Adriana Drafiová
kerdo: 07. 11. 2022 11:58 opre kerdo: 07. 11. 2022 12:02
Adriana Drafiová prindžarďi sar e Gitana, hiňi e romaňi giľavňi. Sar e interpretka la hin o prindžardo u zoralo hangos, giľavel nekbuter o rom-popova giľa the o giľa vaš o kheľiben, akana vazdel peskro profilos the andre muzikakri kompozicija. Andro palune berša kerďas lačhes jekhetaňo buťi le prindžarde artikane dženenca andal e mainstreamovo slovaťiko the čechiko bašavibnaskri scena. Vakerel pal e peskri fameľijakri historija, sar chudľas te giľavel, pal o bašaviben the inšpiracija vaš lakre kompoziciji, no the pal o romipen the romaňi čhib.
O vakeriben sas dokumentimen 19.11.2021 andro Prešov, andro Wave Club - O centrum vaš e slobodno kultura.
e kategorija: vakeriben
o tagi: leperiben biograficko monolog moderovano slovaťiko Adriana Drafiová Gitana džaňibnaskri diskusia akademicko interno
Štefan Vavrek
kerdo: 24. 10. 2022 11:27 opre kerdo: 24. 10. 2022 11:30
Štefan Vavrek hino o sikhavno (e matematika u etika), absolventos andal e Univerzita Konštantinoskri Filozofoskri andre Nitra. Sikhavelas andro foros Tornaľa. Andro berš 2007 sas jekh maškar o džene save kerde e asocijacija vaš o mentora vaš o romane čhavore tel o nav Tanoda, o sikhaviben vazdelas the prekal e organizacija Ternipe savi bešel andro gav Rimavská Seč.
Andre politika kerďas o jekhto uštara pro lokalno učipen, sas o šerutno andre Rimavsko Seč. Andro berš 2018 pes dochudľas sar poslancos vaš e politicko sera Most-Híd andre Narodno rada Slovaťiko republikakri. Leskri agenda sas o sikhaviben u o vazdipen andro regijona. Andro vakeriben džal pal o politicka, minoritna the personalna temi.
e kategorija: vakeriben
o tagi: leperiben biograficko monolog moderovano slovaťiko Štefan Vavrek sakoneske interno
Ľudovít Petík
kerdo: 24. 10. 2022 10:06 opre kerdo: 24. 10. 2022 10:37
Ľudovít Petík hino andal e prindžarďi lavutarengri fameľija, kaj o manuša sas sikhade te bašavel u paš oda te kerel the varesavi vastengri buťi. Avka oda hin andre leskri fameľija dži akana. Ľudovít bašavelas u the savore leskre 45 buťakre berša sas šoferis. Palune tranda berša šoferinelas o foroskre autobusi andro Prešov.
e kategorija: vakeriben
o tagi: leperiben biograficko monolog moderovano slovaťiko Ľudovít Petík sakoneske interno
Alexander Mušinka – O Projektos Svinia 3. So olestar hin u o agor le projektoskro.
kerdo: 04. 10. 2022 09:10 opre kerdo: 04. 10. 2022 09:21
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris.O trito kotor vakeriben hino pal o lačharipena u učeder kvalita andro dživipnaskro than andre osada. Sar pes lačharelas o problemos le paňeha vaš o pijiben, e kanalizacija vaj o bešipen.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
Alexander Mušinka – O Projektos Svinia 2. O pomožipen andro sikhľuviben u buťariben.
kerdo: 04. 10. 2022 08:57 opre kerdo: 04. 10. 2022 09:00
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris. Andro dujto kotor vakeriben vakerel pal o buter detaila pal o konkretna aktiviti andre osada, sar o lokalna Roma kerenas peskro kotor sar o themutne, pal o pomožipen andro sikhľuviben the buťariben. Soske kampelas te ačhavel e maťersko škola vaš o čhavore pro than, sar pomožinenas le chabnaha vaš o čhavore andre škola dži kijo pal e školakre aktiviti u oda, hoj pen kerde buter buťakre khera vaš o Roma andre osada.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
Alexander Mušinka – O Projektos Svinia 1. Khatar o projektos chudľas
kerdo: 03. 10. 2022 15:28 opre kerdo: 03. 10. 2022 15:31
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris. O jekhto kotor vakeriben hino pal oda, sar pes oda projektos chudľas te kerel, khatar sas o love, u so le projektoha kerďas o baro paňi andro berš 1998.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
E džíďi kňižka - Lomnické čháve
kerdo: 22. 09. 2022 10:02 opre kerdo: 22. 09. 2022 10:02
Lomnické čháve hine e rompop kapela, kaj o kapelňikos hino Milan Polhoš, o manažeris hino Tomáš Slebodník. Andro lengro repertoaris hine nekbuter o folklorna giľa slovaťika, the aver nacijendar, save giľaven u bašaven andro pop aranžmana, pro elektronicka inštrumenta. O video hino o vakeriben le dženenca andal e kapela u le manažeriha. O video sas kerdo 8.7.2020 andro Prešov, andro Centrum vaš e slobodno kultura Wave.
