovaťiko Róbert Rigó sakoneske interno
E džiďi kňižka - O džuvľa džuvľenge
kerdo: 02. 09. 2019 08:36 opre kerdo: 27. 11. 2020 02:00
E džiďi kňižka - O džuvľa džuvľenge sas kerďi pro 12.04.2017 andro Wave Club andro Presov, paš o Lumakro Romano Ďives. O akharde džene sas e Mgr. Ildiko Gorova the e Mgr. Gabriela Gaborova andal o gav Vtačkovce. I. Gorovo hiňi e sikhavňi odoj, andre lokalno zakladno škola, e G. Gaborovo hiňi e koordinatorka vaš e terenno socijalno buťi andro Kher le zorarde manušeskro rajipnastar SR vaš o romane komuniti.
Te bašavel sas akhardo o Arpi Farkas Jazz Trio (Arpad Farkas - e zongora, Angela Farkasovo - o giľavipen, Adrian Sajko - e bari bugova).
e kategorija: vakeriben
o tagi: leperiben faktograficko dialog moderovano slovaťiko romanes Ildikó Gorová Gabriela Gáborová sakoneske interno
Cigansko bašavel
kerdo: 02. 09. 2019 08:30 opre kerdo: 27. 11. 2020 02:00
Ciganski bašavel hino o festivalos vaš e romaňi kultura, savo kerde jekhtovar andro berš 2009 sar o projektos andre Themutnengri Asocijacija Dive maki. O than vaš e prezentacija chuden o amaterska the profesijonalna romane subora, the o štipendista andal o Dive maki - o talentovana romane čhavore pal o savoro Slovaťiko. O festivalos hino multižanrovo, kerel pes avri pro phundrado than. O video sas kerdo 29.08.2013.
e kategorija: vakeriben
o tagi: leperiben faktograficko monolog moderovano slovaťiko Vladislava Dolníková sakoneske interno
Karel Adam
kerdo: 12. 12. 2017 15:09 opre kerdo: 27. 11. 2020 02:00
Karel Adam, DiS.art, (1953-) hino o profesijonalno lavutaris − primašis, dirigentos, u kana sas o vakeriben kerdo, the o šerutno (1998-2016) andro profesijonalno romano teatro Romathan. Kana agorinďas o Themeskro konzervatorijum Kašate geľas te kerel andro agenturi Slovkoncert the Pragokoncert. Kana agorinelas o berš 1992 geľas te kerel andro nevo kerdo teatro Romathan sar o šefdirigentos andro teatroskro orchestros. Karel Adam vakerel pal o peskro čhavoripen, pal oda, sar chudľas te kerel e buťi andro teatro Romathan. Vakerel pal o uštara, sar pes vazdelas o teatro, u pal o moľipena, save ada teatro kamel te del le manušenge, save aven. Sajekh, vakerel pal o termini sar o romano bašaviben, e romaňi kapela, akanutňi romaňi bašavibnaskri produkcija, autenticita.
e kategorija: vakeriben
o tagi: leperiben faktograficko monolog moderovano slovaťiko Karel Adam sakoneske interno
Ján Sajko - pal o talentos te čitrinel Jarovňicate
kerdo: 07. 12. 2017 09:26 opre kerdo: 27. 11. 2020 02:00
O sikhavno pro čitratuňipen pre Zakladno škola Jarovňicate andro video dokumentos vakerel pal o talentos te čitrinel, savo hino maškar o čhavore andro gav, pal o lengro čitratuňipnaskro averipen, savo lenge anďas pherdo moľipena andal e savori luma. Pre romaňi škola hino le beršestar 1986, leperel pro leskro drom, vakerel the pal o viziji, plani, realita the o avipen, savo šaj el le čhavoren Jarovňicatar. O sikhavneskre moľipena:
2000 - Szinyei Merse Pál Medaila - le sikhavnenge the študenta pre ZŠ the o Gymnazium SMP andro Budapešť
1997 - Leperibnaskro ľil sunto Gorazd (Ministerstvos vaš o školi SR)
2002 - E cikňi medaila sunto Gorazd (Ministerstvos vaš o školi SR)
e kategorija: vakeriben
o tagi: leperiben faktograficko monolog moderovano slovaťiko Ján Sajko sakoneske interno
Ivan Akimov - E Romaňi kultura
kerdo: 01. 12. 2017 16:04 opre kerdo: 27. 11. 2020 02:00
Ivan Akimov, o bašaldo dženo andal e rusiko fameľija, avri bariľas andro Francuziko, dživel andro Kežmarkos pre Slovaťiko, profesijonalnes kerel buťi le romane čhavorenca andro artistikano suboris Kesaj čhave. Vaš peskri lunge beršengri buťi andre artistikaňi luma u buťi le Romenca chudľas o moľipen khatar o francuziko ambasadoris pre Slovaťiko, o themeskro moľipen E komunita Nacijonalno Vitézis. Ivan Akimov vakerel pal e romaňi kultura pre Slovaťiko, lakro moľipen u oda, so anel andro savoro khetaňiben.
e kategorija: vakeriben
o tagi: leperiben faktograficko monolog moderovano slovaťiko Ivan Akimov sakoneske interno
Kmeťoband - čačo romano bašaviben
kerdo: 04. 08. 2017 15:21 opre kerdo: 27. 11. 2020 02:00
Kmeťoband - e grupa, savi andro berš 1999 kerde o Igor Kmeťo phureder u o Igor Kmeťo terneder. O dad u o čhavo. O Igor Kmeťo phureder hino o manažeris vaš e grupa, o Igor Kmeťo terneder bašavel pro sintetizatoris, saksofonos, giľavel u kerel o bašavibnaskre aranžmani. E grupa lel o temi andal o dživipnaskre prindžaripena u sitaciji - o kamiben, o pharipen, o ternengro dživipen. Buchleder ačhile prindžarde maškar o šuňibnaskre džene le akanutňa popularna bašavibnaskre žanrengre kana lačhes kerenas jekhetane le prindžarde rapereha Rytmusoha. O giľa hine zorales temperamentna u emotivna. O žanros hino o rom-pop, nekh buter o kheľibnaskro bašaviben. O vakeriben hino pal oda, so o Igor Kmeťo phureder the Igor Kmeťo terneder personalno gindinen pal e romaňi muzika, pal o but formi so la hin, e historija, o vazdipen u pal o akanutne bašavibnaskre trendi.
e kategorija: vakeriben
o tagi: leperiben faktograficko monolog moderovano slovaťiko Igor Kmeťo st. Igor Kmeťo ml. sakoneske interno