e kategorija: vakeriben
o tagi: leperiben biograficko dialog moderovano slovaťiko romanes Lomnické čháve sakoneske interno
Maristella - Pal e fameľija u pal e Elena Lacková
kerdo: 18. 07. 2022 13:55 opre kerdo: 18. 07. 2022 13:56
E phen Maristella, lakro civilno nav Mária Kačová, hiňi e katoľicko khangerakri phen andre Congregatio Jesu, prindžardo maškar o manuša sar „o angľicka čhaja“. Dživel andro Prešov, kaj but berša pomožinel le džuvľenge, dajenge le čhavorenca, the bikhereskre manušenge, save tirinen o pharipena. Kerel o aktiviti, kaj pes kidel o chaben the o gada. But dekadi bašavel pro organ u giľavel andre konkatedrala st. Mikulášoskri andro Prešov. Andro berš 2009 chudľas O moľipen khatar o foros Prešov. Lakro dad bašavelas andro orchestros andro Poddukelsko artikano folklorno suboris (PUĽS). Lakri bibi sas e jekhto romaňi lekhavňi pre Slovaťiko, e Elena Lacková.
e kategorija: vakeriben
o tagi: leperiben biograficko monolog moderovano slovaťiko Maristella sakoneske interno
Džiďi kňižka: Loli paradička
kerdo: 18. 05. 2022 09:19 opre kerdo: 18. 05. 2022 09:21
O filmos Loli paradička hiňi e romanticko komedija pal o kamiben maškar e Veronka u Milan, savo phirel te bikenel pro jarmoki. So duj dženen hin varesavo pharipen – le Milan nane o pindro, e Veronka hiňi romaňi. The avka predživen vareso čačo, pherasutno the pharo maškar lende, o ďivesa, kana paťan andro avipen, kamiben, humor. Scenaris u režija: Richard Staviarsky, Viťo Staviarsky. Bašaviben: Štefan Cína, Viťo Staviarsky. O šerutne roli khelde Michal Iľkanin u Kamila Mitrášová. Pro festivalos Art Film Fest o filmos chudľas o Moľipen le manušendar, andro berš 2019 sas o nekhbuter dikhlo slovaťiko filmos. Pro kidipen andal e serija Džide kňižki, save kerel e Themeskri džaňibnaskri kňižnica andro Prešov, sas akharde o kreativna manuša Richard Staviarsky u Marka Staviarska (e producentka), the e aktorka andre šerutňi rola Kamila Mitrášová. O bašavibnaskro akhardo sas e Folklorno kapela Štefanoskri Cínoskri. Štefan Cína hino o ko-autoris vaš o bašavibnaskro soundtrack kijo filmos, leskri kapela bašaďas nekhbuter originalna giľa.
e kategorija: vakeriben
o tagi: leperiben faktograficko dialog moderovano slovaťiko Richard Staviarsky Marka Staviarska Kamila Mirtrášová sakoneske interno
Štefan Bučko
kerdo: 18. 05. 2022 09:01 opre kerdo: 22. 03. 2023 14:56
Štefan Bučko hino andal e Bansko Bystrica. Bašavel andre Folklorno kapela Alexander Daškoskri, kaj bašavel pro akordeonos. Buter sar biš berš bašavelas u giľavelas andro prindžarde thana vaš o bašaviben pre Slovaťiko. Peskri bašavibnaskri karijera thoďas pre sera u kerel buťi sar o šoferis pro autobusis. Akana dikhel o bašaviben sar peskro hobby, varekana ča bašavel u giľavel. Andro video vakerel pal oda, sar dikhel o bašaviben, pal e fameľija, u pal o romano folkloris.
e kategorija: vakeriben
o tagi: leperiben biograficko monolog moderovano slovaťiko Štefan Bučko sakoneske interno
